Omukundu gwomeya mOnamatanga inagu kandulwa po
Omukwaniilwa gwaNgandjera Johannes Mupiya, okwa holola okuuva nayi kwe konima sho uuvu kutya uupyakadhi wompumbwe yomeya mboka wa kala mokati kaakwashigwana yomomukunda Onamatanga mOshikandjohogololo shaRuacana mOmusati, inawu kandulwa po natango.
Shoka oshe ya polweela pethimbo lyomutumba gwaakwashigwana ngoka gwa holola kutya aakwashigwana mboka taya lumbu nombuto yoHIV/Aids, TB oshowo aapangwa yalwe yomikithi dhilwe otaya silwa ohenda komukuluntuskola poskola yaOnamatanga Primary School, Johannes Shaanika, ngoka oye he ya pe omeya okuza poskola ndjoka.
Nonando ongaaka omeya ngoka inaga ga gwana.
Ehangano lyoRoads Authority (RA) mo- 2013, olya ningi omboola mOnamatanga ndjoka ya nuninwa okugandja omeya kaakwashigwana yomOnamatanga ihe opwa ende epuko konima yoomwedhi dhontumba nuupyakadhi mboka inawu kandulwa po sigo onena.
Oshikondo sheyandjakaneko yomeya momikunda kashi na ontseyo kombinga yomboola ndjoka na kashi shi ngele oya li ya ningilwa omalolelo kutalike ngele omeya ngoka otaga vulu tuu okunuwa kaantu.
Aakwashigwana oya popi kutya ya kala taya longitha omeya ngoka sigo osho omboola ya kala itayi longo we uule woomvula mbali dha piti. Onamatanga otayi a dhika konyala oshinano shookilometa 60 okuza mOmakange.
Mehuliloshiwike Mupiya okwa talelepo omukunda ngoka, pamwe nomugandjimayele gwangoloneya gwaMusati, Fillipus Kashima, oshowo kansela gwoshikandjohogololo shaRuacana.
Oya ningi sohigongi naakwashigwana moka Shaanika pamwe naakwashigwana ya lombwele osheendo shoka kutya konima sho omboola ndjoka ya teka aakwashigwana oya shuna kokulongitha omeya gomomithima ngoka ge na oshimongwa.
Mboka ye na uundingosho ohaya longitha uutemba woondoongi opo yaka konge omeya komithima ndhoka dhi na omeya geli nawa ihe omithima ndhoka odhi li kokule noonkondo.
Aakwashigwana yamwe nayo ohaye ya futu woo opo ye ya etele omeya ngoka geli nawa.
“Mo-2013 RA okwa ningi omboola mOnamatanga ya nuninwa aakwashigwana omanga ta pangele okutunga ondjila ya Omakange-Onamatanga. Omboola ndjoka oya kala nokugandja omeya kaakwashigwana ihe lwanima otwa lombwelwa kutya aanambelewa yuundjolowele oya popi kutya omeya ngoka haga zi momboola ndjoka inaga yogoka nokunuwa kaantu ihe osha li oshihwepo andola otatu longitha ngaa omeya ngoka mokutelela nokunwa, molwaashoka itatu vulu okulongitha omeya ngoka haga zi momithima molwaashoka oge na oshimongwa,” Shaanika tati.
Okwa tsikile kutya pethimbo lyomvula oskola otayi gongele omeya ngoka haga zi piipeleki nuuna oshikako shomuloka sha piti, nena oshikondo sheyandjakaneko lyomeya momikunda ohashi ya etele omeya.
“Omeya ngoka oga nuninwa owala oskola ihe sho nda mono onkalo yongushu yomeya ngoka haga longithwa koshigwana unene mboka haya nu omiti dhawo, onda tokola okuninga oonkundathana nelelo lyoskola opo mboka yeli komapango ya kale taya pewa omeya yo ya vule okunwa omiti dhawo. Ohaya pewa oolita ntano dhomeya kehe oshiwike.”
