Omidhimba tadhi holele momagumbo
Omaso itaga shangithwa mwakwatelwa omaso goohanana, omidhimba tadhi ethwa dhi ningile nayi momagumbo momahuliloshiwike, oyimwe yomomaupyakadhi ga taalela aakwashigwana yomomudhingoloko gwaNamatanga.
ILENI NANDJATO
Aakalimo yomOmamatanga oya holola okuuva nayi kwawo sho inaya pewa ompito opo ya vule okupopya nOmupresidende Hage Geingob, pethimbo lyomutumba ngoka gwa ningwa nomupresidende mOutapi oshiwike sha piti.
Amushanga gwomukunda Onamatanga, Mpepo Festus okwa lombwele oNamibian Sun aakwashigwana mboka oya taalela omikundu dha yooloka ngaashi omaso ngoka ihaga shangithwa, omaso goohananana pethimbo tadhi pulumuthwa, omidhimba tadhi holele momagumbo oshowo ondjila yoshinano shookilometa 40 pokati kOmakange nOnamatanga ndjoka yeethiwa okulongwa nompumbwe yomeya momudhingoloko gwawo.
Festus okwa popi kutya okwali a tumwa koshigwana opo a ka popye nOmupresidende pethimbo lyomutumba ngoka ihe ina pewa ompito.
“Otwiishangitha kombelewa yangoloneya opo tu ka vule okupopya momutumba ngoka ihe inatu pewa ompito molwaashoka ethimbo olya li lya pwa po. Omupresiende okwe ya kutse aakwashigwana opo a pulakene omaupyakadhi getu ihe aantu itaya pewa ompito. Otuuva nayi noonkondo.”
“Otwali twa hala okulombwela omupresidende kutya Onamatanga oyi li oshinano shookilometa 100 okuza mOkahao oshowo Opuwo naakwashigwana yetu oya taalela ompumbwe yomayakulo ogendji.”
Okwa popi kutya okapangelogona hoka keli momudhingoloko gwawo ohaka longo owala okuza potundi onti 08:00 sigo 17:00 mokati koshiwike.
“Momudhingoloko gwetu omu na iipotha yomaso gaanona inayi shangithwa unene ngele omaso ngoka ga holoka mehuliloshiwise sho okapangelo ka pata. Ngele omuntu okwa hulitha mEtitano omanga okapangelo ka pata, omudhimba ohagu kala megumbo sigo Omaandaha. Aantu otaya longitha omikalo dhopamuthigululwakalo okupanga aantu ihe odha nika oshiponga. Otatu longitha omikalo dhopamuthigululwakalo okukeelela omidhimba dhi ninge nayi ihe natango otatu yi moshipala eningo lyomakonaakono gomondjila giiyetithi yomaso. Katu na we omikalo dhimwe, shoka osho owala tatu vulu okuninga. Omathimbo gamwe ohatu thiminikwa konkalo opo tu fumbike omidhimba dhoka tu yande dhi ninge nayi,” Festus a popi.
Okwa popi kutya ope na ompumbwe onene opo okapangelo komOnamatanga ka kale ke na okila yomidhimba, ta gwedha ko kutya omahangano gomafumbiko ngoka ge na oshinakugwanithwa shokufumbika aantu mboka ya kala inaya talika monakuziwa, ihaga hala okuka talako omidhimba unene mehuliloshiwike sho kape na opolisi nenge aanambelewa yuundjolowele.
Okwa popi kutya ngele omuntu okwa si eso lyopaushitwe megumbo, opolisi ihayi kutha mo omudhimba ngoka.
“Ngele owa dhengele opolisi otayi ku lombwele wu dhengele oshipangelo, taya popi kutya yo ohaya yamukula owala ngele pwali pe na olugodhi nenge oshiponga. Uunona ohatu wu fumbike esiku ndyoka. Nonando iimbuluma yimwe oya longwa kape na opolisi yi ninge omakonaakono molwaashoka ihayi lopotwa. Otwa li twa hala omupresidende uuve shoka tashi inyenge mOnamatanga.”
Okwa tsikile kutya onkalamwenyo oya dhigupala mOnamatanga, na ohaku vulu owala okuyiwa kiihauto mbyoka inene.
