Omukwatinkonga a mangululwa

JANA-MARI SMITHEpangelo otali pataneke etokolo lya ningwa kumangetrata oshiwike sha piti opo omulongiskola ngoka a monika ondjo moshipotha shekwatonkonga nokugandja etegelelo kokanona koskola koomvula 13 a kale pondje yodholongo.Metitano lya piti, mangetrata mompangu yopashitopolw,aLeopold Hangalo okwa kuthapo egeelo lyoomvula o 10 mondjeedhililo komunamimvo 40, Sakaria Itana ngoka a monika ondjo yekwatonkonga okanona koomvula 13 momvula 2014 omanga a li e na oomvula 34.Omulongiskola ngoka okwa lopotwa eli pondje yodholongo na okwa tsikile niilonga ye poskolaoyo tuundjoka a li ha longo, pOndundu Primary School moshikandjo shaTsumeb moka ekwatonkonga lya ningilwa.Pethimbo lyepangulo ompangu oya lombwelwa kutya Itana oha futu kehe omwedhi oshimaliwa shokusila oshisho okanona hoka oshowo aanona ye yalwe yaheyali mboka e na.Itana ina zimina oshipotha shekwatonkonga ihe okwa popi kutya oya li miihulo nokanona hoka okuza keuvathano. Itana okwa pangululwa ekwatonkonga lyokanona hoka pokati komwedhi Januari sigo omweedhi Aguste mo 2014.Pethimbo a gandja etokolo moshipotha shoka, Hangalo okwa popi kutya ompangu oya mono omatompelo gokukaleka Itana pondje yodholongo. Okwa popi kutya sho a nongonona ompango egeelo lyekwatonkonga lyokanona otali vulu okukuthwapo kwiikwatelwa koonkalo dhimwe po ndhoka e wete dha faaathana nonkalo yaItana.Okwa popi kutya etulo mondjeedhililo lyaItana otali ka gandja egeelo komukulukadhi gwe naaanona ye yahetatu mok mwakwatelwa okanona ka nakukwatwa onkonga omolwaashoka oye owala omusilishisho gwofamili.Hangalo okwa popi omaiyuvo ge kutya okanona hoka koomvula 13 oka yi miihulo naItana sha za kehalo lyako na inaka ehamwekwa.Okwa tsikile kutya Itana ina longitha omuyonena, omatilitho nenge oshilwitho okulonga omuyonena ngoka.Aniwa okanona hoka oshowo aavali yako oya popi kutya oya taamba ombili ya Itana na oye mu dhiminapo.Okwa popi kutya nakukwatwa onkonga okwa popi kutya okwa ndopa ondondo onti 10 na ke na iilonga onkene ina hala Itana a tumwe kodholongo molwaashoka kape na ngoka taka sila okanona ke oshisho.Aavali yokanona oya popi kutya kaye na iilonga na ohaya hupu mokulanditha iihape, onkene itaya vulu okusila oshisho okanona, na oya dhiminapo Itana.Omukalelipo gwaItana okwa popi kutya oku na ofamili na oye awike ha sile oshisho ofamili. Hangalo okwa popi kutya Itana okwa ulike iipa ombedhi omolwa oshimbuluma shoka, na osho shotango ta longo onkene shoka osha yalula muuwanawa we.OmapuloEpangelo olya popi kutya okanona koomvula 13 itaka vulu okugandja ezimino lyokuya miihulo paveta, onkene shoka itashi kala eipopilo.Dianne Hubbard gwoLegal Assistance Centre (LAC) okwa popi kutya nonando paveta egeelo lya gandjwa mekwatonkonga otali vulu okushunithwa pevi, etokolo ndyoka lya ningwa moshipotha shoka otali limbilike.“Egeelo alihe lya kuthwapo otali vulu okugandja etumwalaka lya puka kaalongiskola mboka haya yi miihulo naanona. Okwa popi kutya ope na onkalo ye yo modholongo omadhimbo ngaashi mehuliloshiwike ndjoka tayi pitika nakumonika ondjo a longelepo egeelo lye oshowo okulonga a vule okusila oshisho aanona ye.”Okwa popi kutya ompangu tayi mona okanona koomvula 13 ka yi miihulo okuza kezimino lyako, osha puka molwaashoka paveta okanona koomvula 13 itaka vulu okuziminina e yo miihulo.Hubbard oshowo Ingrid Husselmann gwOmbudsman oya popi kutya Ompango yOkukondjitha Omakwatonkonga oya indika ekuthepo thiluthilu lyomageelo miipotha yomakwatonkonga.Husselmann okwa gwedhapo kutya oskola otayi vulu okukatukila onkatu nakumonika ondjo ngoka.Nuumvo muMaalitsa, aakwashigwana oya ningi ehololomadhilaadhilo mOshakati taya pula ekutho mo lyaHangalo moshipotha, sho a li a pewa oshinakugwanithwa shokugandja egeelo kuSindano Hango ngoka a monika ondjo mekwatonkonga, oshipotha shoka Hangalo a li e mu mangulula kusho.Konima yomakonaakono ga ningwa kepangelo Ompangu yoPombanda yaShakati oya mono Hango ondjo, na oya ukitha naatango oshipotha shoka kuHangalo opo a ka gandje egeelo.

Omukwatinkonga a mangululwa

Comments

Namibian Sun 2022-05-24

Please login to leave a comment

Omukwatinkonga a mangululwa

Comments

Namibian Sun 2022-05-24

Please login to leave a comment

Login