Omahogololo gaaleli yiikandjohogololo otaga ningwa muJanuari
Iikandjohogololo yi li ine otayi ka ninga omahogololo momasiku 15 gaJanuari, okuhogolola aaleli yawo aape, sha landula eikutho miilonga lyookansela omolwa etulo miilonga lyontopolwa onti 47 yEkoyampango lyaNamibia, omolwa omahogololo ngoka ga ningwa pehulilo lyomwedhi gwa piti.
Oshikanohogololo oshititano itashi ka ninga omahogololo konima sho omunamimvo 53, Matheu Gabriel, omunambelewa gwelongo mOshitopolwa shaMusati, a tseyithwa kutya oye kansela omuhogololwa.
Gabriel okwa yi pehala lyaModestus Amutse, ngoka iikutha miilonga molwaashoka oku li momusholondondo gwongundu yoSwapo, gwiilyo mbyoka tayi yi mOmutumba gwoPashigwana, sha landula omahogololo giilyo yomutumba gwopashigwana ngoka ga ningwa pamwe nomahogololo guupresidende muNovemba.
Gabriel oye owala okandindate ka hogololwa mOshikuku, kwa landulwa ontopowa onti 82(2) yOmpango yOmahogololo.
Okomisi yOmahogololo moNamibia, ano Commission of Namibia (ECN) oya ningi etseyitho ndyoka mEtitano lya piti. ECN ota ningi elongekidho gomahogololo miikandjohogololo Walvis Bay Urban, Oshikuku, Keetmanshoop Urban, Khomasdal oshowo Gobabis, shalandula sho ookansela mboka yiikutha miilonga momasiku 18 gaKotomba.
Omahogololo okwa tegelelwa ga ningwe momasiku 15 Januari momvula twa taalela. Moshikandjohogololo shaGobabis aakuthimbinga methigathano lyomahogololo oya tumbulwa kutya o Binga Sylvester Daniel gwongundu yoLandless People's Movement (LPM), Kauesa Lucega Elvis, omuhogololwa iithikamena, Modise Ellemerius Braynie gwoPopular Democratic Movement (PDM) oshowo Tebele Augustinus gwoSwapo.
Moshikandjohogololo shaKeetmanshoop, /Goagoseb Abraham gwongundu yoPDM, Minnaar Maxie Meliza gwoLPM oshowo Shilimela Festus gwongundu yoSwapo.
MoKhomasdal, Angolo Samuel gwoSwapo, Baumgartaer Mara Boeita gwoLPM, Diergaardt Raymond Reginald gwoPDM oshowo Kauahuma Bartholomeus Tjiunomuinjo gwoSwanu. MoWalvis Bay, Hoaeb Richard gwoPDM, aahogololwa yiithikamena yaali, Jason Kenneth Iilonga oshowo Knowledge Nduge Iipinge, oshowo Sirie Topulathana gwoSwapo.
“Montopolwa onti 82 (2) yOmpango yOmahogololo ngele pethimbo lyegandjo lyomadhina gaahogololwa omuntu owala gumwe oye a hogololwa nena omunambelewa gwomahogololo moshikandjohogololo shoka okwa pumbwa okutseyitha kutya omuntu ngoka oye omuulikwa moshikandjohogololo na oye a sindanapo oshipundi shuukansela nokuninga kansela okuza mesiku kwa ningwa etseitho ndyoka,” ECN a holola.
“Matheus Gabriel gwoSwapo oye a tseyithwa onga omuhogololwa moshikandjohogololo Oshikuku, sha ningwa komunambelewa gwomahogololo moshikandjoo shoka momasiku gahamano gaDecemba.”
Sho a ningwa naye ekwatathano, Gabriel ngoka a kala kansela melelo lyaShikuku uule woomvula dha thika pomuyogi, owa popi kutya okwa nyanyukwa, na ota gandja olupandu kongundu Swapo, sho ye mupe ompito ndjoka yuuleli.
ILENI NANDJATO
Gabriel okwa yi pehala lyaModestus Amutse, ngoka iikutha miilonga molwaashoka oku li momusholondondo gwongundu yoSwapo, gwiilyo mbyoka tayi yi mOmutumba gwoPashigwana, sha landula omahogololo giilyo yomutumba gwopashigwana ngoka ga ningwa pamwe nomahogololo guupresidende muNovemba.
Gabriel oye owala okandindate ka hogololwa mOshikuku, kwa landulwa ontopowa onti 82(2) yOmpango yOmahogololo.
Okomisi yOmahogololo moNamibia, ano Commission of Namibia (ECN) oya ningi etseyitho ndyoka mEtitano lya piti. ECN ota ningi elongekidho gomahogololo miikandjohogololo Walvis Bay Urban, Oshikuku, Keetmanshoop Urban, Khomasdal oshowo Gobabis, shalandula sho ookansela mboka yiikutha miilonga momasiku 18 gaKotomba.
Omahogololo okwa tegelelwa ga ningwe momasiku 15 Januari momvula twa taalela. Moshikandjohogololo shaGobabis aakuthimbinga methigathano lyomahogololo oya tumbulwa kutya o Binga Sylvester Daniel gwongundu yoLandless People's Movement (LPM), Kauesa Lucega Elvis, omuhogololwa iithikamena, Modise Ellemerius Braynie gwoPopular Democratic Movement (PDM) oshowo Tebele Augustinus gwoSwapo.
Moshikandjohogololo shaKeetmanshoop, /Goagoseb Abraham gwongundu yoPDM, Minnaar Maxie Meliza gwoLPM oshowo Shilimela Festus gwongundu yoSwapo.
MoKhomasdal, Angolo Samuel gwoSwapo, Baumgartaer Mara Boeita gwoLPM, Diergaardt Raymond Reginald gwoPDM oshowo Kauahuma Bartholomeus Tjiunomuinjo gwoSwanu. MoWalvis Bay, Hoaeb Richard gwoPDM, aahogololwa yiithikamena yaali, Jason Kenneth Iilonga oshowo Knowledge Nduge Iipinge, oshowo Sirie Topulathana gwoSwapo.
“Montopolwa onti 82 (2) yOmpango yOmahogololo ngele pethimbo lyegandjo lyomadhina gaahogololwa omuntu owala gumwe oye a hogololwa nena omunambelewa gwomahogololo moshikandjohogololo shoka okwa pumbwa okutseyitha kutya omuntu ngoka oye omuulikwa moshikandjohogololo na oye a sindanapo oshipundi shuukansela nokuninga kansela okuza mesiku kwa ningwa etseitho ndyoka,” ECN a holola.
“Matheus Gabriel gwoSwapo oye a tseyithwa onga omuhogololwa moshikandjohogololo Oshikuku, sha ningwa komunambelewa gwomahogololo moshikandjoo shoka momasiku gahamano gaDecemba.”
Sho a ningwa naye ekwatathano, Gabriel ngoka a kala kansela melelo lyaShikuku uule woomvula dha thika pomuyogi, owa popi kutya okwa nyanyukwa, na ota gandja olupandu kongundu Swapo, sho ye mupe ompito ndjoka yuuleli.
ILENI NANDJATO
Comments
Namibian Sun
No comments have been left on this article