Omilandu dhoCovid odha nuninwa owala aathigona – APP

KENYA KAMBOWERUNDUAmushanga ndjai gwoAll People’s Party (APP) Vincent Kanyetu okwa pula ngele omilandu dha tulwa miilonga okukandeka oCovid-19 odha nuninwa owala aathigona.Okwa popi kutya ongundu yawo oya nongele e yo pondje dhomilandu dhoka unene piituthi yanenentu naanambelewa aakuluntu, unene pomafumbiko. Kanyetu okwa popi kutya epangelo inali kengelela aathigona molwaashoka otashi vulika ya ka yamukule unene sho ye wete iinima mbyoka tayi ningwa pomafumbiko, ngoka guuthwa owala okukala naantu ye li omulongo.“Pakutala iinima mbyoka tayi ningwa ngele ngoye omuthigona owu na okugwanitha po omilandu dhoka ihe ookomrade naamboka ye li pombanda itaye shi gwanitha po,” Kanyetu a popi.“Otu wete iinima tayi ningwa pomafumbiko gopapangelo. Aahiki yomanguma oye vulithe nale paantu omulongo. Kombinga mbela yaantu mboka ya dhindikila omuselekadhi nofamili? Omafumbiko gopapangelo otaga kalwa kaantu ye vulithe pomulungo ihe kashi shi uupyakadhi ihe aathigona aakwanezimo yetu naya fumbikwe owala kaantu omulongo, shoka otatu shi yelitha ngiini mbela.”Okwa gandja uusama komuleli gwoshilongo ngoka e li ta gandja omafumbiko gopapangelo kwaamboka ye wetike kutya omapendafule.Okwa popi kutya oshilongo itashi vulu okutula miilonga omilandu nooveta dha nuninwa owala aantu yamwe.Kanyetu okwa gandja omaiyuvo ge sha landula efumbiko lyomuleli gwAaherero Vekuii Rukuro ndyoka lya ningilwa mOkahandja oshiwike sha piti na olya kaliwa komwaalu omunene gwaantu.

Omilandu dhoCovid odha nuninwa owala aathigona – APP

Comments

Namibian Sun 2025-09-16

Please login to leave a comment

Omilandu dhoCovid odha nuninwa owala aathigona – APP

Comments

Namibian Sun 2025-09-16

Please login to leave a comment

Login