Omaliko gaIsabel dos Santos ga kwatwa ko
Epangelo lyaAngola olya kwata ko pakathimbo omaliko gomwana-kadhona gwaangoka ali nale omupresidende gwoshilongo shoka, ngoka ta fekelwa kutya okwa lunga tiitapula.
Ompangu moAngola oya gandja elombwelo opo ku kwateko omaliko oshowo omayalulo goombaanga dhomunashimaliwa, omonakadhona gwomuleli nale gwa Angola, José Eduardo dos Santos.
Ekwateko lyomaliko ndyoka oli li oshitopolwa shekondjitho lyuulingiingi moAngola tashi ningwa kepangelo epe lyoshilongo shoka shi na uuyamba womahooli.
Epangelo lyomupresidende Joao Lourenço otali kambadhala okumona oshimaliwa sha thika poobiliyona yimwe miimaliwa yaAmerika, tayi yalulwa noobiliyona 15 miimaliwa yaNamibia, mbyoka taku popiwa yi li momake gaIsabel dos Santos pamwe nookume ke mongeshefa.
Nonando ongaaka Dos Santos, okwa tindi kutya okwa ningi sha shapuka pethimbo lyelelo lyahe.
Taku hokololwa kutya ogumwe gwomaakiintu aanashimaliwa muAfrica, Dos Santos otaku fekelwa koshifo shoForbes magazine e na eliko lya thika poobiliyona dhaAmerika 2.2, nomiimaliwa yaNamibia, oobiliyona 31.
Omunamimvo 46 ngashiingeyi okuli pondje yaAngola, neipopilo kutya ota ningilwa omatilitho. Oku na ongeshefa onene oshowo iipambuliko moongeshefa dha yooloka moAngola oshowo moPortugal, moka e na iipambuluko mehangano lyoNos SGPS.
Ompangu oya gandja elombwelo lyemweneko lyomayalulo gombaanga gaDos Santos moombaanga dhaAngola oshowo okukutha ko iipambuluko ye momahangano gomoshilongo mwakwatelwa omahangano ngaashi Unitel oshowo bank Fomento de Angola (BFA).
Dos Santos okwa popi kutya ekwateko lyomaliko ge oshi li eponokelo lyopapolotika ndyoka ta ningilwa.
“Onda koneke kutya okwa ningwa ekwateko lyomaliko gandje meholamo, netokolo ndyoka olya ningwa pwaahena aakalelipo yopaveta okuza kombinga yandje nenge aakomeho yomahangano gandje. Otwa tseyithilwa owala konima sho etokolo lya ningwa twaahena owino.”
“Onda kala oowili 24 tandi gandja ekwashilipaleko kaaniilonga yandje oshowo oofamili adhihe dha gumwa ketokolo ndyoka kutya itatu sholola. Otandi ka longitha kehe shoka tandi vulu okulongitha moAngola nenge mompango yopauyuni opo ndi kondjithe etokolo ndyoka nokukwashilipaleka oshili.”
Dos Santos okwa ningi omutse omunene mepangelo lyoshilongo shaandjawo momvula yo 2016, konima sho he e mu ulike a ninge omukomeho gwehangano lyiikwamahooli lyepangelo lyoshilongo shoka lyedhina Sonangol.
Okwa kuthwa miilonga momvula yo 2017 komulanduli gwa he, Lourenço. Omumwayinamati, José Filomeno dos Santos, ota pangulilwa uulingilingi moAngola, ta pangulwa kutya ye naapangulwa pamwe naye oya kutha mo moshilongo oshimaliwa sha thika poomiliyona 500 miimaliwa yaAmerika pethimbo a li omukomeho gwoSovereign Wealth Fund. Mboka oya tindi ondjo moshipotha shoka.
Etokolo lyompangu ndyoka olya leshwa kotiivi yepangelo, moshilongo moka ofamili yaDos Santos ya kala tayi longitha uukayamukulwa uule woomvula.
Oomvula mbali dha piti, Dos Santos okwa zi ko koshipundi shuuleli konima yoomvula 38 dhelelo, naashoka sha halutha oyendji omulanduli gwe okwa pilukile po ofamili ye nomauvaneko gwokuteya po elyenge lyuulingilingi.
