Ompumbwe yomeya monooli
Uupyakadhi wa holoka mokanala komeya hoka haka topola omeya okuza moAngola owa etitha ompumbwe yomeya monooli yaNamibia, ndjoka ya taalela nale omukundu omolwa oshikukuta oshowo oongunga dhomeya dhi li pombanda.
ILENI NANDJATO
Muule wiiwike iyali ya piti, iitopolwa yopokati konooli yoshilongo oya kala ya taalela uupyakadhi womeya taga pata omolwa iilonga yokupangela mokanala kaCalueque-Oshakati.
Shoka otashi holoka pethimbo ewinayi mpoka iimuna miitopolwa ine yomonooli tayi gwedhwa komukundu ngoka, pethimbo sho taku longwa nuudhigu okugandja omeya komidhingoloko ndhoka dhi na omwaalu gwaantu oyendji oshowo iimuna.
Omunambelewa omupopiliko gwehangano lyaNamWater, Johannes Shigwedha okwa popi kutya ehangano olyat himinikwa opo li pate oopomba dhomeya mondama yaCalueque moAngola na otali kutha ngashiingeyi omeya okuza mOndama yaLushandja opo li vule okutula omeya moompungulilo dhawo, mOutapi, Ogongo oshowo Oshakati.
Ondama yaLushandja inayi gwana okugandja omeya kaakwashigwana yomoshitopolwa shaMusati, Ohangwena, Oshana oshowo Oshikoto.
Shigwedha okwa popi kutya okanala okateka popepi nongamba dhaAngola.
Okwa popi kutya onkalo ndjoka kayi shi ngaashi ndjoka hayi kala po shito yewapaleko lyokanala, konima yoshikako shomuloka aluhe, ihe omolwa okanala hoka ka teka popepi nOlushandja okuza kOmahenene. Oshitopolwa shoka sha teka oshuunene woometa 500, na oye na okupata oopomba dhomeya moAngola, opo ya vule okupangela.
“Otu na okupata oopomba moCalueque. Otwa pata woo omeya ngoka gaadhika nale geli mokanala pOlushandja na ngashiingeyi otatu pombo omeya okuza mOlushandja opo tu gandje koompungulilo dhomeya mOutapi, Ogongo oshowo Oshakati, ihe omeya ngoka inaga gwana.”
Shigwedha okwa popi kutya nonando ekuma lyokanala ndyoka lyateka po olya tungwa po, oli na okutegelelwa li kukute, omanga epombo lyomeya inali tameka ishewe.
“Omeya ngoka haga pombwa okuza mOlushandja okuya mOshakati ohaga kutha uule womasiku gaali opo gathike mOshakati. Ohaga yi moompungulilo moka haga wapalekwa omanga inaga shuna ishewe moompungulilo. Shoka osho tashi etitha omeya taga pata,” Shigwedha a popi.
Aakwashigwana yamwe oya popi kutya ohaya penduka omausiku opo ya vule okumona omeya. Pomahala ngaashi Oshakati omeya otaga ende ngaa kashona, naashoka osha e ta aantu niimuna ya kale kaye na omeya uule wiiwike ya thika pu iyali. Shigwedha okwa popi kutya NamWater ota topolele omeya uupangelogona oshowo iipangelo.
Sho NamWater ta pombo omeya okuza mOlushandja, kamu na we omeya ga gwana okugandja kaaniikunino mboka ye na iikunino yawo pOlushandja.
Ondama yaLushandja yuule woshinano shookilometa 17 oshowo uunene wookilometa mbali ohayi pungula omeya ga nuninwa okulongithwa paulumomhumbwe.
Ehangano ndyoka lyokuyandjakaneka omeya moshilongo natango olya tseyitha kutya iitopolwa Oshana, Oshikoto, Ohangwena oshowo Omusati oyi na oondjo dhehangano ndyoka dhoshimaliwa sha thika poomiliyona 300. Ngele oondjo ndhoka inadhi futwa nena otashi vulika omeya gaka te tweko.
Shoka osha tseyithwa pethimbo lyomutumba ngoka gwa ningwa noNamibia National Farmers Union oshowo Oshana Regional Council mOshakati mEtiyali.
Mathew Shitaatala gwoshikondo shOshana rural water supply okwa popi kutya aanamikunda moshitopolwa shaShana oye na oongunga dhaNamWater dha thika poomiliyona 48.
Aakwashigwana mboka ye na oongunga dhi li pombanda ongaashi Okashandja-Olwege ( oomiliyona 6), Omaalala-Ombutu (oomiliyona 5), Oshakati-Omapale (oomiliyona 3.4) oshowo Oniizimba (oomiliyona 1.6).
