Ombili otayi ka pangela tuu moDRC?

JEMIMA BEUKESOmupresidende Hage Geingob mehuliloshiwike okwa gandja omahaleloyambeko ge komupresidende gwaDRC, Felix Tshisekedi ngoka a sindanapo omahogololo gopashigwana ngoka ga ningwa moshilongo moka momwedhi gwa piti, sha landula sho Ompangu yEkotampango moshilongo ya tindi eindilo ndyoka lya ningwa kunakudhengwa mo momahogololo ngoka.Ompangu yEkotampango moDRC oya ekelehi eindilo lya ningwa komuleli gwongundu yompilameno Martin Fayulu, ngoka ta mono eyambidhidho okuza kiilongo yomuuzilo oshowo ongeleka yaCatholic Church moshilongo shoka.Iizemo mbyoka ya pitithwa kokomisi yomahoglolo moshilongo moka oya holola kutya Tshisekedi okwa sindana po omahogololo noopresenda 38, e vule Fayulu noopresenda 4.Fayulu okwa popi kutya oye a sindanapo omahogololo ngoka, ta gwedha po kutya Tshisekedi okwa ningi etsokumwe nomupresidende nale gwaDRC Joseph Kabila, opo a tseyithwe onga omusindani.Pankatu ye onga omunashipundi gwoSADC , Geingob okwa popi kutya aantu yaDRc naya taambeko iizemo yomahogololo.Okwa pula opo aakwashigwana ayehe ya taambeko iizemo nokukalekapo ombili moshilongo, ye ta pula woo aakuthimbinga ayehe ya yambidhidhe omuleli ngoka a hogololwa opamwe nepangelo lye yo ya vule okukalekapo ombili moshilongo.Oshizemo shomahogololo gaDRC okwa hololwa sha topola aaleli yaSADC pethimbo lyomutumba ngoka gwa ningilwa moAddis Ababa sha Ethiopia oshiwike sha piti, moka aaleli ya kundathana onkalo yiizemo yomahogololo ngoka ga ningwa pehulilo lyaDesemba gwomvula yo 2018.SADC Double Troika Summit oya pititha omukanda moka ya pula opo uuyuni wu simaneke omilandu noompango dhaDRC ngaashi woo tashi hololwa koAfrican Union (AU) Constitutive Act oshowo SADC Treaty. Nonando ongaaka Iigwana yaHangana momukanda ngoka oya pititha mEtine lya piti omukanda moka ya pula opo oshilongo shoka shi kaleke manga etseyitho lyiizemo ya hugunina nokuyalululula omawi giizemo sha landula sho Fayulu pamwe naayambidhidhi ye ya pula opo omawi gaahogololi ga yalululwe.Ompangu yEkotampango moshilongo shoka oya tindi eindilo ndyoka lya ningwa kuFayulu opo ku kuthwe oonkondo iizemo yomahogololo ngoka ga ningwa nokuyalula ishewe omawi gaahogololi.Nonando ongaaka Fayulu okwa nyana na okwa tindi eyamukulo lyompangu, ta popi kutya otayi popile uukayamukulwa.Uutile wiikolokoshaSho Fayulu iitseyitha yemwene kutya oye omusindani na okwa pula kuha ningwe omahogololomadhilaadhilo kage li pambili, aanongononi yonkalo yopolotika moNamibia oya holola uutile wiikolokosha.Ndumba Kamwanyah okwa popi kutya onkalo ya Fayulu, otashi vulika yikeetithe iikolokosha.Kamwanyah okwa gwedha po kutya Ompango yEkotampango oshowo Okomisi yomahogololo moshilongo moka oya longa oshilonga shasimana.“Kandi wete pe na omatompelo kutya omolwashike Fayulu ita vulu okutaambako iizemo. Ito vulu okufala oshipotha kompangu ndele to kala owala wu na kutya ongoye to sindana po oshipotha shoka. Otashi ulike nale kutya iikolokosha otayi ka tukuka moshilongo moka sho ngashiingeyi Fayulu a tindi iizemo mbyoka.”

Ombili otayi ka pangela tuu moDRC?

Comments

Namibian Sun 2025-09-17

Please login to leave a comment

Ombili otayi ka pangela tuu moDRC?

Comments

Namibian Sun 2025-09-17

Please login to leave a comment

Login