Omukwaniilwa a taalela esithahoni
Omukwaniilwa gwaNdonga ngoka taku popiwa kutya ke na uukolele nawa okwa pewa elombwelo kOmpangu yoPombanda opo a ye a ka gandje uumbangi we mwene, naashoka tashi ka etitha esithahoni komukwaniilwa miipathi yaalelwa ye, pahapu dhomuleli gwoshilongo.
Epangelo lyaNamibia oshowo aaleli yelelo lyopamuthigululwakalo mOndonga, otaya kondjo yahala okuhupitha Omukwaniilwa gwaNdonga opo ka holoke mOmpangulilo yoPombanda yaShakati.
Onzo yi shi okwiinekelwa oya nothelekoo oshifokundaneki shoNamibian Sun kutya otaku ningwa omalongekidho opo omukwaniilwa ka holoke komeho yompangu, ngaashi sha tokolwa moshipotha shaaleli melelo lyaNdonga, mboka ya kuthwa miilonga komukwaniilwa omvula ya piti, na otaya pataneke etokolo lyomukwaniilwa oku ya tidhwa miilonga.
Ookansela mboka oya ithanwa kEgumbo lyEpangelo kOmupresidende Hage Geingob oshiwike sha piti, na okwa ningwa oonkundathana ndhoka dha nuninwa egameno lyuuntu womukwaniilwa.
Omupopiliko gwomukwaniilwa, Naeman Amalwa, okwa popi kutya yo inaya vula okutsakanena nomuleli gwoshilongo omolwa eipyakidhilo lye na inaya mona woo ehiyo lyopambelewa opo ya ye kEgumbo lyEpangelo.
“Sho nda tseyithile elelo olya popi kutya inatu pumbwa okuya sigo twa mono ehiyo lyopambelewa, naashoka otashi kala konima yomutumba ngoka gwa ningwa Olyomayaka.”
Eidhopo mo lyaGeingob moshikumungu shelelo lyaNdonga, olya landula sho Omukokoli Presidende Sam Nujoma ngoka a talele po omukwaniilwa konima yesiku limwe omanga inaku ningwa omutumba kEgumbo lyEpangelo. Nujoma okwa holola okuuva nayi kwe omolwa aaleli nale ngoka ya fala omukwaniilwa kompangu neindilo lyawo lyompangu opo omukwaniilwa a ka gandje uumbangi mompangulilo.
Omupanguli mOmpangu yOpombanda yaShakati, Maphios Cheda okwa gandja etokolo lyompangu moka a pula omukwaniilwa opo a ka gandje uumbangi we shi na sha netidho miilonga lyookansela mboka. Cheda okwa gandja omasiku 14 opo aakalelipo yopaveta ya tothemo esiku moka omukwaniilwa ta ka pumbwa okukala a gandja uumbangi we mwene.
Ongundu yoohahende dhomukwaniilwa odha ndopa mokupataneka etokolo ndyoka, sho dha popi kutya eindilo ndyoka lya ningwa koonakutidhwa otali kambadhala okututsa onkalo yopamadhilaadhilo yomukwaniilwa.
“Shoka Geingob a hala okukaleka po uuntu womukwaniilwa Elifas. Oshinima shotango shoka Geingob a pula ongundu ndjoka okutya otaya ningi shike mokugamenena po uuntu womukwaniilwa. Okwa popi kutya Omukwaniilwa omuntu a simanekwa onkene ita vulu okusitha ohoni paku falwa ompangu,” onzo ndjoka ta holola.
Momukanda ngoka gwa pewa oongundu ndhoka mbali tadhi kondjithathana, Geingob okwa yeleke kutya ye ita idhopo miikumungu yompangu, ihe okwa hala owala okukalekapo esimano lyuuntu womukwaniilwa Kauluma, opo ka vule okufalwa kOmpangu nokusithwa ohoni komeho yaantu ye, na oku wete kutya shoka kashi li mondjila.
Vilho Kamanya ngoka a popi pehala lyookansela mboka ya tidhwa, okwa popi kutya oya galuka kEgumbo lyEpangelo ya yanyanyukwa.
“Etumwalaka olya yela kutya aakwashigwana yaNdonga naya kale mombili. Ashike shoka sha li tashi popiwa kombinga yetidho lyetu iifundja yowala. Otwa popi nomupresidende oshowo osheendo she na otwa galuka twa nyanyukwa.”
Ookansela mboka ya tidhwa Peter Kauluma, amushanga nale gwelelo lyaNdonga, Joseph Asino, elenga enene lyoshikandjo shaNdangwa, John Walenga, Kamanya, Kashona kaMalulu, Tonata Ngulu and Fillemon Nambili.
