Omaupyakadhi gomoKuvukiland onkene taga tsikile
Aakwashigwana yomolukanda lwedhina Kuvukiland moTsumeb onkene taya tsikile nokupula opo yapewe omayakulo gamuni gwondoolopa ndjoka, na oya popi kutya muni okwa ndopa okuya pa omayakulo muule woomvula omulongo dhapiti.
Konyala aakwashigwana ya thika pomayovi gahamano haya zi moombashu molukanda ndoka, kaye na olusheno nenge ominino dhokweekelahi omeya gonyata.
Oshiwike sha piti oshifokundaneki shoNamibian Sun osha mono omukandanyenyeto ngoka gwa shangelwa muni gwondoolopa yaTsumeb, momukanda ngoka aakwashigwana oya tothamo omaupyakadhi ngoka ya taalela na oguli oshitopolwa shehololomadhilaadhio ndyoka taya pangele okuninga. Aakwashigwana otaya pula opo ya pewe olusheno, etungo lyomapandanda, omandoloma gokutula iiyekelwahi oshowo ku longwe oopomba dhawo dhomeya ndhoka ya popi kutya odhindji itadhi longo nawa.
“Ngashiingeyi otu li pevi ndika uule woomvula dha thika pomulongo ihe otwa taalela omaupyakadhi ogendji ngaashi oopomba dhomeya ndhoka itadhi longo, nolusheno ndoka inalu manithwa,” omukandanyenyeto ngoka gwa holola.
Oku nayipaleka onkalo ndjoka, aakwashigwana ya lombwelwa pethimbo lyomutumba ngoka gwa ningwa oshiwike sha piti kutya itaya ka kala we haya mono omeya okuza kehangano lyoNamWater, ndyoka lya kala hali landitha neloli omeya kaakwashigwana mboka.
Shoka osha hala okutya aakwashigwana mboka ye li kokule noopomba na oyali haya mono omeya okupitila momukalo ngoka oye na okukakonga omeya mokukalo dhimwe.
Momukandanyenyeto gwawo aakwashigwana oya holola ongeyo yawo omolwa endopo lyelelo lyondoolopa yawo sho inali ya pa oondjila ombwaanawa, noondjila ndhoka ye na otadhi yonagula iiyenditho.
“Oondjila odhi li uupyakadhi unene moKuvukiland unene ngele egumbo tali pi, omuntu a hulitha nenge omuntu teehama noonkondo, iihauto ihayi vulu okweenda momapandanda ngoka ge li po omolwa oondjila oombwiinayi,” omukandanyenyeto gwa lesha.
Oya popi woo kutya otaya ningilwa natango omambandameko kopolisi uuna tayi pata oondingosho dhawo, taya popi kutya otaya pewa omageelo geli pombanda okuyeleka noondando yiinima mbyoka taya landitha, onga omukalo gwokwiimonena iiyemo omolwa oompumbwe dhiilonga dhoka dha puma. Sho a ningilwa omapulaapulo, omupopiliko gwelelo lyondoolopa yaTsumeb, Stella Imalwa-Nangolo okwa popi kutya elelo lyondoolopa inali nongela omanyenyeto omape ngoka ga ningwa kaakwashigwana yomolukanda ndoka.
Imalwa-Nangolo okwa koleke kutya oshili eloli lyoNamWater ndyoka lya li hali gandja omeya kaakwashigwana molukanda ndoka itali ka gandja we omeya ngoka, naashoka osha tseyithilwa aakwashigwana pethimbo lyoshigongi shoka sha ningwa.
Olukanda ndoka olwa totwapo momvula yo 2010 konima sho aantu ya thika pomulongo mboka ya li ya pumbwa omahala gokukala noonkondo ya tameke okutunga oombashu dhawo poshitopolwa shoka shevi nopethimbo ndyoka okwa hololwa kutya oye li pehala ndyoka shaaheli paveta.