Muule wiiwike iyali ya piti, iitopolwa yopokati konooli yoshilongo oya kala ya taalela uupyakadhi womeya taga pata omolwa iilonga yokupangela mokanala kaCalueque-Oshakati.
Shoka otashi holoka pethimbo ewinayi mpoka iimuna miitopolwa ine yomonooli tayi gwedhwa komukundu ngoka, pethimbo sho taku longwa nuudhigu okugandja omeya komidhingoloko ndhoka dhi na omwaalu gwaantu oyendji oshowo iimuna.
Omunambelewa omupopiliko gwehangano lyaNamWater, Johannes Shigwedha okwa popi kutya ehangano olyat himinikwa opo li pate oopomba dhomeya mondama yaCalueque moAngola na otali kutha ngashiingeyi omeya okuza mOndama yaLushandja opo li vule okutula omeya moompungulilo dhawo, mOutapi, Ogongo oshowo Oshakati.
Ondama yaLushandja inayi gwana okugandja omeya kaakwashigwana yomoshitopolwa shaMusati, Ohangwena, Oshana oshowo Oshikoto.
Shigwedha okwa popi kutya okanala okateka popepi nongamba dhaAngola.
Okwa popi kutya onkalo ndjoka kayi shi ngaashi ndjoka hayi kala po shito yewapaleko lyokanala, konima yoshikako shomuloka aluhe, ihe omolwa okanala hoka ka teka popepi nOlushandja okuza kOmahenene. Oshitopolwa shoka sha teka oshuunene woometa 500, na oye na okupata oopomba dhomeya moAngola, opo ya vule okupangela.
“Otu na okupata oopomba moCalueque. Otwa pata woo omeya ngoka gaadhika nale geli mokanala pOlushandja na ngashiingeyi otatu pombo omeya okuza mOlushandja opo tu gandje koompungulilo dhomeya mOutapi, Ogongo oshowo Oshakati, ihe omeya ngoka inaga gwana.”
Shigwedha okwa popi kutya nonando ekuma lyokanala ndyoka lyateka po olya tungwa po, oli na okutegelelwa li kukute, omanga epombo lyomeya inali tameka ishewe.
“Omeya ngoka haga pombwa okuza mOlushandja okuya mOshakati ohaga kutha uule womasiku gaali opo gathike mOshakati. Ohaga yi moompungulilo moka haga wapalekwa omanga inaga shuna ishewe moompungulilo. Shoka osho tashi etitha omeya taga pata,” Shigwedha a popi.
Aakwashigwana yamwe oya popi kutya ohaya penduka omausiku opo ya vule okumona omeya. Pomahala ngaashi Oshakati omeya otaga ende ngaa kashona, naashoka osha e ta aantu niimuna ya kale kaye na omeya uule wiiwike ya thika pu iyali. Shigwedha okwa popi kutya NamWater ota topolele omeya uupangelogona oshowo iipangelo.
Sho NamWater ta pombo omeya okuza mOlushandja, kamu na we omeya ga gwana okugandja kaaniikunino mboka ye na iikunino yawo pOlushandja.
Ondama yaLushandja yuule woshinano shookilometa 17 oshowo uunene wookilometa mbali ohayi pungula omeya ga nuninwa okulongithwa paulumomhumbwe.
Ehangano ndyoka lyokuyandjakaneka omeya moshilongo natango olya tseyitha kutya iitopolwa Oshana, Oshikoto, Ohangwena oshowo Omusati oyi na oondjo dhehangano ndyoka dhoshimaliwa sha thika poomiliyona 300. Ngele oondjo ndhoka inadhi futwa nena otashi vulika omeya gaka te tweko.
Shoka osha tseyithwa pethimbo lyomutumba ngoka gwa ningwa noNamibia National Farmers Union oshowo Oshana Regional Council mOshakati mEtiyali.
Mathew Shitaatala gwoshikondo shOshana rural water supply okwa popi kutya aanamikunda moshitopolwa shaShana oye na oongunga dhaNamWater dha thika poomiliyona 48.
Aakwashigwana mboka ye na oongunga dhi li pombanda ongaashi Okashandja-Olwege ( oomiliyona 6), Omaalala-Ombutu (oomiliyona 5), Oshakati-Omapale (oomiliyona 3.4) oshowo Oniizimba (oomiliyona 1.6).
Comments
Namibian Sun
No comments have been left on this article