Ompumbwe yomahooli monooli ya kandulwa po
Ehangano lyomahooli olya tula po oompungulilo yomahooli mOndangwa onga omukalo gwokuya moshipala ompumbwe yomahooli monooli unene pomathimbo gomafudho.
Ominista yIikwankondo nIikwamina, Obeth Kandjoze, oya pandula ehangano lyoEngen ndyoka lya toto po oompungulilo yomahooli yongushu yoomiliyona 62 mOndangwa ndjoka kwa tegelelwa yi ka kandulepo ompumbwe yomahooli ndjoka hayi dhidhilikwa monooli pethimbo lyomafudho.
Onooli yoshilongo olundji ohayi kala nompumbwe onene yomahooli, unene muApilili, Aguste, Novemba, Desemba oshowo Januari.
Kandjoze, okwali ta popi poshituthi shepatululo lyoompungulilo ndjoka yapatululwa mEtiano lya piti. Okwa popi kutya aakalimo yomonooli oya kala nokumona ekwatho okuza moompungulilo dhaTsumeb. Okwa indile mboka haya e ta omahooli moshilongo opo ya kambadhale okukandula po ompumbwe ya faathana ndjoka tayi dhenge oshitopolwa shaKavango oshowo Zambezi.
“Onkatu ndjoka ya katukwa kuEngen oya simana. Shika oshitopolwa oshinene ihe osha li hashi pewa ekwatho kompungulilo yaTsumeb nompumbwe oya li pombanda noonkondo ndjoka ya dhidhilikwa olundji muApilili, Auguste naDesemba. Ompungulilo ndjika itayi ka kwathela owala aantu yomoshitopolwa ihe nopiilongo yopuushiinda.”
Kandjoze okwa popi kutya ngele okwa tulwa ompungulilo moKavango noZambezi, nena oompungulilo ndhoka otadhi ka vula okugandja ekwatho kiilongo ngaashi Angola, Zambia naBotswana.
Omukomeho gwaEngen, Nangula Hamunyela okwa popi kutya epatululo lyompungulilo ndjoka, oshinima tashi ka kandula po ompumbwe yomahooli monooli pethimbo unene lyomafudho.
Okwa popi kutya ompungulilo ndjoka otayi ka gandja omahooli koosasiyona 17 moshitopolwa shaHangwena, Oshikoto, Omusati oshowo moAngola.
Ngoloneya gwoshitopolwa shaShana okwa pandula ehangano lyaEngen sho lya tokola opo li tule oompungulilo ndhoka mondoolopa yaNdangwa.
“Ondangwa ondoolopa tayi adhika pondingaandinga yopangeshefa mOhangwena, Omusati nOshikoto. Otandi pandula Elelo lyOndoolopa yaNdangwa sho lya gandja oshitopolwa shevi opo ku vule okutungwa oompungulilo ndhoka,” Kashuupulwa ta ti.
Mayola gwaNdangwa okwa popi kutya ondoolopa ndjoka oyi na iinima ayihe tayi pumbiwa kaapunguli opo ya vule okuninga omapungulo taga pondola. Okwa popi kutya ondoolopa oyi na omatulilo geshina lyokolutenda, okapale koodhila na otayi adhika pokati konooli , popepi woo noshishiindalongo Angola.
ILENI NANDJATO
Ominista yIikwankondo nIikwamina, Obeth Kandjoze, oya pandula ehangano lyoEngen ndyoka lya toto po oompungulilo yomahooli yongushu yoomiliyona 62 mOndangwa ndjoka kwa tegelelwa yi ka kandulepo ompumbwe yomahooli ndjoka hayi dhidhilikwa monooli pethimbo lyomafudho.
Onooli yoshilongo olundji ohayi kala nompumbwe onene yomahooli, unene muApilili, Aguste, Novemba, Desemba oshowo Januari.
Kandjoze, okwali ta popi poshituthi shepatululo lyoompungulilo ndjoka yapatululwa mEtiano lya piti. Okwa popi kutya aakalimo yomonooli oya kala nokumona ekwatho okuza moompungulilo dhaTsumeb. Okwa indile mboka haya e ta omahooli moshilongo opo ya kambadhale okukandula po ompumbwe ya faathana ndjoka tayi dhenge oshitopolwa shaKavango oshowo Zambezi.
“Onkatu ndjoka ya katukwa kuEngen oya simana. Shika oshitopolwa oshinene ihe osha li hashi pewa ekwatho kompungulilo yaTsumeb nompumbwe oya li pombanda noonkondo ndjoka ya dhidhilikwa olundji muApilili, Auguste naDesemba. Ompungulilo ndjika itayi ka kwathela owala aantu yomoshitopolwa ihe nopiilongo yopuushiinda.”
Kandjoze okwa popi kutya ngele okwa tulwa ompungulilo moKavango noZambezi, nena oompungulilo ndhoka otadhi ka vula okugandja ekwatho kiilongo ngaashi Angola, Zambia naBotswana.
Omukomeho gwaEngen, Nangula Hamunyela okwa popi kutya epatululo lyompungulilo ndjoka, oshinima tashi ka kandula po ompumbwe yomahooli monooli pethimbo unene lyomafudho.
Okwa popi kutya ompungulilo ndjoka otayi ka gandja omahooli koosasiyona 17 moshitopolwa shaHangwena, Oshikoto, Omusati oshowo moAngola.
Ngoloneya gwoshitopolwa shaShana okwa pandula ehangano lyaEngen sho lya tokola opo li tule oompungulilo ndhoka mondoolopa yaNdangwa.
“Ondangwa ondoolopa tayi adhika pondingaandinga yopangeshefa mOhangwena, Omusati nOshikoto. Otandi pandula Elelo lyOndoolopa yaNdangwa sho lya gandja oshitopolwa shevi opo ku vule okutungwa oompungulilo ndhoka,” Kashuupulwa ta ti.
Mayola gwaNdangwa okwa popi kutya ondoolopa ndjoka oyi na iinima ayihe tayi pumbiwa kaapunguli opo ya vule okuninga omapungulo taga pondola. Okwa popi kutya ondoolopa oyi na omatulilo geshina lyokolutenda, okapale koodhila na otayi adhika pokati konooli , popepi woo noshishiindalongo Angola.
ILENI NANDJATO
Comments
Namibian Sun
No comments have been left on this article