Omina tayi ka futa iishoshela yepangelo yoomiliyona 219
Uuministeli wemona owa popi kutya ehangano lyoPaladin Energy, ndyoka li li mwene gwomina yoLanger Heinrich otali ka futa oshimaliwa sha thika poomiliyona 200 kepangelo, onga iishoshela yepangelo.
Shoka osha landula sho ehangano lyoPaladin lya landitha po iipambuliko yawo yoopresenda 25 momina ndjoka kehangano lyoChina National Nuclear Company.
Epangelo olya kanitha iiyemo yoomiliyona 219 melandithpo ndyoka, nehangano lyoPaladin olya popi kutya molwaashoka olya longitha ehangano lyaMauritius melanditho ndyoka, itali pumbwa okufuta iishoshela yepangelo.
Oshifokundaneki shika osha ningile omapulo uuministeli wemona, okuuva kutya oshike tawu ningipo mokukwashilipaleka kutya owa mona iimaliwa mbyoka.
“Kehe iishoshela yepangelo ya pumbwa okufuta otayi ka gongelwa. Ompango yiishoshela yepangelo moNamibia otayi holola kutya ehangano ndyoka tali ndopa okufuta iishoshela, iishoshela mbyoka otayi ka gongelwa ko kombelewa,” omupopiliko guuministei mboka, Tonateni Shidhudhu a popi konima sho a ningilwa omapulo.
Uuministeli owa popi kutya owiitulamo mokukwashilipaleka kutya iishoshela mbyoka oya futwa ihe inawu gandja kutya ehangano lyoPaladin oli na ethimbo li thike peni opo li kale lya futa iishoshela mbyoka.
Shidhudhu okwa popi kutya esiku lyahugunina lyiifuta mbyoka opo tali ka tokolwa nokutulwa miilonga, niishoshela yomageelo ya gwedhwapo otayi ka gwedhwa kiifuta mbyoka.
Sho a pulwa kutya monakuyiwa epangelo otali ka kwashilipaleka ngiini iifuta yiishoshela okuza momalanditho goludhi ndoka, okwa yamukula kutya uuministeli otawu longele kumwe noNamibia Competition Commission mokutala konkalo ndjoka, nokukwashilipaleka egwanithepo lyoompango nomilandu.
OGONE TLHAGE
Shoka osha landula sho ehangano lyoPaladin lya landitha po iipambuliko yawo yoopresenda 25 momina ndjoka kehangano lyoChina National Nuclear Company.
Epangelo olya kanitha iiyemo yoomiliyona 219 melandithpo ndyoka, nehangano lyoPaladin olya popi kutya molwaashoka olya longitha ehangano lyaMauritius melanditho ndyoka, itali pumbwa okufuta iishoshela yepangelo.
Oshifokundaneki shika osha ningile omapulo uuministeli wemona, okuuva kutya oshike tawu ningipo mokukwashilipaleka kutya owa mona iimaliwa mbyoka.
“Kehe iishoshela yepangelo ya pumbwa okufuta otayi ka gongelwa. Ompango yiishoshela yepangelo moNamibia otayi holola kutya ehangano ndyoka tali ndopa okufuta iishoshela, iishoshela mbyoka otayi ka gongelwa ko kombelewa,” omupopiliko guuministei mboka, Tonateni Shidhudhu a popi konima sho a ningilwa omapulo.
Uuministeli owa popi kutya owiitulamo mokukwashilipaleka kutya iishoshela mbyoka oya futwa ihe inawu gandja kutya ehangano lyoPaladin oli na ethimbo li thike peni opo li kale lya futa iishoshela mbyoka.
Shidhudhu okwa popi kutya esiku lyahugunina lyiifuta mbyoka opo tali ka tokolwa nokutulwa miilonga, niishoshela yomageelo ya gwedhwapo otayi ka gwedhwa kiifuta mbyoka.
Sho a pulwa kutya monakuyiwa epangelo otali ka kwashilipaleka ngiini iifuta yiishoshela okuza momalanditho goludhi ndoka, okwa yamukula kutya uuministeli otawu longele kumwe noNamibia Competition Commission mokutala konkalo ndjoka, nokukwashilipaleka egwanithepo lyoompango nomilandu.
OGONE TLHAGE
Comments
Namibian Sun
No comments have been left on this article