Omudhimba gwa holekwa popepi noFish River
Omulumentu gwomoBerseba okwa tulwa miipandeko ta tamanekelwa oshipotha shedhipago sho opolisi ya mono omudhimba gwomulumentu ngoka kwa lopotwa kana konyala uule woshiwike shimwe, gwa holekwa moFish River pokati kaBerseba naTses .
Opolisi oya koleke kutya omuthimba gwomunamimvo 44, Josef Olifant, ogwa monika gwa holekwa na otaku fekelwa kutya okwa dhipaga noshinima oshidhigu ngaashi ohamala.
Mosoondaha opolisi ya lopotelwa oshiningwanima shoka kwaamboka ya mono omudhimba ngoka, ihe opolisi sho ya thiki pehala ndyoka oya mono kutya omudhimba ogwa kuthwa po.
Lwanima opolisi oya mono omudhimba ngoka gwa holekwa kohi yomamanya, nopolisi oya popi kutya oontamanana dhina sha niingangamithi odho dha etitha edhipago lya Olifant.
Koongulasha dhOmaandaha, omukalimo gwomoRundu, mewalanda lyaantu mboka ye na uupyakadhi wopamadhilaadhilo moshipangelo shaRundu okwa dhipagwa kaapangwa yalwe yaali.
Nakusa okwa tumbulwa kedhina kutya oPontanius Hausiku. Opolisi oya tamekitha omakonaakono nofamili yaHausiku oya tseyithilwa eso lye.
Mosoondaha mwene gwokandingosho mOnayena okwa ponokelwa komulungu gwondjembo nokudhengwa nokuyekwa oshimaliwa sha thika pooN$30 000. Kape na ngoka a tulwa miipandeko.
Omuyeka gumwe natango ogwa ningilwa mOndangwa mEtitano sho omulandithi mostola a ponokelwa nokudhengwa omutse mekuma. Ongangala ndjoka oya pula ooshapi dhoshiketha shokupungula na oya yaka uulitjatja wongushu yooN$700, ongodhi yoSamsung oshowo ongodhi yimwe yongushu yooN$1 600 niimaliwa koomuma yoN$3 685. Kape na ngoka a tulwa miipandeko. Molyomakaya opolisi oya tseyithilwa kutya aafekelwa yatano mboka yiiningitha kutya aapolisi oya yi megumbo lyomukwashigwana gwaChina moBrakwater.
Sho ya yi megumbo aalumentu mboka oya manga mwene gwegumbo ndyoka omunamimvo 37, omukulukadhi gwe oshowo aantu yalwe yatatu, na oya yaka oshimaliwa shooN$500 000, iilwitho, omathano, oowili oongodhi dhopeke, oolinga oshowo iimaliwa yaChina. Ongushu ayihe yiinima mbyoka ya yakwa inayi tseyitha natango na kape na ngoka a tulwa miipandeko. Mongwediva omwa lopotwa eteyo lyegumbo, noongangala odha yi ontuku niinima yongushu yooN$3 000. Opolisi oya popi kutya aafekelwa oya tulwa miipandeko niinima oya shunithwa kumene. Metitano omutalelipo Natacha Ferreira Alves (26), okwa hulitha sho a pumwa koshiyenditho oshinano owala shookilometa ntano okuza pokapale koodhila. Alves okwa adhika opo owala a thiki moNamibia, pamwe nahe oshowo omumati gwe.
Opolisi oya popi kutya naakusa okwa li a zi mo moshiyenditho shawo sho a mono ohima ndjoka yali tayi taaguluka opate, mondjila yokushuna kohauto yawo okwa pumwa koshiyenditho shoka sha li tashi piti po. Okwa hulithile pehala lyoshiponga.
JANA-MARI SMITH
Opolisi oya koleke kutya omuthimba gwomunamimvo 44, Josef Olifant, ogwa monika gwa holekwa na otaku fekelwa kutya okwa dhipaga noshinima oshidhigu ngaashi ohamala.
Mosoondaha opolisi ya lopotelwa oshiningwanima shoka kwaamboka ya mono omudhimba ngoka, ihe opolisi sho ya thiki pehala ndyoka oya mono kutya omudhimba ogwa kuthwa po.
Lwanima opolisi oya mono omudhimba ngoka gwa holekwa kohi yomamanya, nopolisi oya popi kutya oontamanana dhina sha niingangamithi odho dha etitha edhipago lya Olifant.
Koongulasha dhOmaandaha, omukalimo gwomoRundu, mewalanda lyaantu mboka ye na uupyakadhi wopamadhilaadhilo moshipangelo shaRundu okwa dhipagwa kaapangwa yalwe yaali.
Nakusa okwa tumbulwa kedhina kutya oPontanius Hausiku. Opolisi oya tamekitha omakonaakono nofamili yaHausiku oya tseyithilwa eso lye.
Mosoondaha mwene gwokandingosho mOnayena okwa ponokelwa komulungu gwondjembo nokudhengwa nokuyekwa oshimaliwa sha thika pooN$30 000. Kape na ngoka a tulwa miipandeko.
Omuyeka gumwe natango ogwa ningilwa mOndangwa mEtitano sho omulandithi mostola a ponokelwa nokudhengwa omutse mekuma. Ongangala ndjoka oya pula ooshapi dhoshiketha shokupungula na oya yaka uulitjatja wongushu yooN$700, ongodhi yoSamsung oshowo ongodhi yimwe yongushu yooN$1 600 niimaliwa koomuma yoN$3 685. Kape na ngoka a tulwa miipandeko. Molyomakaya opolisi oya tseyithilwa kutya aafekelwa yatano mboka yiiningitha kutya aapolisi oya yi megumbo lyomukwashigwana gwaChina moBrakwater.
Sho ya yi megumbo aalumentu mboka oya manga mwene gwegumbo ndyoka omunamimvo 37, omukulukadhi gwe oshowo aantu yalwe yatatu, na oya yaka oshimaliwa shooN$500 000, iilwitho, omathano, oowili oongodhi dhopeke, oolinga oshowo iimaliwa yaChina. Ongushu ayihe yiinima mbyoka ya yakwa inayi tseyitha natango na kape na ngoka a tulwa miipandeko. Mongwediva omwa lopotwa eteyo lyegumbo, noongangala odha yi ontuku niinima yongushu yooN$3 000. Opolisi oya popi kutya aafekelwa oya tulwa miipandeko niinima oya shunithwa kumene. Metitano omutalelipo Natacha Ferreira Alves (26), okwa hulitha sho a pumwa koshiyenditho oshinano owala shookilometa ntano okuza pokapale koodhila. Alves okwa adhika opo owala a thiki moNamibia, pamwe nahe oshowo omumati gwe.
Opolisi oya popi kutya naakusa okwa li a zi mo moshiyenditho shawo sho a mono ohima ndjoka yali tayi taaguluka opate, mondjila yokushuna kohauto yawo okwa pumwa koshiyenditho shoka sha li tashi piti po. Okwa hulithile pehala lyoshiponga.
JANA-MARI SMITH
Comments
Namibian Sun
No comments have been left on this article