Omisindalandu omipe dhoofaalama
Oshitopolwa shevi lyoofaalama monakuyiwa otashi ka kala tashi kondololwa opo ku kwashilipalekwe kutya oofaalama otadhi longithwa shili muunafaalama ngaashisha pumbiwa nomomukalo gwomondjila.
Uuministeli wuunamapya oshiwike sha piti owa tula miilonga omusindalandu gwopashigwana ngoka gwa nuninwa okugamenena po esimano lyoonzo dhevi lyuunafaalama.
“Enenedhilaadhilo lyomusindalandu ngoka okulongela kumwe mombepo yedhiminathanepo lyopashigwana netungo lyoshigwana, nokutala komaupyakadhi ngoka ga taalela oshikondo shuunamapya mokuyambulapo eliko lyoshilongo,” Ominista nale yUunamapya, John Mutorwa a shanga moontentekelihapu dhomulandu ngoka.
Omusindalandu ngoka ogwa nuninwa woo okuyanda eningo lyoofaalama iitopolwa iishona mbyoka tayi yi moshipala ku longithwe omavi ngoka ngaashi tashi pumbiwa meyambulepo lyeliko lyoshilongo nokuyambulapo onkalamwenyo dhaakwashigwana okuzilila mevi lyuunafaalama.
Amushanga muuministeli mboka, Percy Misika okwa shanga momusindalandu ngoka kutya etopolo lyoofaalama miitopolwa iishona mbyoka tayi yi moshipala iilonga yuunafaalama, ngele sha zilile petopolo lyuuthiga nenge etopolo lyofaalama mokati kooyene yofaalama itashi kapitikwa pwaahena ezimino okuza kuuministeli wuunamapya.
Moshipopiwa she shopambelewa oshiwike sha piti, ominista ompe yuunamapya, Alpheus !Naruseb okwa popi kutya omusindalandu ngoka omupe otagu ka gamena opo evi lyuunafaalama kali topolwe miitopolwa mbyoka itayi longo sha, oshowo elanditho lyoofaalama ndyoka tali ningwa kondando yi li pombanda noonkondo.
!Naruseb okwa popi kutya, omolwa ompumbwe yomavi guunafaalama yi li pombanda moshilongo, ooyene yoofaalama ohaya topola oofaalama dhawo miitopolwa iishona, nokutula momalanditho iitopolwa mbyoka. Okwa popi kutya etopolo ndyoka otali tula moshiponga oofaalama, nokweetitha eshunopevi lyelongo lyondya dha gwana moshilongo.
Ompumbwe yoofaalama oya etitha woo ooyene ya landithe po iitopolwa mbyoka kondando yi li pombanda noonkondo yi vulithe nokuli ongushu yondando yofaalama ayihe ndjoka ya topolwa.
Konima sho oshilongo sha manguluka okwa dhidhilikwa kutya oondando dhoofaalama odha londa pombada noonkondo.
Misika okwa tsu omuthindo kutya, omilandu ndhoka dha tulwa miilonga okuza pemanguluko lyoshilongo odha nuninwa okukaleka pondondo yi li nawa oofaalama dho tadhi kwathele mokuyambulapo onkalo yaakwashigwana okupitila melongo lyoondya dha gwana.
JANA-MARI SMITH
“Enenedhilaadhilo lyomusindalandu ngoka okulongela kumwe mombepo yedhiminathanepo lyopashigwana netungo lyoshigwana, nokutala komaupyakadhi ngoka ga taalela oshikondo shuunamapya mokuyambulapo eliko lyoshilongo,” Ominista nale yUunamapya, John Mutorwa a shanga moontentekelihapu dhomulandu ngoka.
Omusindalandu ngoka ogwa nuninwa woo okuyanda eningo lyoofaalama iitopolwa iishona mbyoka tayi yi moshipala ku longithwe omavi ngoka ngaashi tashi pumbiwa meyambulepo lyeliko lyoshilongo nokuyambulapo onkalamwenyo dhaakwashigwana okuzilila mevi lyuunafaalama.
Amushanga muuministeli mboka, Percy Misika okwa shanga momusindalandu ngoka kutya etopolo lyoofaalama miitopolwa iishona mbyoka tayi yi moshipala iilonga yuunafaalama, ngele sha zilile petopolo lyuuthiga nenge etopolo lyofaalama mokati kooyene yofaalama itashi kapitikwa pwaahena ezimino okuza kuuministeli wuunamapya.
Moshipopiwa she shopambelewa oshiwike sha piti, ominista ompe yuunamapya, Alpheus !Naruseb okwa popi kutya omusindalandu ngoka omupe otagu ka gamena opo evi lyuunafaalama kali topolwe miitopolwa mbyoka itayi longo sha, oshowo elanditho lyoofaalama ndyoka tali ningwa kondando yi li pombanda noonkondo.
!Naruseb okwa popi kutya, omolwa ompumbwe yomavi guunafaalama yi li pombanda moshilongo, ooyene yoofaalama ohaya topola oofaalama dhawo miitopolwa iishona, nokutula momalanditho iitopolwa mbyoka. Okwa popi kutya etopolo ndyoka otali tula moshiponga oofaalama, nokweetitha eshunopevi lyelongo lyondya dha gwana moshilongo.
Ompumbwe yoofaalama oya etitha woo ooyene ya landithe po iitopolwa mbyoka kondando yi li pombanda noonkondo yi vulithe nokuli ongushu yondando yofaalama ayihe ndjoka ya topolwa.
Konima sho oshilongo sha manguluka okwa dhidhilikwa kutya oondando dhoofaalama odha londa pombada noonkondo.
Misika okwa tsu omuthindo kutya, omilandu ndhoka dha tulwa miilonga okuza pemanguluko lyoshilongo odha nuninwa okukaleka pondondo yi li nawa oofaalama dho tadhi kwathele mokuyambulapo onkalo yaakwashigwana okupitila melongo lyoondya dha gwana.
JANA-MARI SMITH
Comments
Namibian Sun
No comments have been left on this article