Iimaliwa yoobiliyona okuputila momaliko ga yakwa oya kwatwako okuza miilongo yopondje.
ANDREW HARDING
Ekwateko lyomaliko ndyoka oli li oshitopolwa shekondjitho lyuulingiingi moAngola tashi ningwa kepangelo epe lyoshilongo shoka shi na uuyamba womahooli.
Epangelo lyomupresidende Joao Lourenço otali kambadhala okumona oshimaliwa sha thika poobiliyona yimwe miimaliwa yaAmerika, tayi yalulwa noobiliyona 15 miimaliwa yaNamibia, mbyoka taku popiwa yi li momake gaIsabel dos Santos pamwe nookume ke mongeshefa.
Nonando ongaaka Dos Santos, okwa tindi kutya okwa ningi sha shapuka pethimbo lyelelo lyahe.
Taku hokololwa kutya ogumwe gwomaakiintu aanashimaliwa muAfrica, Dos Santos otaku fekelwa koshifo shoForbes magazine e na eliko lya thika poobiliyona dhaAmerika 2.2, nomiimaliwa yaNamibia, oobiliyona 31.
Omunamimvo 46 ngashiingeyi okuli pondje yaAngola, neipopilo kutya ota ningilwa omatilitho. Oku na ongeshefa onene oshowo iipambuliko moongeshefa dha yooloka moAngola oshowo moPortugal, moka e na iipambuluko mehangano lyoNos SGPS.
Ompangu oya gandja elombwelo lyemweneko lyomayalulo gombaanga gaDos Santos moombaanga dhaAngola oshowo okukutha ko iipambuluko ye momahangano gomoshilongo mwakwatelwa omahangano ngaashi Unitel oshowo bank Fomento de Angola (BFA).
Dos Santos okwa popi kutya ekwateko lyomaliko ge oshi li eponokelo lyopapolotika ndyoka ta ningilwa.
“Onda koneke kutya okwa ningwa ekwateko lyomaliko gandje meholamo, netokolo ndyoka olya ningwa pwaahena aakalelipo yopaveta okuza kombinga yandje nenge aakomeho yomahangano gandje. Otwa tseyithilwa owala konima sho etokolo lya ningwa twaahena owino.”
“Onda kala oowili 24 tandi gandja ekwashilipaleko kaaniilonga yandje oshowo oofamili adhihe dha gumwa ketokolo ndyoka kutya itatu sholola. Otandi ka longitha kehe shoka tandi vulu okulongitha moAngola nenge mompango yopauyuni opo ndi kondjithe etokolo ndyoka nokukwashilipaleka oshili.”
Dos Santos okwa ningi omutse omunene mepangelo lyoshilongo shaandjawo momvula yo 2016, konima sho he e mu ulike a ninge omukomeho gwehangano lyiikwamahooli lyepangelo lyoshilongo shoka lyedhina Sonangol.
Okwa kuthwa miilonga momvula yo 2017 komulanduli gwa he, Lourenço. Omumwayinamati, José Filomeno dos Santos, ota pangulilwa uulingilingi moAngola, ta pangulwa kutya ye naapangulwa pamwe naye oya kutha mo moshilongo oshimaliwa sha thika poomiliyona 500 miimaliwa yaAmerika pethimbo a li omukomeho gwoSovereign Wealth Fund. Mboka oya tindi ondjo moshipotha shoka.
Etokolo lyompangu ndyoka olya leshwa kotiivi yepangelo, moshilongo moka ofamili yaDos Santos ya kala tayi longitha uukayamukulwa uule woomvula.
Oomvula mbali dha piti, Dos Santos okwa zi ko koshipundi shuuleli konima yoomvula 38 dhelelo, naashoka sha halutha oyendji omulanduli gwe okwa pilukile po ofamili ye nomauvaneko gwokuteya po elyenge lyuulingilingi.
Iimaliwa yoobiliyona okuputila momaliko ga yakwa oya kwatwako okuza miilongo yopondje.
ANDREW HARDING
Comments
Namibian Sun
No comments have been left on this article