Omukundu gwomeya monooli
Iitopolwa yomonooli yoshilongo otayi ka kala ya taalela ompumbwe yomeya muule wiiwike ihamano twa taalela sha landula etseyitho lyaningwa omolwa elongo lyondama yaCalueque.
Oshitopolwa shotango shiilonga yewapaleko lyomunino ngoka gwomeya osha manithwa mEtiyali lyoshiwike shika nangashiingeyi NamWater okwiipyakidhila noshitopolwa shokulonga omunino gumwe natango moCalueque.
Otendela ndjoka yiilonga yokulongulula ominino ndhoka, yongushu shoomiliyona 5 oya pewa ehangano lyoNatwe Engineering.
Pethimbo ndika omaleli giitopolwa oshowo oondoolopa monooli oya tseyithilwa kombinga yompumbwe yomeya. NamWater ita gandja oshindji kombinga yoshikumungu shoka na okwa tindi opo iikundaneki yi ye meni lyondama yaCalueque tayi adhika muumbugantu waAngola.
Ehangano ndyoka olya tseyitha kutya iilongitho mbyoka ya tulwa mondama ndjoka kepangelo lyaAngola, sha landula sho lya li lya longo ondama ndjoka nokuyiyambulapo kongushu yoobiliyona 2.7 itayi longo natango omolwa ompumbwe yoonkondo dholusheno.
Omunambelewa gwochief operating officer gwoongeshefa mehangano lyoNamWater nonooli yoshilongo, Kaliki Kambanda, okwa holola kutya ominino dhomeya mondama ndjoka odha tameke tadhi ziya , nokweetitha opomba yimwe yikuthwemo nangashiingeyi otaku longithwa owala opomba yimwe.
Kambanda okwa popi kutya okwa li kwa tumwa omatseyitho kiikundaaneki omolwa onkalo ndjoka sho kwali kwategelelwa ompumbwe yomeya yiholoke , ihe iilonga mbyoka oyi Ii pokumanithwa na ookastoma dhehangano lyawo inadhi mona uupyaladhi unene.
Okwa tsikile kutya omwiidhi ogundji ngoka gwa mene kohi yokanala hoka otagu etitha woo e yo moshipala lyepombo lyomeya okuza mokanala hoka ngaashi shito, shoka sha etitha woo ompumbwe yomeya mondama yokuwapalekela omeya nokutopola omeya mOshakati.
Omolwa onkalo ndjoka Kambanda okwa popi kutya otaku ka kala ompumbwe yomeya pokati komasiku 15 gaJanuari sigo 28 gaFebruali pokati kotundi onti 22:00 no 05:00.
Okwa ti shoka otashi ningwa opo ku vule okupungulwa omeya ngoka taga longithwa omutenya, nokukwata nawa omeya ngoka taga vulu okumonika po.
Okwa tsikile kutya pomahala gamwe ngaashi iipangelo nuuklinika omalelo naanambelewa ye na iinakugwanithwa yokukwatela komeho omahala ngoka naya ninge ekwatathano nehangano, opo ku vule okuningwa omalongekidho gokufala ootenga dhomeya piiputudhilo mbyoka. Iilonga yondama yacalueque
Momvula yo 2015 epangelo lyaAngola olya tameke iilonga yewapaleko neyambulepo ondama yaCalueque, shoka sha ningwa kongushu yiimaliwa yoobiliyona 2.7, niilonga oya manithwa mo 2016.
Osha li sha lopotwa kutya iilonga mbyoka oya kwatela mo etulo mondama ndjoka lyoopomba ndatu oompe opo ku vule okuyambulwapo ondjele yomeya ndjoka hayi pombwa okuza mondama ndjoka okuuka monooli yaNamibia, onga oshitopolwa sho1964 Cunene River Scheme Agreement.
Nonando ongaaka NamWater okwa popi kutya iikwaniipangitho mbyoka ya tulwa mondama ndjoka, sho ya li ya longwa itayi longo natango molwaashoka kayi na olusheno nomonena iinima mbyoka iikulu oyo natango tayi longo. Metiyali oomenindjera dhehangano ndyoka odha talelepo ondama ndjoka, ihe aatoolinkundana inaya pitikwa ya ye meni lyondama.
