Omapekaapeko gomaiyuvo goshigwana taga tameke kwa lata
Ombelewa yOmuprima Minista ano Office of the Prime Minister (OPM) otayi tameke okuninga omapekaapeko nomapulaapulo moshigwana ombinga yomaiyuvo goshigwana ngetashiya kegandjo lyomayakulo okuza kiikondo yepangelo.
“Ekuthombinga lyaakwashigwana oshimwe sha simana meningo lyomapekaapeko gopashigwana omukalo gumwe okumona kutya aakwashigwana oya hala shike,” omupopiliko gwOmbelewa yOmuprima, Saima Shaanika ta ti.
Pahapu dhaShaanika, epangelo olyiitulamo mokukwashilipaleka kutya oshigwana osha pewa omayakulo gadhengambanda okupitila moHarambee Prosperity Plan (HPP) pakuhwahwameka aakwashigwana yakuthe ombinga moonkundathana.
Aanambelewa mboka taya ningi omapekaapeko okwa tegelelwa ya tamekithe iilonga okuya pehulilo lyomwedhi nguka.
“Omapekaapeko ngoka taga ningwa mo-2017 otaga ka ningwa miitopolwa ayihe o-14 moshilongo momagumbo ga thika po- 3 740 na otaku ka ningwa omapulo ga thika po-18 700. Shaanika okwa popi kutya AaNamibia owala mboka ya gwanitha oomvula 21 okuya pombanda oyo taya ka ningilwa omapulaapulo.
Pehulilo lyomwedhi Apilili aanambelewa ya thika po-85, otaya ka topolelwa iitopolwa ya yooloka nokulongela miitopolwa mbyoka uule woomwedhi ndatu ndhoka taku ningwa omapekaapeko ngoka.
“Otaku tengenekwa kutya iizemo yomapulaapulo ngoka otayi ka pewa aakuthimbinga naadhaninkandangala ya yooloka mepangelo okuya muAguste gwonuumvo. Olopota otayi ka gandjwa woo kiikundaneki nomoshigwana,” Shaanika ta ti.
“Iizemo mbyoka otayi kala ya pwa okulongekidhwa omanga omapekaapeko gokomumvo gocustomer satisfaction survey inaga ningwa okuya pehulilo lyo-2016,” ondokumende yoHHP, ya holola.
“Molwaashoka omvula onde unene okutegelelwa iizemo yomapekaapeko ngoka taga ningwa, Ombelewa yOmuprima otayi konga omayamukulo kombinga yegandjo lyomakwatho moshigwana pakuninga omapulaapulo miinima ya yooloka nomayamukulo otaga ka gandjwa pakutulwa muupakete tawu adhika poombelewa adhihe dhuuministeli niiputudhilo yepangelo.”
OGONE TLHAGE
“Ekuthombinga lyaakwashigwana oshimwe sha simana meningo lyomapekaapeko gopashigwana omukalo gumwe okumona kutya aakwashigwana oya hala shike,” omupopiliko gwOmbelewa yOmuprima, Saima Shaanika ta ti.
Pahapu dhaShaanika, epangelo olyiitulamo mokukwashilipaleka kutya oshigwana osha pewa omayakulo gadhengambanda okupitila moHarambee Prosperity Plan (HPP) pakuhwahwameka aakwashigwana yakuthe ombinga moonkundathana.
Aanambelewa mboka taya ningi omapekaapeko okwa tegelelwa ya tamekithe iilonga okuya pehulilo lyomwedhi nguka.
“Omapekaapeko ngoka taga ningwa mo-2017 otaga ka ningwa miitopolwa ayihe o-14 moshilongo momagumbo ga thika po- 3 740 na otaku ka ningwa omapulo ga thika po-18 700. Shaanika okwa popi kutya AaNamibia owala mboka ya gwanitha oomvula 21 okuya pombanda oyo taya ka ningilwa omapulaapulo.
Pehulilo lyomwedhi Apilili aanambelewa ya thika po-85, otaya ka topolelwa iitopolwa ya yooloka nokulongela miitopolwa mbyoka uule woomwedhi ndatu ndhoka taku ningwa omapekaapeko ngoka.
“Otaku tengenekwa kutya iizemo yomapulaapulo ngoka otayi ka pewa aakuthimbinga naadhaninkandangala ya yooloka mepangelo okuya muAguste gwonuumvo. Olopota otayi ka gandjwa woo kiikundaneki nomoshigwana,” Shaanika ta ti.
“Iizemo mbyoka otayi kala ya pwa okulongekidhwa omanga omapekaapeko gokomumvo gocustomer satisfaction survey inaga ningwa okuya pehulilo lyo-2016,” ondokumende yoHHP, ya holola.
“Molwaashoka omvula onde unene okutegelelwa iizemo yomapekaapeko ngoka taga ningwa, Ombelewa yOmuprima otayi konga omayamukulo kombinga yegandjo lyomakwatho moshigwana pakuninga omapulaapulo miinima ya yooloka nomayamukulo otaga ka gandjwa pakutulwa muupakete tawu adhika poombelewa adhihe dhuuministeli niiputudhilo yepangelo.”
OGONE TLHAGE
Comments
Namibian Sun
No comments have been left on this article