Omapopyo gaShalli ga kondemwa
Omukomeho nale gwEtanga lyEgameno lyaNamibia, Martin Shalli, okwa kambadhala okutila omeya omatalala komapopyo ge taga halutha, ngoka a ningi poshigongi shoSwapo mOkahandja, mOlyomakaya, sho a popi kutya mboka taya thigipo oSwapo nokuwayimina oongundu dhilwe naya dhipagwe.
OGONE TLHAGE
OVENDUKA
Mokavidio taka haluka hoka ka etitha nokuli oongudu dhilwe dhopolotika dhi tulile moShalli iipotha, okwa kondjitha opo omufatululi eendulule momatumbulo ge ngoka a ningi mOshiwambo opo aantu ye mu uve nawa.
Sho a popitha oshigongi shoSwapo, mOkahandja molukanda Five Rand, Shalli okwa popi kutya oonakudhigapo ongundu oya pumbwa okudhipagwa pakutetwa omiligu. Mokavidio moka, okwa uvika ta gandja oshiholelwa shaIgnatius Shixwameni, ngoka a yi koCongress of Democrats (CoD) mo 1999, onga oshiholelwa shaamboka ya pumbwa okudhipagwa.
Okwa gandja woo oshiholelwa shomupresidende nale gwoCoD, Ben Ulenga, nayalwe.
Ulenga okwa li omukomeho mewawa lyaaniilonga na okwa yambidhidha oSwapo okuya momahogololo mo 1989, ngoka ga sindanwa po koSwapo.
Ulenga okwa lemanekwa miita na okwa kwatwapo nokutulwa modholongo yaRobben Island uule woomvula o 15.
Shalli okwa popi kutya aantu yoludhi ndoka mboka taya dhigipo oSwapo konima yokukala taya popile ongundu ndjoka, oya pumbwa okuya pa ompito nokudhigapo evi.
Okwa tsikile kutya oya pumbwa okutetwa omiligu.
Sho a ningilwa omapulo koNamibia Sun, Shalli okwa popi kutya ye iniikalekelwa kwaashoka ngele okwa dhigipo oSwapo.
“Ondiikwatelamo woo. Ito vulu okukala wa thikama naantu ihe ngula owuli ompinge nayo,” Shalli a popi.
Kombinga yokuteta omiligu okwa popi kutya ita hwahwameke omiyonena. Okwa popi kutya omatumbulo ge oga kuthwako pambambo.
Shalli okwa gandja woo oshiholelwa shomuleli gwoLandless People's Movement (LPM), Bernadus Swartbooi sho uula omukokoli presidende kutya omuniifundja.
“Ohatu uvu nayi sho aantu haya kuutumba mOmutumba gwoPashigwana nokuula omukokoli kutya ongangala, omuniifundja , owa hala okutya ngiini.”
Ongundu yoPopular Democratic Movement (PDM), Affirmative Repositioning (AR) oshowo kansela gwoWalvis Bay Urban, Knowledge Ipinge ayehe oya katukile Shalli oonkatu.
Lwanima Shalli okwa shanga omukanda ta popi kutya omatumbulo ge ngoka okwa hala okutya okudhenga omutondi okupitila momahogololo.
Okwa popi kutya otaga longithwa koohandimwe okwiimonena iitsa mopolotika.
AR okwa popi kutya omapopyo gaShalli otaga yi pondje ekotampango lyoshilongo.
AR okupitila muhahende gwe, Kadhila Amoomo okwa pula Shalli a popyulule nokugandja ombili, nongele okwa ndopa otaya ka katuka oonkatu dhopaveta.
Ipinge okwa popi kutya sho a tokola okukutha ombinga momahogololo guukansela iithikamena, ngoka a sindana na okwa thigipo ongundu yoSwapo, oku wete kutya omwenyo gwe oguli moshiponga, sha landula omapopyo gaShalli.
OVENDUKA
Mokavidio taka haluka hoka ka etitha nokuli oongudu dhilwe dhopolotika dhi tulile moShalli iipotha, okwa kondjitha opo omufatululi eendulule momatumbulo ge ngoka a ningi mOshiwambo opo aantu ye mu uve nawa.
Sho a popitha oshigongi shoSwapo, mOkahandja molukanda Five Rand, Shalli okwa popi kutya oonakudhigapo ongundu oya pumbwa okudhipagwa pakutetwa omiligu. Mokavidio moka, okwa uvika ta gandja oshiholelwa shaIgnatius Shixwameni, ngoka a yi koCongress of Democrats (CoD) mo 1999, onga oshiholelwa shaamboka ya pumbwa okudhipagwa.
Okwa gandja woo oshiholelwa shomupresidende nale gwoCoD, Ben Ulenga, nayalwe.
Ulenga okwa li omukomeho mewawa lyaaniilonga na okwa yambidhidha oSwapo okuya momahogololo mo 1989, ngoka ga sindanwa po koSwapo.
Ulenga okwa lemanekwa miita na okwa kwatwapo nokutulwa modholongo yaRobben Island uule woomvula o 15.
Shalli okwa popi kutya aantu yoludhi ndoka mboka taya dhigipo oSwapo konima yokukala taya popile ongundu ndjoka, oya pumbwa okuya pa ompito nokudhigapo evi.
Okwa tsikile kutya oya pumbwa okutetwa omiligu.
Sho a ningilwa omapulo koNamibia Sun, Shalli okwa popi kutya ye iniikalekelwa kwaashoka ngele okwa dhigipo oSwapo.
“Ondiikwatelamo woo. Ito vulu okukala wa thikama naantu ihe ngula owuli ompinge nayo,” Shalli a popi.
Kombinga yokuteta omiligu okwa popi kutya ita hwahwameke omiyonena. Okwa popi kutya omatumbulo ge oga kuthwako pambambo.
Shalli okwa gandja woo oshiholelwa shomuleli gwoLandless People's Movement (LPM), Bernadus Swartbooi sho uula omukokoli presidende kutya omuniifundja.
“Ohatu uvu nayi sho aantu haya kuutumba mOmutumba gwoPashigwana nokuula omukokoli kutya ongangala, omuniifundja , owa hala okutya ngiini.”
Ongundu yoPopular Democratic Movement (PDM), Affirmative Repositioning (AR) oshowo kansela gwoWalvis Bay Urban, Knowledge Ipinge ayehe oya katukile Shalli oonkatu.
Lwanima Shalli okwa shanga omukanda ta popi kutya omatumbulo ge ngoka okwa hala okutya okudhenga omutondi okupitila momahogololo.
Okwa popi kutya otaga longithwa koohandimwe okwiimonena iitsa mopolotika.
AR okwa popi kutya omapopyo gaShalli otaga yi pondje ekotampango lyoshilongo.
AR okupitila muhahende gwe, Kadhila Amoomo okwa pula Shalli a popyulule nokugandja ombili, nongele okwa ndopa otaya ka katuka oonkatu dhopaveta.
Ipinge okwa popi kutya sho a tokola okukutha ombinga momahogololo guukansela iithikamena, ngoka a sindana na okwa thigipo ongundu yoSwapo, oku wete kutya omwenyo gwe oguli moshiponga, sha landula omapopyo gaShalli.
Comments
Namibian Sun
No comments have been left on this article