Petrus Martin, ngoka eli omunambelewa omukuluntu koshikondo shomeya nomakuti mUuministeli wUunamapya, Omeya niihwa moshitopolwa shaMusati okwa popi kutya onkalo yomboola ndjoka ya ningwa koRA mOnamatanga kashi shi oshitopolwa shoshikondo shawo nomboola ndjoka kaya li ya nuninwa aakwashigwana.
“Omeya momudhingoloko aguhe gwaNamatanga oge na oshimongwa na itaga vulu okunuwa kaakwashigwana. Momvula yo-2003 no-2004 oshikondo shetu osha ningi oomboola dhontumba momudhingoloko ngoka ihe kadhi na omeya taga vulu okulongithwa kaakwashigwana. Inatu mona uuyelele kombinga yomboola ndjoka ya ningwa koRA. Katu shi ngele omeya ngoka oga konaakonwa ngaa nokumonika ngele otaga vulu okunuwa kaantu.”
Nonando ongaaka omunashipundi nale gwelelo lyaNgandjera opamwe nelenga enene lyoshikandjo shaNgandjera yomuuninginino moka tamu adhika Onamatanga, Sakeus Shikongo, okwa popi kutya okwa li oshitopolwa shomutumba moka mwa tokolwa opo RA aninge omboola mOnamatanga.
“Onda li momutumba ngoka gwa ningwa mo-2013. RA okwa popi kutya ope na oshitopolwa shi na omeya ga yogoka muuzilo wOnamatanga na oya uvaneke taya ka ninga omboola ndjoka nokutulamo ominino ndhoka tadhi vulu okukwatakanitha omeya momudhingoloko gwaNamatanga, na otashi uvitha nayi okuuva kutya ka kuna we omeya komudhingoloko ngoka,” Shikongo ta ti.
Mupiya okwa popi kutya uupyakadhi womeya mOnamatanga owa zi nale na okwa li e shi uupyakadhi mboka owa kandulwa po koRA
Omupopiliko gwoRA, Hileni Fillemon okwa lombwele o Namibian Sun kutya ehangano lyawo otali ka yamukula mbala. Kashima okwa uvanekele aakwashigwana kutya oshikumungu shoka oteshi fala koshikondo sheyandjakaneko lyomeya momikunda.
ILENI NANDJATO
Shoka oshe ya polweela pethimbo lyomutumba gwaakwashigwana ngoka gwa holola kutya aakwashigwana mboka taya lumbu nombuto yoHIV/Aids, TB oshowo aapangwa yalwe yomikithi dhilwe otaya silwa ohenda komukuluntuskola poskola yaOnamatanga Primary School, Johannes Shaanika, ngoka oye he ya pe omeya okuza poskola ndjoka.
Nonando ongaaka omeya ngoka inaga ga gwana.
Ehangano lyoRoads Authority (RA) mo- 2013, olya ningi omboola mOnamatanga ndjoka ya nuninwa okugandja omeya kaakwashigwana yomOnamatanga ihe opwa ende epuko konima yoomwedhi dhontumba nuupyakadhi mboka inawu kandulwa po sigo onena.
Oshikondo sheyandjakaneko yomeya momikunda kashi na ontseyo kombinga yomboola ndjoka na kashi shi ngele oya li ya ningilwa omalolelo kutalike ngele omeya ngoka otaga vulu tuu okunuwa kaantu.
Aakwashigwana oya popi kutya ya kala taya longitha omeya ngoka sigo osho omboola ya kala itayi longo we uule woomvula mbali dha piti. Onamatanga otayi a dhika konyala oshinano shookilometa 60 okuza mOmakange.
Mehuliloshiwike Mupiya okwa talelepo omukunda ngoka, pamwe nomugandjimayele gwangoloneya gwaMusati, Fillipus Kashima, oshowo kansela gwoshikandjohogololo shaRuacana.
Oya ningi sohigongi naakwashigwana moka Shaanika pamwe naakwashigwana ya lombwele osheendo shoka kutya konima sho omboola ndjoka ya teka aakwashigwana oya shuna kokulongitha omeya gomomithima ngoka ge na oshimongwa.