Nonando ehangano lyoRoads Authority (RA) oshowo uuministeli womalweendo okupitila melelo lyoshitopolwa shaMusati oya gandja otendela kehangano lyoRoads Contractor Company (RCC) opo li tunge ondjila ndjoka muNovemba gwomvula yo 2013, ehangano ndyoka olya kutha po owala iihwa pehala mpoka andola tapu tungwa ondjila.
Omvula ya piti natango uuministeli womalweendo owa gandja oomiliyona 36 ketungo lyondjila yomamanya konima sho RCC a li a pewa otendela yoomiliyona 21 opo a tunge ondjila ndjoka ihe okwa ndopa okupula komeho nopoloyeka ndjoka.
Festus okwa popi natango kutya oya taalela ompumbwe yomeya omolwa omeya goshimongwa ngoka geli momudhingoloko gwawo. Momvula yo 2013, RA okwa mboola omboola momudhingoloko ngoka omanga ta pangele okutunga ondjila ndjoka ya Omakange-Onamatanga.
Omboola ndjoka oya li tayi longo naakwashigwana oyali taye yi longitha ihe konima ya tseyithilwa kaanambelewa yuundjolowele kutya omeya ngoka inaga yogoka okunuwa kaantu nonando omboola ndjoka oyali ye ya kwathele muupyakadhi womeya.
Kansela gwoshikandjohogololo shaRuacana, Andreas Shintama okwa popi kutya kali e na owino ngele aakwashigwana mboka oya hala okupopya nomupresidende.
“Otwa tala tatu igidha moradio opo aakwashigwana mboka ya hala okupopya momutumba ngoka yiishangithe pombelewa yakansela nenge pombelewa ya ngoloneya ihe inatu mona ohokwe ya sha okuza mOnamatanga. Omanyenyeto gawo oga fa owala omanyenyeto gaakwashigwana yalwe,” Shintama a popi.
“Inandi uva omaupyakadhi gomaso gaanona itaga shangithwa nenge omidhimba tadhi holele momagumbo kakele kuupyakadhi wondjila nomeya mboka wu shiwike nale.”
Festus okwa popi kutya uupyakadhi mboka kawu li owala mOnamatanga ihe nomomikunda dhopuushinda.
Okwa popi kutya oya hala onkalamwenyo dhawo dhi yambulwepo ngaashi owala dhaakwashigwana yalwe.
Aakalimo yomOmamatanga oya holola okuuva nayi kwawo sho inaya pewa ompito opo ya vule okupopya nOmupresidende Hage Geingob, pethimbo lyomutumba ngoka gwa ningwa nomupresidende mOutapi oshiwike sha piti.
Amushanga gwomukunda Onamatanga, Mpepo Festus okwa lombwele oNamibian Sun aakwashigwana mboka oya taalela omikundu dha yooloka ngaashi omaso ngoka ihaga shangithwa, omaso goohananana pethimbo tadhi pulumuthwa, omidhimba tadhi holele momagumbo oshowo ondjila yoshinano shookilometa 40 pokati kOmakange nOnamatanga ndjoka yeethiwa okulongwa nompumbwe yomeya momudhingoloko gwawo.
Festus okwa popi kutya okwali a tumwa koshigwana opo a ka popye nOmupresidende pethimbo lyomutumba ngoka ihe ina pewa ompito.
“Otwiishangitha kombelewa yangoloneya opo tu ka vule okupopya momutumba ngoka ihe inatu pewa ompito molwaashoka ethimbo olya li lya pwa po. Omupresiende okwe ya kutse aakwashigwana opo a pulakene omaupyakadhi getu ihe aantu itaya pewa ompito. Otuuva nayi noonkondo.”
“Otwali twa hala okulombwela omupresidende kutya Onamatanga oyi li oshinano shookilometa 100 okuza mOkahao oshowo Opuwo naakwashigwana yetu oya taalela ompumbwe yomayakulo ogendji.”
Okwa popi kutya okapangelogona hoka keli momudhingoloko gwawo ohaka longo owala okuza potundi onti 08:00 sigo 17:00 mokati koshiwike.
