Omukwaniilwa Elifas ta kutu nokutidha miilonga
Omukwaniilwa gwaNdonga okwa lopotwa a tidha miilonga limwe lyomomalenga ge, ndyoka lya tidhwa miilonga pakutseyithilwa netumwalaka aniwa lyopaWhatsapp, ihe elenga ndyoka olya gana kutya otali yi kiilonga.
Elenga lyoshikandjo sha Onyelelo, Petrus Shambo Martin, ogumwe gwomaamwaamboka ya tidha miilonga muule woomwedhi ndatu kelelo lyOpamuthigululwakalo lyaNdonga.
Martin okwa koleke konzokundaneki yoNampa kutya okwa pewa omukanda gwe gwetidho miilonga, ngoka atuminwa koWhatsApp, okuza konomola yongodhi keeyishi.
Martin okwa popi kutya momukanda ngoka a tuminwa okwa tseyithilwa kutya keshi we elenga lyoshikandjo shoka.
Omukanda ngoka gwa monika woo konzokundaneki yoNampa, ogwa holola kutya Omukwaniilwa Immanuel Kauluma Elifas okwa kutha miilonga Martin onga mwene gwomukunda Okadhimeti. Omukanda ogwa popi kutya Martin okwa ihumbata nayi.
“WhatsApp oshiluli kungame, onkene itandi taamba ombaapila ndjoka na onda tegelela omutumwa gwomukwaniilwa a thike kungame nokupandje ombaapila yandje yekutho miilonga.Omaihumbato gandj e gonayi oga pumbwa woo okutseyithilwa ndje,” Martin ta ti.
Okwa popi kutya ekutho miilonga lyaantu, pwaahena omitumba dhomautho osha ninga oshinima sha kehe esiku mOndonga.
Sho a ningilwa omapulo, omupopiliko gwelelo lyaNdonga, Nepando Amupanda okwa popi kutya ombaapila ndjoka ya monika kuMartin oyili mondjila.
“Eshaino ndyoka li li pombapila ndjoka olyomukwaniilwa naamboka uupyakadhi we mwene ngele ita taambako ombaapila ndjoka.”
Natango okwa tukuka ishewe oohapu sho elenga lyoshikandjo shUukwanambwa, Ester gwaShamba Nepando, uulike Alwin Nashongo opo a longe pehala lyomukomeho gwoshikandjo sha Uudhengelo.
Nashongo ota pingenepo Fillemon Nambili, ngoka a tidhwa miilonga komukwaniilwa pamwe nayakwawo yalwe ngaashi Peter Kauluma, John Walenga, Vilho Kamanya, Joseph Asino, Kashona kaMalulu, Joseph Akawa naTonata Ngulu muApilili.
Sho a popi pethimbo lyoshituthi uliko lyaNashongo, momukunda Uudhengelo, Nepando okwa popi kutya omalenga ngoka oga kuthwa miilonga sho ga kambadhala okufala kompangu omukwaniilwa Elifas, nomatompelo geshiwike owala kuyoyene.
Nambili okwa li omukomeho gwoshikandjo Uudhengelo oshowo mwene gwomukunda Uudhiya. Nepando okwa ulike Abisai Kapunda opo a longe onga mwene gwomukunda ngoka manga.
Aanamukunda oyendji mwakwatelwa Nambili oya kala piituthi mbyoka iyali yomauliko gaaleli aape. Omupopiliko gwoshikandjo shUukwanambwa, Frans Shidhudhu okwa tseyitha Nepando koshigwana onga kansela gwawo gwopombanda miigongi mbyoka ya ningwa mUudhengelo nUudhiya.
Elifas kuyele nuumvo okwa ulike Nepando onga kansela gwoshikandjo shUukwanambwa konima sho kwa tidha miilonga Wilbard Lidker.
NAMPA
Martin okwa koleke konzokundaneki yoNampa kutya okwa pewa omukanda gwe gwetidho miilonga, ngoka atuminwa koWhatsApp, okuza konomola yongodhi keeyishi.
Martin okwa popi kutya momukanda ngoka a tuminwa okwa tseyithilwa kutya keshi we elenga lyoshikandjo shoka.
Omukanda ngoka gwa monika woo konzokundaneki yoNampa, ogwa holola kutya Omukwaniilwa Immanuel Kauluma Elifas okwa kutha miilonga Martin onga mwene gwomukunda Okadhimeti. Omukanda ogwa popi kutya Martin okwa ihumbata nayi.
“WhatsApp oshiluli kungame, onkene itandi taamba ombaapila ndjoka na onda tegelela omutumwa gwomukwaniilwa a thike kungame nokupandje ombaapila yandje yekutho miilonga.Omaihumbato gandj e gonayi oga pumbwa woo okutseyithilwa ndje,” Martin ta ti.
Okwa popi kutya ekutho miilonga lyaantu, pwaahena omitumba dhomautho osha ninga oshinima sha kehe esiku mOndonga.
Sho a ningilwa omapulo, omupopiliko gwelelo lyaNdonga, Nepando Amupanda okwa popi kutya ombaapila ndjoka ya monika kuMartin oyili mondjila.
“Eshaino ndyoka li li pombapila ndjoka olyomukwaniilwa naamboka uupyakadhi we mwene ngele ita taambako ombaapila ndjoka.”
Natango okwa tukuka ishewe oohapu sho elenga lyoshikandjo shUukwanambwa, Ester gwaShamba Nepando, uulike Alwin Nashongo opo a longe pehala lyomukomeho gwoshikandjo sha Uudhengelo.
Nashongo ota pingenepo Fillemon Nambili, ngoka a tidhwa miilonga komukwaniilwa pamwe nayakwawo yalwe ngaashi Peter Kauluma, John Walenga, Vilho Kamanya, Joseph Asino, Kashona kaMalulu, Joseph Akawa naTonata Ngulu muApilili.
Sho a popi pethimbo lyoshituthi uliko lyaNashongo, momukunda Uudhengelo, Nepando okwa popi kutya omalenga ngoka oga kuthwa miilonga sho ga kambadhala okufala kompangu omukwaniilwa Elifas, nomatompelo geshiwike owala kuyoyene.
Nambili okwa li omukomeho gwoshikandjo Uudhengelo oshowo mwene gwomukunda Uudhiya. Nepando okwa ulike Abisai Kapunda opo a longe onga mwene gwomukunda ngoka manga.
Aanamukunda oyendji mwakwatelwa Nambili oya kala piituthi mbyoka iyali yomauliko gaaleli aape. Omupopiliko gwoshikandjo shUukwanambwa, Frans Shidhudhu okwa tseyitha Nepando koshigwana onga kansela gwawo gwopombanda miigongi mbyoka ya ningwa mUudhengelo nUudhiya.
Elifas kuyele nuumvo okwa ulike Nepando onga kansela gwoshikandjo shUukwanambwa konima sho kwa tidha miilonga Wilbard Lidker.
NAMPA
Comments
Namibian Sun
No comments have been left on this article