Omukithi gwohepatitis E gwa lopotwa moAmarika
Iipotha yathika pu itano yomukithi gwohepatitis E oya lopotwa moAmarika moshitopolwa shaMusati, moka aakwashigwana haya longitha omeya inaga yogoka okuza moombola.
Aakwashigwana otaya gandja uusama omolwa etukuko lyomukithi ngoka kelongitho lyomeya goshimongwa okuza moomboola moka.
“Iipotha yomukithi ngoka oya lopotwa moAmarika okuza Novemba gwomvula ya piti. Aakwashigwana otaya popi kutya omukithi ogwa etithwa kelongitho lyomeya inaga yogoka. Oshikondo shomeya gomomikunda osha li momudhingoloko ngoka oshiwike sha piti opo shi tale konkalo yomeya momudhingoloko,” onzo ya lombwele oNamibian Sun.
Omunambelewa omukomeho guundjolowele moshitopolwa shaMusati, Alfons Amoomo, ina popya oshindji kombinga yonkalo ndjoka, ihe okwa popi kutya omukithi ngoka ogwa lopotwa moshitopolwa okuza Novemba gwomvula yo 2017.
Amoomo ina gandja uuyelele kutya aantu yangapi ya gumwa komukithi ngoka nenge omidhingoloko moka mwa lopotwa omukithi.
Okwa pula kutya omolwashike oNamibian Sun yi na owala ohokwe okuuva kombinga yaAmarika ngele omukithi ngoka ogwa kalamo moshitopolwa okuza Novemba gwo 2017.
Omvula ya piti aakalimo moAmarika oya popi kutya osha fa sha gamenwa okunwa otombo pehala lyokunwa lyomeya ngoka kaage na uundjolowele na ohage ya pe oshimela.
Amoomo okwa popi kutya omukithi gwohepatitis E ohagu etithwa komeya ngoka ga ya mumwe noonyata dhaantu.
MuFebruali gwomvula ya piti, oshitopolwa shaMusati osha lopota iipotha yomukithi gwohepatitis E yi li 98.
Pethimbo ndyoka Amoomo okwa popi kutya aantu 62 yomaantu mboka oya li yayi momalweendo kOvenduka nenge koSwakopo.
ILENI NANDJATO
Aakwashigwana otaya gandja uusama omolwa etukuko lyomukithi ngoka kelongitho lyomeya goshimongwa okuza moomboola moka.
“Iipotha yomukithi ngoka oya lopotwa moAmarika okuza Novemba gwomvula ya piti. Aakwashigwana otaya popi kutya omukithi ogwa etithwa kelongitho lyomeya inaga yogoka. Oshikondo shomeya gomomikunda osha li momudhingoloko ngoka oshiwike sha piti opo shi tale konkalo yomeya momudhingoloko,” onzo ya lombwele oNamibian Sun.
Omunambelewa omukomeho guundjolowele moshitopolwa shaMusati, Alfons Amoomo, ina popya oshindji kombinga yonkalo ndjoka, ihe okwa popi kutya omukithi ngoka ogwa lopotwa moshitopolwa okuza Novemba gwomvula yo 2017.
Amoomo ina gandja uuyelele kutya aantu yangapi ya gumwa komukithi ngoka nenge omidhingoloko moka mwa lopotwa omukithi.
Okwa pula kutya omolwashike oNamibian Sun yi na owala ohokwe okuuva kombinga yaAmarika ngele omukithi ngoka ogwa kalamo moshitopolwa okuza Novemba gwo 2017.
Omvula ya piti aakalimo moAmarika oya popi kutya osha fa sha gamenwa okunwa otombo pehala lyokunwa lyomeya ngoka kaage na uundjolowele na ohage ya pe oshimela.
Amoomo okwa popi kutya omukithi gwohepatitis E ohagu etithwa komeya ngoka ga ya mumwe noonyata dhaantu.
MuFebruali gwomvula ya piti, oshitopolwa shaMusati osha lopota iipotha yomukithi gwohepatitis E yi li 98.
Pethimbo ndyoka Amoomo okwa popi kutya aantu 62 yomaantu mboka oya li yayi momalweendo kOvenduka nenge koSwakopo.
ILENI NANDJATO
Comments
Namibian Sun
No comments have been left on this article