Omaikuthomwenyo geli pombanda moNamibia

JANA-MARI SMITHOVENDUKAOmiyalu dhoka odheetitha uutile kutya omaidhigapo otaga londo pombanda unene muule woomwedhi twa taalela unene sho oshigwana sha taalela omikundu dhopaliko nonkalathano omolwa ombuto yo Covid-19.Omiyalu omipe dha hololwa kopolisi odha ulike kutya momvula yo 2019 okwa lopotwa omaikuthomwenyo geli po 486 moshilongo. Moomwedhi heyali dhotango dhomvula yo 2020, pokati kaJanuari nomasiku 31 gaJuli, opolisi oya lopota omaikuthomwenyo geli po 266.Aalumentu oyo unene yeli moshiponga sho momvula yo 2019, aalumentu 409 kwa lopotwa yiidhipaga omanga aakiintu ye li po 58.Aanona yaamati yahetatu oshowo aakadhona 11 yomvula dhili kohi yo 18 okwa lopotwa yiidhipaga momvula yo 2019.Aalumentu 222 okwa lopotwa yiidhipaga pokati komwedhi Januari nomwedhi Juli nuumvo ya landulwa kaakiintu 31, oshowo aanona yaamati yahamano naakadhona yaheyali yoomvula dhili kohi yo 18.Oshitopolwa shaKhomas osha lopotwa omwaalu guli pombanda okuya muJuli nuumvo, sho mwa lopotwa omaso 48. Omusati omwa lopotwa omaso 42 omanga Otjozondjupa mwa lopotwa omaso 29.Omvula ya piti omwaalu guli pombanda gwomaikuthomwenyo ogwa lopotwa moshitopolwa Omusati, sho mwa lopotwa omaso 66, sha landulwa kOhangwena moka mwa lopotwa omaso 62 omanga omaso 51 ga lopotwa moshitopolwa shaKhomas.Omapekaapeko oga holola kutya aalumentu yoomvula dhopokati oyo unene ya ninga iihakanwa yomaso ngoka.Uuministeli wuundjlowele owa koleke oshiwike sha piti kutya pokati kowedhi Januari sigo omwedhi Juni, aantu ye li po 435 oya kambadhala okwiikutha omwenyo.Oshinyolwa shuuministeli sha nyanyangithwa oomvula mbali dha piti osha holola kutya, momvula yo 2015 aantu ya thika po 25 000 oya kambadhala okwiidhipaga momvula ndjoka ayike.Pethimbo kwa dhimbulukiwa esiku lyoWorld Suicide Prevention Day, oonkundathana dhaakuthimbinga dha ningwa oshiwike sha piti mOvenduka, Omunambelewa gwenzulonkalo, Jennifer Lifasi, okwa popi kutya Namibia okwa taalela oshiponga shomaikuthomwenyo.Okwa popi kutya onkalo ndjoka otayi limbilike noonkondo unene sho ondjele yomaikuthomwenyo moNamibia yi li pombanda muAfrica.Namibia oku li ponomola ontine yiilongo yi na omaikuthomwenyo geli pombanda muAfrica omanga pondondo yopauyuni e li ponomola onti 11.Omuhungimwenyo, Iani de Kock, mokaklinika kaBel Esprit mOvenduka okwa popi kutya ondjele yomaikuthomwenyo moshilongo otaku tengenekwa otayi ka mbalipala okuyeleka nondjele yopauyuni nomaidhipago geli po 11 momwaalu gwaantu 100 000.De Kock okwa popi kutya omolwa onkalo yuupyakadhi wopaliko tawu ethithwa woo ketukuko lyombuto yoCovid-19, ondjele yomaikuthomwenyo oku na uutile yi londe pombanda muule woomwedhi twa taalela.MoNamibia unene onkalo yokwaahena iilonga oyo tayi etitha omadhilaadhilo gomaidhipago oshowo omaidhipago, pahapu dhOmundohotola gwopauvu gopamadhilaadhilo, Dr Shaun Whittaker, sho a kunkilile omvula ya piti.Omulumentu ngoka a dhenge ongodhi pethimbo lyoonkundathana dhoka, iitumbula kutya Jaco a za moKhomasdal okwa gandja etumwalaka lyetsomukumo.Okwa popi kutya okwa kambadhala okwiimangeleka shoka sheetitha a ye mocoma moshipangelo uule womasiku gatatu.Sha landula onkambadhala ye ndjoka, epangelo olye mu pe omayakulo gehungomwenyo oshowo omiti, na okwa tya po nawa ngashiingeyi na oku na omukumo.“Pehulilo lyesiku otwa pumbwa okuuvako kutya shoka uuvu na kashi shi oshinima shoka to vulu okwiidhimbika. Owa pumbwa okwiilombwela kutya otandi ehama na owa pumbwa ekwatho. Konga ekwatho. Shoka osho oshinima shotango na osha simana.”

Omaikuthomwenyo geli pombanda moNamibia

Comments

Namibian Sun 2025-12-16

Please login to leave a comment

Omaikuthomwenyo geli pombanda moNamibia

Comments

Namibian Sun 2025-12-16

Please login to leave a comment

Subscription Required to Access Content ×

Login

Subscription Required to Access Content