Omulumentu a si omeya momulonga gwEkuma
Omulumentu omunyasha okwa si omeya momulonga guudha omeya moshikandjohogololo Okatyali, moka elelo lyoshitopolwa lya gandja oondjatha dhokuhupitha oomwenyo oshowo okawato omolwa oshiponga mokutaagulula omulonga ngoka.
Inapu pita ethimbo ele sho elelo lyoshitopolwa shaShana lya gandja oondjatha 25 dhokuhupitha oomwenyo opo dhi vule okulongithwa kaantu uuna taya taaguluka omulonga gwEkuma mOkatyali , omulumentu okwa si omeya momulonga moka, omutenya gwOsoondaha, konima sho a nuka okuza mokawato.
Olutu lyomulithi gwiimuna ngoka a tseyika owala nedhina Joseph, olwa monika kopolisi omutenya gwOmaandaha.
Pahapu dhomugandji gwe gwiilonga, Pinease Enkali, oshiningwanima shoka osha holoka pethimbo Joseph a thindile omuntu a taaguluke omulonga.
“Molyomakaya otwali tu na omuntu ngoka a yi kohambo opo a faalele aalithi iinima. Omuntu okwa lala kohambo na okwa zi ko omutenya gwOsoondaha. Nakusa pamwe nayakwawo yalwe oye mu thindikile nokumukwathela a taaguluke omulonga nokawato molwaashoka ohauto inayi vula okutaaguluka omulonga. Oshiningwanima osha holoka molweendo lwawo okushuna kohambo,” Enkali a popi.
“Otwa lombwelwa kutya sho okawato kali mokati komulonga, nakusa nookume ke oya nukamo mokawato nokuyoga, na okwa si omeya,
Kansela gwaKatyali, Joseph Mupetami okwa popi kutya ombelewa ye otayi konaakona kutya oondjatha dhokuhupitha oomwenyo dhoka dha gandjwa kombelewa yoshitopolwa odha yi peni. Okwa popi kutya oshingwanima shoka otashi halutha.
“Inatu tegelelwa shoka shiholoke konima sho elelo lyoshitopolwa lye tu pe oondjatha oshowo okawato kokulongitha. Omulonga ngoka ogwa ya muule na ogwa nika oshiponga, ihe elelo lyoshitopolwa olye tu gamene na inatu tegelela ekanitho lyoomwenyo momukalo ngoka,” Mupetami a popi.
Okatyali oka mono omeya okuza komulonga gwaPonona ngoka hagu kungulukile omeya gefundja okuza moshitopolwa shaShana, Ohangwena oshowo Omusati.
Aantu mboka ye na oohambo kombinga ndjoka ohaya taagulikile omulonga ngoka pOniiwe nuuwato.
ILENI NANDJATO
Olutu lyomulithi gwiimuna ngoka a tseyika owala nedhina Joseph, olwa monika kopolisi omutenya gwOmaandaha.
Pahapu dhomugandji gwe gwiilonga, Pinease Enkali, oshiningwanima shoka osha holoka pethimbo Joseph a thindile omuntu a taaguluke omulonga.
“Molyomakaya otwali tu na omuntu ngoka a yi kohambo opo a faalele aalithi iinima. Omuntu okwa lala kohambo na okwa zi ko omutenya gwOsoondaha. Nakusa pamwe nayakwawo yalwe oye mu thindikile nokumukwathela a taaguluke omulonga nokawato molwaashoka ohauto inayi vula okutaaguluka omulonga. Oshiningwanima osha holoka molweendo lwawo okushuna kohambo,” Enkali a popi.
“Otwa lombwelwa kutya sho okawato kali mokati komulonga, nakusa nookume ke oya nukamo mokawato nokuyoga, na okwa si omeya,
Kansela gwaKatyali, Joseph Mupetami okwa popi kutya ombelewa ye otayi konaakona kutya oondjatha dhokuhupitha oomwenyo dhoka dha gandjwa kombelewa yoshitopolwa odha yi peni. Okwa popi kutya oshingwanima shoka otashi halutha.
“Inatu tegelelwa shoka shiholoke konima sho elelo lyoshitopolwa lye tu pe oondjatha oshowo okawato kokulongitha. Omulonga ngoka ogwa ya muule na ogwa nika oshiponga, ihe elelo lyoshitopolwa olye tu gamene na inatu tegelela ekanitho lyoomwenyo momukalo ngoka,” Mupetami a popi.
Okatyali oka mono omeya okuza komulonga gwaPonona ngoka hagu kungulukile omeya gefundja okuza moshitopolwa shaShana, Ohangwena oshowo Omusati.
Aantu mboka ye na oohambo kombinga ndjoka ohaya taagulikile omulonga ngoka pOniiwe nuuwato.
ILENI NANDJATO
Comments
Namibian Sun
No comments have been left on this article