Omalolelo giipalutha yiimuna
Okwa lopotwa kutya iikulya yiimuna ya longwa miipakete mbyoka ya kala tayi ningilwa omakonaakono okutameka omvula ya piti, ka yi na uupyakadhi washa kuundjolowele wiimuna oshowo kaantu.
Emmanuel Mateus, omunambelewa guundjolowele wiimuna kohi yoshikondo shokukondolola omikuthi dhiimuna muuministeli wuunamapya, omeya nomakuti okwa popi kutya oshiwike sha piti kutya, omundohotola gwiimuna gwepangelo gomOutapi okwa ningi omakonaakono kohi yetonatelo lyawo, niimuna mbyoka yali ya paluthwa noondya ndhoka oompe, oya monika kutya oyi na uundjolowele noopresenda 100.
“Inaku monika uupyakadhi washa miimuna mbyoka ya pewa iikulya mbyoka. Oyi na owala uundjolowele nawa, okuyeleka niimuna mbyoka ya pewa iikulya mbyoka hayi liwa kiimuna shito.”
“Oshikondo shetu osha kala tashi kondolola omakonaakono ngaaka konima nkene ga tulwa miilonga na kehe shoka sha longithwa osha ningilwa omakonaakono gopalabora. Ngele andola otwa li twa mono uupyakadhi washa mboka tawu vulu okukala wa nika oshiponga kuundjolowele womuntu nenge kiimuna, andola omakonaakono ngaka oga hulu nale,” omunambelewa ngoka ta popi.
Metitano lyoshiwike sha piti, iikombo iyali mbyoka yali ya palutha niikulya mbyoka ya longwa miipakete mOshikuku moshitopolwa shaMusati oya dhipagwa kohi yetonatelo lyomundohotola gwiimuna oshowo aanambelewa yoshikondo shuundjolowele wiimuna, nonyama yiikombo mbyoka ya telekwa nokupewa aakwashigwana shi lole onyama ndjoka.
Okutameka omwedhi Apilili omvula ya piti, Roderick Haraseb, omunambelewa omukonaakoni gwiikulya okwa kala ta ningi omakonaakono kombinga yiikulya yiimuna ya longwa miipakete. Metitano, Haraseb okwa popi kutya onyama otayi ka tumwa koolabora dhaCape Town moSouth Afrika, opo ku ka ningwe omakonaakono kutya iikulya mbyoka oyi na iitungilutu yi ni po.
Okwa tsikile kutya oya nyanyukwa nomakonaakono gawo, na oya tegelelwa owala omayamukulo okuza koSouth Afrika, uuna ya tumu onyama ndjoka opo yi ka ningilwe omakonaakono giitungithilutu, nongele oya mono omayamukuo, nena pethimbo lyoshikukuta okutameka muAguste, otaya ka gandja iikulya mbyoka kaaniimuna opo ya vule okupalutha iimuna yawo.
Haraseb neyambidhidho lyaanyasha ya ne oya kala taya ningi omakonaakono ngoka okutameka omwedhi Apilili mo 2017. Omakonaaakono ngoka oga ningwa moongundu dhopaali. Ongundu yimwe iimuna oya li ya paluthwa niikulya mbyoka iipe, omanga onkwawo ya paluthwa niikulya mbyoka hayi liwa shito kiimuna ngaashi omwiidhi.
Iimuna mbyoka oya kala hayi vihwa omalupita okutala ngele iikulya mbyoka iipe otayi longo tuu.
Omundohotola gwiimuna moshitopolwa shomonooli uuzilo, Dr Kennedy Shoombe, okwa popi kutya ngele omakonaakono ngoka oga manithwa na otaga gandja iizemo iiwanawa nena otaku ka totwa ofaktoli yokulonga oondya ndhoka dha longwa miipakete mOshikuku.
Haraseb, ngoka a mana eilongo lye mekonaakono lyoondya moshiputudhilo shaCape Peninsula University of Technology, okwa popi kutya iimuna mbyoka ya hupako otayi kala tayi paluthwa niikulya mbyoka iipe opo ku ka vule okuningwa omakonaakono kombinga yongushu yonyama oshowo omashini.