“Momudhingoloko gwetu omu na iipotha yomaso gaanona inayi shangithwa unene ngele omaso ngoka ga holoka mehuliloshiwise sho okapangelo ka pata. Ngele omuntu okwa hulitha mEtitano omanga okapangelo ka pata, omudhimba ohagu kala megumbo sigo Omaandaha. Aantu otaya longitha omikalo dhopamuthigululwakalo okupanga aantu ihe odha nika oshiponga. Otatu longitha omikalo dhopamuthigululwakalo okukeelela omidhimba dhi ninge nayi ihe natango otatu yi moshipala eningo lyomakonaakono gomondjila giiyetithi yomaso. Katu na we omikalo dhimwe, shoka osho owala tatu vulu okuninga. Omathimbo gamwe ohatu thiminikwa konkalo opo tu fumbike omidhimba dhoka tu yande dhi ninge nayi,” Festus a popi.
Okwa popi kutya ope na ompumbwe onene opo okapangelo komOnamatanga ka kale ke na okila yomidhimba, ta gwedha ko kutya omahangano gomafumbiko ngoka ge na oshinakugwanithwa shokufumbika aantu mboka ya kala inaya talika monakuziwa, ihaga hala okuka talako omidhimba unene mehuliloshiwike sho kape na opolisi nenge aanambelewa yuundjolowele.
Okwa popi kutya ngele omuntu okwa si eso lyopaushitwe megumbo, opolisi ihayi kutha mo omudhimba ngoka.
“Ngele owa dhengele opolisi otayi ku lombwele wu dhengele oshipangelo, taya popi kutya yo ohaya yamukula owala ngele pwali pe na olugodhi nenge oshiponga. Uunona ohatu wu fumbike esiku ndyoka. Nonando iimbuluma yimwe oya longwa kape na opolisi yi ninge omakonaakono molwaashoka ihayi lopotwa. Otwa li twa hala omupresidende uuve shoka tashi inyenge mOnamatanga.”
Okwa tsikile kutya onkalamwenyo oya dhigupala mOnamatanga, na ohaku vulu owala okuyiwa kiihauto mbyoka inene.
Nonando ehangano lyoRoads Authority (RA) oshowo uuministeli womalweendo okupitila melelo lyoshitopolwa shaMusati oya gandja otendela kehangano lyoRoads Contractor Company (RCC) opo li tunge ondjila ndjoka muNovemba gwomvula yo 2013, ehangano ndyoka olya kutha po owala iihwa pehala mpoka andola tapu tungwa ondjila.
Omvula ya piti natango uuministeli womalweendo owa gandja oomiliyona 36 ketungo lyondjila yomamanya konima sho RCC a li a pewa otendela yoomiliyona 21 opo a tunge ondjila ndjoka ihe okwa ndopa okupula komeho nopoloyeka ndjoka.
Festus okwa popi natango kutya oya taalela ompumbwe yomeya omolwa omeya goshimongwa ngoka geli momudhingoloko gwawo. Momvula yo 2013, RA okwa mboola omboola momudhingoloko ngoka omanga ta pangele okutunga ondjila ndjoka ya Omakange-Onamatanga.
Omboola ndjoka oya li tayi longo naakwashigwana oyali taye yi longitha ihe konima ya tseyithilwa kaanambelewa yuundjolowele kutya omeya ngoka inaga yogoka okunuwa kaantu nonando omboola ndjoka oyali ye ya kwathele muupyakadhi womeya.
Kansela gwoshikandjohogololo shaRuacana, Andreas Shintama okwa popi kutya kali e na owino ngele aakwashigwana mboka oya hala okupopya nomupresidende.
“Otwa tala tatu igidha moradio opo aakwashigwana mboka ya hala okupopya momutumba ngoka yiishangithe pombelewa yakansela nenge pombelewa ya ngoloneya ihe inatu mona ohokwe ya sha okuza mOnamatanga. Omanyenyeto gawo oga fa owala omanyenyeto gaakwashigwana yalwe,” Shintama a popi.
“Inandi uva omaupyakadhi gomaso gaanona itaga shangithwa nenge omidhimba tadhi holele momagumbo kakele kuupyakadhi wondjila nomeya mboka wu shiwike nale.”
Festus okwa popi kutya uupyakadhi mboka kawu li owala mOnamatanga ihe nomomikunda dhopuushinda.
Okwa popi kutya oya hala onkalamwenyo dhawo dhi yambulwepo ngaashi owala dhaakwashigwana yalwe.
Comments
Namibian Sun
No comments have been left on this article