Omudhipagi gwomoRundu a shunwa mondjeedhililo
KENYA KAMBOWE
RUNDU
Omulumentu ta tamanekelwa edhipago, ngoka a li a yi kombanda yiikundaneki sho a mangululwa mondjeedhililo yaRundu sho oshipotha she sha kuthwa mo momusholondondo gwiipotha oshiwike sha piti, okwa tulululwa miipandeko nokushuna modholongo.
Castro Domingo (34), ota tamanekelwa oshipotha shedhipago nokuholeka uumbangi, sho a dhipaga nokufumbika omunamimvo 26, Cecilia Deborah Murotwa muFebruali gwo 2018. Domingo okwa li a mangululwa modholongo momasiku 19 gaMei sho natango epangelo lya yi inali ilongekidha mompangu.
Mangestrata Sonia Samupofu okwa ningi etokolo opo Domingo a mangululwe, konima sho omukalelipo gwomutamanekwa, Leonard Tjiveze, a popi kutya oshipotha shoka osha kala ethimbo elele momusholondondo gwompangu nokuundulilwa komeho iikando oyindji.
Namibian Sun okwa nongele kutya etompelo sho epangelo inali ilongekidha omolwa omayamukulo okuza koLabora ngoka inaga thika natango okuza koNational Forensic Science Institute (NFSI), konima sho kwa li kwa tumwa omuningwa omakonaakono ngoka, muMaalitsa gwo 2018. Otashi ulike kutya muule woomvula mbali adhihe dha piti, NSFI ina ninga omakonaakono ngoka.
Epangelo natango otali konaaakona iipotha yekwatonkonga ndyoka taku fekelwa lya ningwa, omanga edhipago ndyoka inali ningwa, Domingo okwa tindi ta popi kutya e yo miihulo ndyoka olya li euvathano okuza kuyo yaali. Sha landula emangululo lyaDomingo, Epangelo olya nyanwa kaakwanezimo yanakusa oshowo oshigwana shoka sha holola kutya kashi li muuwananwa woshigwana okumangulula omufekelwa ngoka. Epangelo olya kongo omukanda gwokutulitha miipandeko Domingo mEtine lya piti. Okwa holoka mOmpangu mEtitano noshipotha she osha undulilwa komasiku gane gaMei.
Omukalelipo gwepangelo, Johan Pienaar okwa popi kutya Domingo okwa tulululwa miipandeko konima sho opolisi ya nongele kombinga yekwatathano lyofamili ye moAngola showo sho a ka pulako ohauto ye kopolisi, na oye na uumbanda kutya ota vulu okuya ontuku.
Domingo okwa zimine edhipago lyaMurotwa, ngoka ya li naye mekwatathano lyopahole ethimbo ndyoka.
RUNDU
Omulumentu ta tamanekelwa edhipago, ngoka a li a yi kombanda yiikundaneki sho a mangululwa mondjeedhililo yaRundu sho oshipotha she sha kuthwa mo momusholondondo gwiipotha oshiwike sha piti, okwa tulululwa miipandeko nokushuna modholongo.
Castro Domingo (34), ota tamanekelwa oshipotha shedhipago nokuholeka uumbangi, sho a dhipaga nokufumbika omunamimvo 26, Cecilia Deborah Murotwa muFebruali gwo 2018. Domingo okwa li a mangululwa modholongo momasiku 19 gaMei sho natango epangelo lya yi inali ilongekidha mompangu.
Mangestrata Sonia Samupofu okwa ningi etokolo opo Domingo a mangululwe, konima sho omukalelipo gwomutamanekwa, Leonard Tjiveze, a popi kutya oshipotha shoka osha kala ethimbo elele momusholondondo gwompangu nokuundulilwa komeho iikando oyindji.
Namibian Sun okwa nongele kutya etompelo sho epangelo inali ilongekidha omolwa omayamukulo okuza koLabora ngoka inaga thika natango okuza koNational Forensic Science Institute (NFSI), konima sho kwa li kwa tumwa omuningwa omakonaakono ngoka, muMaalitsa gwo 2018. Otashi ulike kutya muule woomvula mbali adhihe dha piti, NSFI ina ninga omakonaakono ngoka.
Epangelo natango otali konaaakona iipotha yekwatonkonga ndyoka taku fekelwa lya ningwa, omanga edhipago ndyoka inali ningwa, Domingo okwa tindi ta popi kutya e yo miihulo ndyoka olya li euvathano okuza kuyo yaali. Sha landula emangululo lyaDomingo, Epangelo olya nyanwa kaakwanezimo yanakusa oshowo oshigwana shoka sha holola kutya kashi li muuwananwa woshigwana okumangulula omufekelwa ngoka. Epangelo olya kongo omukanda gwokutulitha miipandeko Domingo mEtine lya piti. Okwa holoka mOmpangu mEtitano noshipotha she osha undulilwa komasiku gane gaMei.
Omukalelipo gwepangelo, Johan Pienaar okwa popi kutya Domingo okwa tulululwa miipandeko konima sho opolisi ya nongele kombinga yekwatathano lyofamili ye moAngola showo sho a ka pulako ohauto ye kopolisi, na oye na uumbanda kutya ota vulu okuya ontuku.
Domingo okwa zimine edhipago lyaMurotwa, ngoka ya li naye mekwatathano lyopahole ethimbo ndyoka.
Comments
Namibian Sun
No comments have been left on this article