Omakonaakono ngoka otaga yambidhidhwa pashimaliwa koLocal Economic Development Agency (LEDA) mUuministeli wEyambulepo lyIitopolwa nOondoolopa.
ILENI NANDJATO
“Inaku monika uupyakadhi washa miimuna mbyoka ya pewa iikulya mbyoka. Oyi na owala uundjolowele nawa, okuyeleka niimuna mbyoka ya pewa iikulya mbyoka hayi liwa kiimuna shito.”
“Oshikondo shetu osha kala tashi kondolola omakonaakono ngaaka konima nkene ga tulwa miilonga na kehe shoka sha longithwa osha ningilwa omakonaakono gopalabora. Ngele andola otwa li twa mono uupyakadhi washa mboka tawu vulu okukala wa nika oshiponga kuundjolowele womuntu nenge kiimuna, andola omakonaakono ngaka oga hulu nale,” omunambelewa ngoka ta popi.
Metitano lyoshiwike sha piti, iikombo iyali mbyoka yali ya palutha niikulya mbyoka ya longwa miipakete mOshikuku moshitopolwa shaMusati oya dhipagwa kohi yetonatelo lyomundohotola gwiimuna oshowo aanambelewa yoshikondo shuundjolowele wiimuna, nonyama yiikombo mbyoka ya telekwa nokupewa aakwashigwana shi lole onyama ndjoka.
Okutameka omwedhi Apilili omvula ya piti, Roderick Haraseb, omunambelewa omukonaakoni gwiikulya okwa kala ta ningi omakonaakono kombinga yiikulya yiimuna ya longwa miipakete. Metitano, Haraseb okwa popi kutya onyama otayi ka tumwa koolabora dhaCape Town moSouth Afrika, opo ku ka ningwe omakonaakono kutya iikulya mbyoka oyi na iitungilutu yi ni po.
Okwa tsikile kutya oya nyanyukwa nomakonaakono gawo, na oya tegelelwa owala omayamukulo okuza koSouth Afrika, uuna ya tumu onyama ndjoka opo yi ka ningilwe omakonaakono giitungithilutu, nongele oya mono omayamukuo, nena pethimbo lyoshikukuta okutameka muAguste, otaya ka gandja iikulya mbyoka kaaniimuna opo ya vule okupalutha iimuna yawo.
Haraseb neyambidhidho lyaanyasha ya ne oya kala taya ningi omakonaakono ngoka okutameka omwedhi Apilili mo 2017. Omakonaaakono ngoka oga ningwa moongundu dhopaali. Ongundu yimwe iimuna oya li ya paluthwa niikulya mbyoka iipe, omanga onkwawo ya paluthwa niikulya mbyoka hayi liwa shito kiimuna ngaashi omwiidhi.
Iimuna mbyoka oya kala hayi vihwa omalupita okutala ngele iikulya mbyoka iipe otayi longo tuu.
Omundohotola gwiimuna moshitopolwa shomonooli uuzilo, Dr Kennedy Shoombe, okwa popi kutya ngele omakonaakono ngoka oga manithwa na otaga gandja iizemo iiwanawa nena otaku ka totwa ofaktoli yokulonga oondya ndhoka dha longwa miipakete mOshikuku.
Haraseb, ngoka a mana eilongo lye mekonaakono lyoondya moshiputudhilo shaCape Peninsula University of Technology, okwa popi kutya iimuna mbyoka ya hupako otayi kala tayi paluthwa niikulya mbyoka iipe opo ku ka vule okuningwa omakonaakono kombinga yongushu yonyama oshowo omashini.
Omakonaakono ngoka otaga yambidhidhwa pashimaliwa koLocal Economic Development Agency (LEDA) mUuministeli wEyambulepo lyIitopolwa nOondoolopa.
ILENI NANDJATO
Comments
Namibian Sun
No comments have been left on this article