Omudhimba gwokanona mokapakete gwa yelithwa

TUYEIMO HAIDULAOSHIKUKU Omulumenu ngoka a monika mokavidio a humbata okapakete mu na omudhimba gwohanana yamumwayina ndjoka ya valwa ya hulitha, momawendo moshipangelo shaOshikuku Roman Catholic Hospital, okwa popi kutya kaye na iimaliwa opo ya ninge efumbiko lyopasimaneko. Uleinge Whilliam (33) okwa monika mokavidio hoka ka topolwa komalungula mehuliloshiwike a humbata okapakete pamwe namumwayina Veronicka Michael. Oshifokundaneki shoNamibian Sun osha yi molukongo lwaWhilliam, pehala lyiilonga ye mOshikuku.Ye naMichael oya valelwa moNamibia ihe oya kokele momukunda Amahona moAngola.Mumwayina okwa talelepo okapangelogona kedhina Onheleiwa moshitopolwa shaMusati pehulilo lyaDesemba, okuza moAngola na okwa lombwelwa kutya okanona ke itaka inyenge. Okwa yi nduno koshipangelo shaShikuku opo a ka mone epango.Okwa mono okanona ihe oka monika ka hulitha.“Okwa tuminendje etumwalaka kongodhi kutya okwa mona okanona ka pitililapo. Okwa lombwelendje kutya aapangi oya mu lombwele opo a pule omukwanezimo e mu kwathele ya fumbike okanona oshowo gumwe gwomofamili yahe yokanona,” Whilliam a hokolola.Whilliam okwa tsikile kutya mOlyomakaya yomasiku gaali gaJanuari, okwa zi kOnheleiwa ihe okwa thiki lwopotundi onti 14h00 mOshikuku, a lata nomawendo oga patwa.Oya lombwelwa opo ya galuke mOmaandaaha momasiku gane gaJanuari opo ya vule okuninga efumbiko.Whilliam okwa popi kutya oya lombwele oshipangelo kutya kaye na iimaliwa yokulanda oshiketha ihe oya tseyithilwa kutya otaya pewa okapakete ngaashi hashi ningilwa mboka taya iyadha monkalo ya fa yawo.“Omupangi moshipangelo okwa lombwelendje opo ndithe oshilambo dha thika poongolo dhandje opo oombwa kadhi vule okutha mo olutu. Otwa yi komawendo na oye tu pe ehala. Onda fulu oshilambo uule woominuteo 30. Osha li ethimbo lyuule woominute omi 30 ele noonkondo monkalamwenyo yandje. Onda ilombwele kutya oshi li oshitopolwa shonkalamwenyo na onda pumbwa okukala ndi na oonkondo pehala lyamumwameme ngoka ina tumbula nando oshitya shimwe ethimbo alihe ndyoka,” Whilliam a popi ta zi omahodhi. Konima yefumbiko okwa pe mumwayina iimaliwa a shune koAngola ye ta shuna kiilonga ye.Momukanda ngoka gwa pitithwa mOmaandaha, omunambelewa omukuluntuwiliki muuministeli wuundjolowele, Ben Nangombe okwa popi kutya uuministeli owa pyakudhukwa, pankundathana nofamili oshowo ezimino lyompangu, opo omudhimba ngoka gu fumbulwemo ko kuvule okuningwa efumbiko lyopasimaneko, nokuulika owino yepangelo okugandja omakwatho kwaamboka taya lumbu moluhepo. Whilliam, okwa popi kutya shoka itashi pumbiwa. Nangombe okwa pula woo oshigwana shi yambidhidhe mokudhimbulula ngoka a kwata okavidio hoka.tuyeimo@namibian.com.na

Omudhimba gwokanona mokapakete gwa yelithwa

Comments

Namibian Sun 2025-05-21

Please login to leave a comment

Omudhimba gwokanona mokapakete gwa yelithwa

Comments

Namibian Sun 2025-05-21

Please login to leave a comment

Login