Mboka oya pingenewa po nelelo epe, moka mwa kwatelwa omugameni nale gwopaumwene gwomukokoli presidende, Nepando Amupanda.
ILENI NANDJATO
Onzo yi shi okwiinekelwa oya nothelekoo oshifokundaneki shoNamibian Sun kutya otaku ningwa omalongekidho opo omukwaniilwa ka holoke komeho yompangu, ngaashi sha tokolwa moshipotha shaaleli melelo lyaNdonga, mboka ya kuthwa miilonga komukwaniilwa omvula ya piti, na otaya pataneke etokolo lyomukwaniilwa oku ya tidhwa miilonga.
Ookansela mboka oya ithanwa kEgumbo lyEpangelo kOmupresidende Hage Geingob oshiwike sha piti, na okwa ningwa oonkundathana ndhoka dha nuninwa egameno lyuuntu womukwaniilwa.
Omupopiliko gwomukwaniilwa, Naeman Amalwa, okwa popi kutya yo inaya vula okutsakanena nomuleli gwoshilongo omolwa eipyakidhilo lye na inaya mona woo ehiyo lyopambelewa opo ya ye kEgumbo lyEpangelo.
“Sho nda tseyithile elelo olya popi kutya inatu pumbwa okuya sigo twa mono ehiyo lyopambelewa, naashoka otashi kala konima yomutumba ngoka gwa ningwa Olyomayaka.”
Eidhopo mo lyaGeingob moshikumungu shelelo lyaNdonga, olya landula sho Omukokoli Presidende Sam Nujoma ngoka a talele po omukwaniilwa konima yesiku limwe omanga inaku ningwa omutumba kEgumbo lyEpangelo. Nujoma okwa holola okuuva nayi kwe omolwa aaleli nale ngoka ya fala omukwaniilwa kompangu neindilo lyawo lyompangu opo omukwaniilwa a ka gandje uumbangi mompangulilo.
Omupanguli mOmpangu yOpombanda yaShakati, Maphios Cheda okwa gandja etokolo lyompangu moka a pula omukwaniilwa opo a ka gandje uumbangi we shi na sha netidho miilonga lyookansela mboka. Cheda okwa gandja omasiku 14 opo aakalelipo yopaveta ya tothemo esiku moka omukwaniilwa ta ka pumbwa okukala a gandja uumbangi we mwene.
Ongundu yoohahende dhomukwaniilwa odha ndopa mokupataneka etokolo ndyoka, sho dha popi kutya eindilo ndyoka lya ningwa koonakutidhwa otali kambadhala okututsa onkalo yopamadhilaadhilo yomukwaniilwa.
“Shoka Geingob a hala okukaleka po uuntu womukwaniilwa Elifas. Oshinima shotango shoka Geingob a pula ongundu ndjoka okutya otaya ningi shike mokugamenena po uuntu womukwaniilwa. Okwa popi kutya Omukwaniilwa omuntu a simanekwa onkene ita vulu okusitha ohoni paku falwa ompangu,” onzo ndjoka ta holola.
Momukanda ngoka gwa pewa oongundu ndhoka mbali tadhi kondjithathana, Geingob okwa yeleke kutya ye ita idhopo miikumungu yompangu, ihe okwa hala owala okukalekapo esimano lyuuntu womukwaniilwa Kauluma, opo ka vule okufalwa kOmpangu nokusithwa ohoni komeho yaantu ye, na oku wete kutya shoka kashi li mondjila.
Vilho Kamanya ngoka a popi pehala lyookansela mboka ya tidhwa, okwa popi kutya oya galuka kEgumbo lyEpangelo ya yanyanyukwa.
“Etumwalaka olya yela kutya aakwashigwana yaNdonga naya kale mombili. Ashike shoka sha li tashi popiwa kombinga yetidho lyetu iifundja yowala. Otwa popi nomupresidende oshowo osheendo she na otwa galuka twa nyanyukwa.”
Ookansela mboka ya tidhwa Peter Kauluma, amushanga nale gwelelo lyaNdonga, Joseph Asino, elenga enene lyoshikandjo shaNdangwa, John Walenga, Kamanya, Kashona kaMalulu, Tonata Ngulu and Fillemon Nambili.
Mboka oya pingenewa po nelelo epe, moka mwa kwatelwa omugameni nale gwopaumwene gwomukokoli presidende, Nepando Amupanda.
ILENI NANDJATO
Comments
Namibian Sun
No comments have been left on this article