Omuloka omwaanawa gwa e ta uutile
Sha landula shoShiyenga shaNangombe ye gadhenge pevi mehuliloshiwike lya piti, iishana oshowo omahala ogendji ngoka haga kala nomeya oguudha nale omeya na osha e ta uumbanda kaantu mboka haya zi momahala ngoka unene moshitopolwa shaShana.
Omunambelewa omupopiliko gwOpolisi yaShana, Tomas Aiyambo okwa kunkilile aantu opo kaya tule we omagumbo gawo pomahala mpoka hapu kala omeya molwaashoka ohashi kala oshidhigu okuya tembula uuna omuloka gwa tameke. Oyendji yomwaamboka ohaya ikuthile evi anuwa omanga yamwe ya pewa omahala ngoka komalelo gomoondoolopa nenge komalelo gopamuthigululwakalo.
“Aantu inaya tula we oomwenyo dhawo moshiponga paku tula omagumbo gawo pomahala mpoka hapuudha omeya. Uune pwa holoka sha nena otaya ithana opolisi na otashi vulika tu kale itatu vulu okugandja ekwatho molwaashoka omahala ngoka otaga pumbwa iihauto ya nuninwa okuya pomahala ngoka nenge omadhagadhaga. Omadhagadhaga gokutembudha aantu paulumomhumbwe oge na ondilo,” Aiyambo a popi.
“Omalelo naga kunkilile aantu mpoka ye na okutula omagumbo gawo opo ku yandwe etulo moshiponga lyoomwenyo.”
Ester Panduleni okwa tungu egumbo lye mOpoto moshitopolwa shaShana momvula yo 2015.
Pethimbo ndyoka okwa li ta kongo ehala ndyoka ta vulu okwiithana kutya egumbo.
“Onda pewa ehala ndika kumwene gwomukunda na onda futu oshimaliwa shooN$600. Onda tula po ombashu yandje naayihe oya kala tayi ende nawa uule womvula dha piti, ihe konima owala yomvula ndjoka ya loko mOsoondaha, pegumbo lyandje itapu vulu we okuyiwa. Otandi galikana owala kutya itatu ka mona omuloka omunene ngoka tagu ka e ta efundja.”
Elenga enene mOnamutai Amon Shipanga okwa pula ooyene yomikunda kaya gandje evi miishana nopomahala mpoka hapu thikama omeya.
Omalelo goondoolopa ogendji monooli ohaga longitha iimaliwa oyindji mokutulula aantu pethimbo lyomuloka molwaashoka pomahala mpoka ye li ohaga udha omeya.
ILENI NANDJATO
“Aantu inaya tula we oomwenyo dhawo moshiponga paku tula omagumbo gawo pomahala mpoka hapuudha omeya. Uune pwa holoka sha nena otaya ithana opolisi na otashi vulika tu kale itatu vulu okugandja ekwatho molwaashoka omahala ngoka otaga pumbwa iihauto ya nuninwa okuya pomahala ngoka nenge omadhagadhaga. Omadhagadhaga gokutembudha aantu paulumomhumbwe oge na ondilo,” Aiyambo a popi.
“Omalelo naga kunkilile aantu mpoka ye na okutula omagumbo gawo opo ku yandwe etulo moshiponga lyoomwenyo.”
Ester Panduleni okwa tungu egumbo lye mOpoto moshitopolwa shaShana momvula yo 2015.
Pethimbo ndyoka okwa li ta kongo ehala ndyoka ta vulu okwiithana kutya egumbo.
“Onda pewa ehala ndika kumwene gwomukunda na onda futu oshimaliwa shooN$600. Onda tula po ombashu yandje naayihe oya kala tayi ende nawa uule womvula dha piti, ihe konima owala yomvula ndjoka ya loko mOsoondaha, pegumbo lyandje itapu vulu we okuyiwa. Otandi galikana owala kutya itatu ka mona omuloka omunene ngoka tagu ka e ta efundja.”
Elenga enene mOnamutai Amon Shipanga okwa pula ooyene yomikunda kaya gandje evi miishana nopomahala mpoka hapu thikama omeya.
Omalelo goondoolopa ogendji monooli ohaga longitha iimaliwa oyindji mokutulula aantu pethimbo lyomuloka molwaashoka pomahala mpoka ye li ohaga udha omeya.
ILENI NANDJATO
Comments
Namibian Sun
No comments have been left on this article