Evi ndyoka olyali lyehangano lyoWeatherly Mining Namibia sigo omomvula yo 2016, sho ehangano ndyoka lya gandja po oshitopolwa shoka kelelo lyondoolopa.
KENYA KAMBOWE
Oshiwike sha piti oshifokundaneki shoNamibian Sun osha mono omukandanyenyeto ngoka gwa shangelwa muni gwondoolopa yaTsumeb, momukanda ngoka aakwashigwana oya tothamo omaupyakadhi ngoka ya taalela na oguli oshitopolwa shehololomadhilaadhio ndyoka taya pangele okuninga. Aakwashigwana otaya pula opo ya pewe olusheno, etungo lyomapandanda, omandoloma gokutula iiyekelwahi oshowo ku longwe oopomba dhawo dhomeya ndhoka ya popi kutya odhindji itadhi longo nawa.
“Ngashiingeyi otu li pevi ndika uule woomvula dha thika pomulongo ihe otwa taalela omaupyakadhi ogendji ngaashi oopomba dhomeya ndhoka itadhi longo, nolusheno ndoka inalu manithwa,” omukandanyenyeto ngoka gwa holola.
Oku nayipaleka onkalo ndjoka, aakwashigwana ya lombwelwa pethimbo lyomutumba ngoka gwa ningwa oshiwike sha piti kutya itaya ka kala we haya mono omeya okuza kehangano lyoNamWater, ndyoka lya kala hali landitha neloli omeya kaakwashigwana mboka.
Shoka osha hala okutya aakwashigwana mboka ye li kokule noopomba na oyali haya mono omeya okupitila momukalo ngoka oye na okukakonga omeya mokukalo dhimwe.
Momukandanyenyeto gwawo aakwashigwana oya holola ongeyo yawo omolwa endopo lyelelo lyondoolopa yawo sho inali ya pa oondjila ombwaanawa, noondjila ndhoka ye na otadhi yonagula iiyenditho.
“Oondjila odhi li uupyakadhi unene moKuvukiland unene ngele egumbo tali pi, omuntu a hulitha nenge omuntu teehama noonkondo, iihauto ihayi vulu okweenda momapandanda ngoka ge li po omolwa oondjila oombwiinayi,” omukandanyenyeto gwa lesha.
Oya popi woo kutya otaya ningilwa natango omambandameko kopolisi uuna tayi pata oondingosho dhawo, taya popi kutya otaya pewa omageelo geli pombanda okuyeleka noondando yiinima mbyoka taya landitha, onga omukalo gwokwiimonena iiyemo omolwa oompumbwe dhiilonga dhoka dha puma. Sho a ningilwa omapulaapulo, omupopiliko gwelelo lyondoolopa yaTsumeb, Stella Imalwa-Nangolo okwa popi kutya elelo lyondoolopa inali nongela omanyenyeto omape ngoka ga ningwa kaakwashigwana yomolukanda ndoka.
Imalwa-Nangolo okwa koleke kutya oshili eloli lyoNamWater ndyoka lya li hali gandja omeya kaakwashigwana molukanda ndoka itali ka gandja we omeya ngoka, naashoka osha tseyithilwa aakwashigwana pethimbo lyoshigongi shoka sha ningwa.
Olukanda ndoka olwa totwapo momvula yo 2010 konima sho aantu ya thika pomulongo mboka ya li ya pumbwa omahala gokukala noonkondo ya tameke okutunga oombashu dhawo poshitopolwa shoka shevi nopethimbo ndyoka okwa hololwa kutya oye li pehala ndyoka shaaheli paveta.
Evi ndyoka olyali lyehangano lyoWeatherly Mining Namibia sigo omomvula yo 2016, sho ehangano ndyoka lya gandja po oshitopolwa shoka kelelo lyondoolopa.
KENYA KAMBOWE
Comments
Namibian Sun
No comments have been left on this article