Omuleli gwAaHambukushu a yi pambambo ompango
Epangelo olya holola kutya omalelo gopamuthigululwakalo kage na oonkondo okutamaneka iipotha yili moohofa nenge tayi konaakonwa kopolisi.
KENYA KAMBOWE
RUNDU
Etokolo ndyoka lya ningwa komulelo gwelelo lyoHambukushu Traditional Authority, Erwin Munika Mbambo opo a kwatelele komeho oshikumungu nokugandja omageelo kaantu yahetatu mboka taya kwatakanitha medhipago, kali li mondjila molwaashoka oompangu dhopamuthigululwakalo kadhi na oonkondo okukwatela komeho omapangulo gomadhipago, epangelo lya popi.
Ominista yuuyuki, Yvonne Dausab okwa lombwele oNamibian Sun oshiwike shika kutya oompangu dhaakwashigwana kadhi na oonkondo okukwatela komeho iipotha yomadhipago nenge yomakwatonkonga.
Iikundaneki moshilongo oya lopota kombinga yomageelo ga pewa oonakutamanekwa mboka kelelo lyoHambukushu moka aantu yahetatu taya kwatakanithwa nedhipago lyomunamimvo 22, Ryan Frederick Kanyanga Mukuve.
Mukuve okwa li omwiilongi moshiputudhilo shoUniversity of Namibia moRundu na okwa li a kana momasiku 18 gaJuni momulonga gwaKavango momukunda Kapako, nolutu lwe adhika kombanda yomeya momasiku 25 gaJuni.
Omakonaakono goshiyetuthi sheso ngoka ga ningwa kopolisi oga holola kutya okwa dhipagwa.
Aakwashigwana ya ningi ehololomadhilaadhilo taya pula uuyuki shoka sha etitha ofamili yi longithe aaningi yomakonaakono yopaumwene oshowo elelo lyopamuthigululwakalo.
Opolisi nayo oya kala tayi konaakona oshipotha shoka, nomakonaakono otaga tsikile pahapu dhakomanda gwOpolisi yaKavango East, kOmufala Johanna Ngondo.
Nonando ongaaka elelo lyaHambukushu Traditional Authority olya tokola okutala moshipotha shoka nokwiidhana kompangu aantu ye Ii yahetatu mwakwatelwa omupolisi.
Oya pewa egeelo ya fute oshimaliwa shooN$22 500 nenge oongombe dhili 15 kehe gumwe.
Dausab okwa popi kutya oompangu dhopamuthigululwakalo kadhi na oonkondo okupangula iipotha mbyoka yi li mompangu nenge tayi konaakonwa kopolisi.
Pahapu dhomukonaakoni gopaumwene, Ervin Kapinga, aantu mboka ya hetatu oya pewa omageelo kelelo lyopamuthigululwakalo omolwa omukalo ngoka yiihumbata sho nakusa a kana momasiku 18 gaJuni.
“Oya pewa omageelo kwiikwatelelwa komukalo ngoka yiihumbata. Oshiholelwa ngaashi mboka ya li nanakusa oya popi kutya okwa fadhukapo ihe kape omukwashigwana e mu mono sho ta fadhukapo nenge pe na ngoka te mu tidhwa.”
“Omuntu ngoka a mono ongodhi yanakusa Etitano ndyoka okwe yi holola owala mOmaandaha omanga eshi shi kutya nakusa oha kala peni, oshowo kutya ofamili ye ohayi zi peni, naashoka osho sha etitha elelo lyopamuthigululwakalo li ya pe egeelo.”
Elenga enene melelo lyoHambukushu, Erwin Disho okwa tindi okutya sha.
RUNDU
Etokolo ndyoka lya ningwa komulelo gwelelo lyoHambukushu Traditional Authority, Erwin Munika Mbambo opo a kwatelele komeho oshikumungu nokugandja omageelo kaantu yahetatu mboka taya kwatakanitha medhipago, kali li mondjila molwaashoka oompangu dhopamuthigululwakalo kadhi na oonkondo okukwatela komeho omapangulo gomadhipago, epangelo lya popi.
Ominista yuuyuki, Yvonne Dausab okwa lombwele oNamibian Sun oshiwike shika kutya oompangu dhaakwashigwana kadhi na oonkondo okukwatela komeho iipotha yomadhipago nenge yomakwatonkonga.
Iikundaneki moshilongo oya lopota kombinga yomageelo ga pewa oonakutamanekwa mboka kelelo lyoHambukushu moka aantu yahetatu taya kwatakanithwa nedhipago lyomunamimvo 22, Ryan Frederick Kanyanga Mukuve.
Mukuve okwa li omwiilongi moshiputudhilo shoUniversity of Namibia moRundu na okwa li a kana momasiku 18 gaJuni momulonga gwaKavango momukunda Kapako, nolutu lwe adhika kombanda yomeya momasiku 25 gaJuni.
Omakonaakono goshiyetuthi sheso ngoka ga ningwa kopolisi oga holola kutya okwa dhipagwa.
Aakwashigwana ya ningi ehololomadhilaadhilo taya pula uuyuki shoka sha etitha ofamili yi longithe aaningi yomakonaakono yopaumwene oshowo elelo lyopamuthigululwakalo.
Opolisi nayo oya kala tayi konaakona oshipotha shoka, nomakonaakono otaga tsikile pahapu dhakomanda gwOpolisi yaKavango East, kOmufala Johanna Ngondo.
Nonando ongaaka elelo lyaHambukushu Traditional Authority olya tokola okutala moshipotha shoka nokwiidhana kompangu aantu ye Ii yahetatu mwakwatelwa omupolisi.
Oya pewa egeelo ya fute oshimaliwa shooN$22 500 nenge oongombe dhili 15 kehe gumwe.
Dausab okwa popi kutya oompangu dhopamuthigululwakalo kadhi na oonkondo okupangula iipotha mbyoka yi li mompangu nenge tayi konaakonwa kopolisi.
Pahapu dhomukonaakoni gopaumwene, Ervin Kapinga, aantu mboka ya hetatu oya pewa omageelo kelelo lyopamuthigululwakalo omolwa omukalo ngoka yiihumbata sho nakusa a kana momasiku 18 gaJuni.
“Oya pewa omageelo kwiikwatelelwa komukalo ngoka yiihumbata. Oshiholelwa ngaashi mboka ya li nanakusa oya popi kutya okwa fadhukapo ihe kape omukwashigwana e mu mono sho ta fadhukapo nenge pe na ngoka te mu tidhwa.”
“Omuntu ngoka a mono ongodhi yanakusa Etitano ndyoka okwe yi holola owala mOmaandaha omanga eshi shi kutya nakusa oha kala peni, oshowo kutya ofamili ye ohayi zi peni, naashoka osho sha etitha elelo lyopamuthigululwakalo li ya pe egeelo.”
Elenga enene melelo lyoHambukushu, Erwin Disho okwa tindi okutya sha.
Comments
Namibian Sun
No comments have been left on this article