Mboka ye na uundingosho ohaya longitha uutemba woondoongi opo yaka konge omeya komithima ndhoka dhi na omeya geli nawa ihe omithima ndhoka odhi li kokule noonkondo.
Aakwashigwana yamwe nayo ohaye ya futu woo opo ye ya etele omeya ngoka geli nawa.
“Mo-2013 RA okwa ningi omboola mOnamatanga ya nuninwa aakwashigwana omanga ta pangele okutunga ondjila ya Omakange-Onamatanga. Omboola ndjoka oya kala nokugandja omeya kaakwashigwana ihe lwanima otwa lombwelwa kutya aanambelewa yuundjolowele oya popi kutya omeya ngoka haga zi momboola ndjoka inaga yogoka nokunuwa kaantu ihe osha li oshihwepo andola otatu longitha ngaa omeya ngoka mokutelela nokunwa, molwaashoka itatu vulu okulongitha omeya ngoka haga zi momithima molwaashoka oge na oshimongwa,” Shaanika tati.
Okwa tsikile kutya pethimbo lyomvula oskola otayi gongele omeya ngoka haga zi piipeleki nuuna oshikako shomuloka sha piti, nena oshikondo sheyandjakaneko lyomeya momikunda ohashi ya etele omeya.
“Omeya ngoka oga nuninwa owala oskola ihe sho nda mono onkalo yongushu yomeya ngoka haga longithwa koshigwana unene mboka haya nu omiti dhawo, onda tokola okuninga oonkundathana nelelo lyoskola opo mboka yeli komapango ya kale taya pewa omeya yo ya vule okunwa omiti dhawo. Ohaya pewa oolita ntano dhomeya kehe oshiwike.”
Petrus Martin, ngoka eli omunambelewa omukuluntu koshikondo shomeya nomakuti mUuministeli wUunamapya, Omeya niihwa moshitopolwa shaMusati okwa popi kutya onkalo yomboola ndjoka ya ningwa koRA mOnamatanga kashi shi oshitopolwa shoshikondo shawo nomboola ndjoka kaya li ya nuninwa aakwashigwana.
“Omeya momudhingoloko aguhe gwaNamatanga oge na oshimongwa na itaga vulu okunuwa kaakwashigwana. Momvula yo-2003 no-2004 oshikondo shetu osha ningi oomboola dhontumba momudhingoloko ngoka ihe kadhi na omeya taga vulu okulongithwa kaakwashigwana. Inatu mona uuyelele kombinga yomboola ndjoka ya ningwa koRA. Katu shi ngele omeya ngoka oga konaakonwa ngaa nokumonika ngele otaga vulu okunuwa kaantu.”
Nonando ongaaka omunashipundi nale gwelelo lyaNgandjera opamwe nelenga enene lyoshikandjo shaNgandjera yomuuninginino moka tamu adhika Onamatanga, Sakeus Shikongo, okwa popi kutya okwa li oshitopolwa shomutumba moka mwa tokolwa opo RA aninge omboola mOnamatanga.
“Onda li momutumba ngoka gwa ningwa mo-2013. RA okwa popi kutya ope na oshitopolwa shi na omeya ga yogoka muuzilo wOnamatanga na oya uvaneke taya ka ninga omboola ndjoka nokutulamo ominino ndhoka tadhi vulu okukwatakanitha omeya momudhingoloko gwaNamatanga, na otashi uvitha nayi okuuva kutya ka kuna we omeya komudhingoloko ngoka,” Shikongo ta ti.
Mupiya okwa popi kutya uupyakadhi womeya mOnamatanga owa zi nale na okwa li e shi uupyakadhi mboka owa kandulwa po koRA
Omupopiliko gwoRA, Hileni Fillemon okwa lombwele o Namibian Sun kutya ehangano lyawo otali ka yamukula mbala. Kashima okwa uvanekele aakwashigwana kutya oshikumungu shoka oteshi fala koshikondo sheyandjakaneko lyomeya momikunda.
ILENI NANDJATO
Comments
Namibian Sun
No comments have been left on this article