“Ondama yaCalueque oyili kohi yekondololo lyaNamWater, NamPower oshowo ehangano lyeyandjakaneko lyomeya moshitopolwa shaCunene moAngola. Inatu ya tseyithila na kashi li mondjila ngele otwe mu ethele muye meni,” Kambanda a lombwele oNamibian Sun.
ILENI NANDJATO
Otendela ndjoka yiilonga yokulongulula ominino ndhoka, yongushu shoomiliyona 5 oya pewa ehangano lyoNatwe Engineering.
Pethimbo ndika omaleli giitopolwa oshowo oondoolopa monooli oya tseyithilwa kombinga yompumbwe yomeya. NamWater ita gandja oshindji kombinga yoshikumungu shoka na okwa tindi opo iikundaneki yi ye meni lyondama yaCalueque tayi adhika muumbugantu waAngola.
Ehangano ndyoka olya tseyitha kutya iilongitho mbyoka ya tulwa mondama ndjoka kepangelo lyaAngola, sha landula sho lya li lya longo ondama ndjoka nokuyiyambulapo kongushu yoobiliyona 2.7 itayi longo natango omolwa ompumbwe yoonkondo dholusheno.
Omunambelewa gwochief operating officer gwoongeshefa mehangano lyoNamWater nonooli yoshilongo, Kaliki Kambanda, okwa holola kutya ominino dhomeya mondama ndjoka odha tameke tadhi ziya , nokweetitha opomba yimwe yikuthwemo nangashiingeyi otaku longithwa owala opomba yimwe.
Kambanda okwa popi kutya okwa li kwa tumwa omatseyitho kiikundaaneki omolwa onkalo ndjoka sho kwali kwategelelwa ompumbwe yomeya yiholoke , ihe iilonga mbyoka oyi Ii pokumanithwa na ookastoma dhehangano lyawo inadhi mona uupyaladhi unene.
Okwa tsikile kutya omwiidhi ogundji ngoka gwa mene kohi yokanala hoka otagu etitha woo e yo moshipala lyepombo lyomeya okuza mokanala hoka ngaashi shito, shoka sha etitha woo ompumbwe yomeya mondama yokuwapalekela omeya nokutopola omeya mOshakati.
Omolwa onkalo ndjoka Kambanda okwa popi kutya otaku ka kala ompumbwe yomeya pokati komasiku 15 gaJanuari sigo 28 gaFebruali pokati kotundi onti 22:00 no 05:00.
Okwa ti shoka otashi ningwa opo ku vule okupungulwa omeya ngoka taga longithwa omutenya, nokukwata nawa omeya ngoka taga vulu okumonika po.
Okwa tsikile kutya pomahala gamwe ngaashi iipangelo nuuklinika omalelo naanambelewa ye na iinakugwanithwa yokukwatela komeho omahala ngoka naya ninge ekwatathano nehangano, opo ku vule okuningwa omalongekidho gokufala ootenga dhomeya piiputudhilo mbyoka. Iilonga yondama yacalueque
Momvula yo 2015 epangelo lyaAngola olya tameke iilonga yewapaleko neyambulepo ondama yaCalueque, shoka sha ningwa kongushu yiimaliwa yoobiliyona 2.7, niilonga oya manithwa mo 2016.
Osha li sha lopotwa kutya iilonga mbyoka oya kwatela mo etulo mondama ndjoka lyoopomba ndatu oompe opo ku vule okuyambulwapo ondjele yomeya ndjoka hayi pombwa okuza mondama ndjoka okuuka monooli yaNamibia, onga oshitopolwa sho1964 Cunene River Scheme Agreement.
Nonando ongaaka NamWater okwa popi kutya iikwaniipangitho mbyoka ya tulwa mondama ndjoka, sho ya li ya longwa itayi longo natango molwaashoka kayi na olusheno nomonena iinima mbyoka iikulu oyo natango tayi longo. Metiyali oomenindjera dhehangano ndyoka odha talelepo ondama ndjoka, ihe aatoolinkundana inaya pitikwa ya ye meni lyondama.
“Ondama yaCalueque oyili kohi yekondololo lyaNamWater, NamPower oshowo ehangano lyeyandjakaneko lyomeya moshitopolwa shaCunene moAngola. Inatu ya tseyithila na kashi li mondjila ngele otwe mu ethele muye meni,” Kambanda a lombwele oNamibian Sun.
ILENI NANDJATO
Comments
Namibian Sun
No comments have been left on this article