Omalweendo gomatukodhila okuya koZimbambwe ga kalekwa
Ehangano lyomatukodhila moNamibia, lyoAir Namibia olya kaleke omalweendo galyo okuya koHarare shaZimbambwe, omanga oshipotha shoofamili yomoZimbambwe ndjoka tayi futitha ehangano ndyoka oshimaliwa sha thika poomiliyona yimwe yiimaliwa yaUS tashi ungaungiwa nasho.
Olugodhi ndoka lyomompangu olya li lwa etitha odhila yaAir Namibia yi kwatweko mEtitano lya piti,, nokweetitha ekateko kaafaalelwa.
Air Namibia okwa tokola nduno okulundulula omalweendo ge gomatukodhila okuza pokapale kaHosea Kutako International Airport okuya koVictoria Falls oshowo Livingstone shaZambia momasiku ga6 sigo 27 Kotomba.
Ofamili yaZimbabwe otayi futitha ehangano lyoAir Namibia, sho ya li ya shunitha koshilongo shaandjawo na oya kala ya kwatwa po uule womasiku gaali kaanambelewa yehangano ndyoka lyomatukodhila omanga ya li molweendo lwawo okuya koTurkey.
Oonakuninga eindilo lyompangu, mboka yahala iifuta oChenjerai, Fadzai, Rutendo oshowo Tadiwanashe Mawumba na Juliana Magombedze, omanga omuyamukuli ehangano lyoAir Namibia.
Ofamili oya popi kutya oya katwapo kaanambelewa yoAir Namibia shaaheli pamulandu omanga inaya shunithwa koshilongo shaandjawo naashoka osha ningwa omvula ya piti.
Omupopiliko gwehangano lyoAir Namibia, Paul Nakawa okwa popi kutya omanyenyeto gofamili ndjoka kage na ondjundo ya sha nehangano olya li lyiihumbata moongamba dhomilandu dhoshikondo shomalweendo.
“Onga ehangano lyomatukodhila, otu na uuthemba okutinda aafaalelwa ngele inaya gwanitha po omilandu dhomalweendo ngaashi tadhi pumbiwa kiilongo mbyoka tatu ya fala, ngele hasho nena otatu yi pondje omilandu dhomalweendo dhopauyuni. Ngele Zimbabwe ota pitika nokuyambidhidha okwaahalandula omilandu nena otatu ka tala komilandu dhetu nonakuyiwa nokuninga omaunduluko momalweendo gaZimbabwe.”
Nakawa okwa popi kutya oya pungula oshindji momalweendo gaZimbabwe nopethimbo ndyoka eliko lyawo lya li tali shongola, Air Namibia okwa tsikile nomalweendo gomatukodhila moshilongo shoka, na olyo owala ehangano tali hwahwameke oshikondo shomatalelepo moZimbabwe.
Air Namibia ota kalelwa po moshipotha shoka kehangano lyiikwaveta lyoHoney and Blanckenberg.
ELLANIE SMIT
Olugodhi ndoka lyomompangu olya li lwa etitha odhila yaAir Namibia yi kwatweko mEtitano lya piti,, nokweetitha ekateko kaafaalelwa.
Air Namibia okwa tokola nduno okulundulula omalweendo ge gomatukodhila okuza pokapale kaHosea Kutako International Airport okuya koVictoria Falls oshowo Livingstone shaZambia momasiku ga6 sigo 27 Kotomba.
Ofamili yaZimbabwe otayi futitha ehangano lyoAir Namibia, sho ya li ya shunitha koshilongo shaandjawo na oya kala ya kwatwa po uule womasiku gaali kaanambelewa yehangano ndyoka lyomatukodhila omanga ya li molweendo lwawo okuya koTurkey.
Oonakuninga eindilo lyompangu, mboka yahala iifuta oChenjerai, Fadzai, Rutendo oshowo Tadiwanashe Mawumba na Juliana Magombedze, omanga omuyamukuli ehangano lyoAir Namibia.
Ofamili oya popi kutya oya katwapo kaanambelewa yoAir Namibia shaaheli pamulandu omanga inaya shunithwa koshilongo shaandjawo naashoka osha ningwa omvula ya piti.
Omupopiliko gwehangano lyoAir Namibia, Paul Nakawa okwa popi kutya omanyenyeto gofamili ndjoka kage na ondjundo ya sha nehangano olya li lyiihumbata moongamba dhomilandu dhoshikondo shomalweendo.
“Onga ehangano lyomatukodhila, otu na uuthemba okutinda aafaalelwa ngele inaya gwanitha po omilandu dhomalweendo ngaashi tadhi pumbiwa kiilongo mbyoka tatu ya fala, ngele hasho nena otatu yi pondje omilandu dhomalweendo dhopauyuni. Ngele Zimbabwe ota pitika nokuyambidhidha okwaahalandula omilandu nena otatu ka tala komilandu dhetu nonakuyiwa nokuninga omaunduluko momalweendo gaZimbabwe.”
Nakawa okwa popi kutya oya pungula oshindji momalweendo gaZimbabwe nopethimbo ndyoka eliko lyawo lya li tali shongola, Air Namibia okwa tsikile nomalweendo gomatukodhila moshilongo shoka, na olyo owala ehangano tali hwahwameke oshikondo shomatalelepo moZimbabwe.
Air Namibia ota kalelwa po moshipotha shoka kehangano lyiikwaveta lyoHoney and Blanckenberg.
ELLANIE SMIT
Comments
Namibian Sun
No comments have been left on this article