Omahodhi natango onkene taga tondoka omolwa Frieda
Epangelo kali na shoka lya ningipo
JANA-MARI SMITH
OVENDUKA
Konima yomvula hamano sho omuhololimadhilaadhilo ina homata oshilwitho, Ndatipo a dhipagwa pethimbo lyeipumo mumwe pokati kaanona ya valelwa mekondjelomanguluko nopolisi poombelewa oonene dhongundu yoSwapo mOvenduka, ofamili ye oya popi kutya eso lye onkene tali ya ehameke sigo onena.
“Onda li owala ndi na oomvula 19 sho a dhipagwa. Kashi shi oshipu. Otwa kanitha aavali yetu omanga twa li aashona na okwe tu sile oshisho. Okwa li meme,” omumwayinakadhona gwaNdatipo, Ndalie Maria Immanuel a popi mEtitano ya piti.
Pethimbo lyoonkundathana nonando Immanuel kali ta vulu okuholeka omahodhi ge, okwa kondjitha opo a vule okupopya kombinga yamumwayina, nokukalekapo ondjokonona ye.
Aavali yaNdatipo, Lahya Paulus oshowo Felix Ndatipo ayehe oya hulitha na oya li aakondjelimanguluko. Yina okwa hulitha momasiku 16 gaDesemba mo 2004 omanga he a hulitha momasiku 22 gaKotomba momvula yo 2011.
Aanona yaNdatipo yatatu ohaya mono oshimaliwa shooN$250 kehe omwedhi okuza kepangelo.
“Okwa li omukiintu omunankondo nesiku a yahwa okwali ta kambadhala okukwathela yalwe oshowo tse. Okwa li ependa na okwe tu gamene aluhe noku tu sila oshipwiyu,” Immanuel a popi.
Ndatipo okwa li e na oomvula 26 na oku na aanona yatatu, yoomvula yimwe,ndatu oshowo hamano, pethimbo a yahwa koholo ndjoka ya piti montulo ye noku mu dhipaga poshikando shoka.
Omapulaapulo shi na sha nedhipago lye, ngoka ga manithwa momasiku 27 gaAguste mo 2014, oga holola kutya okwa dhipagwa komuntu keeshiwike.
Iipakolwa yiikuti ayihe o 25, mbyoka ya adhika pehala lyoshiningwanima oya holola kutya oya za kooholo dha umbwa muule woominute ne, na oya kwatakanithwa noondjembo dhaanambelewa yopolisi 11 mboka ya li pehala mpoka.
Kape na uumbangi wa monika mboka tawu holola omahokololo goombangi kutya yamwe yomaanona mboka ya valelwa mekondjo oya Ii ye na iilwitho.
“Ohandi li li alihe uuna nda dhilaadhila Frieda unene ngele nda tala aanona ye, omwenyo gwandje ohagu luluma.”
Immanuel okwa popi kutya okanona kosheeli kaFrieda hoka ke na oomvula 13 ngashiingeyi, otaka nyengwa okuuvako eso lyayina.
Okwa tsikile kutya ofamili inayi taalela owala uupyakadhi wekanitho lyamumwayina ihe oya taalela woo ompumbwe yiiyemo unene okusila oshisho uunona wanakusa.
“Shoka tashi ehamandje epangelo kali na shoka lya ninga po nenge lya popi, nonando gumwe gwomuyo oye a dhipaga omumwameme. Ngele andola otaya kwathela nena otashi kala oshihwepo. Kaye na shoka ye tu pa, inaya kwathela naanona,” Immanuel a popi.
Hahende Henry Shimutwikeni, okwa koleke kutya ota kwathele pehala lyaaanona okutulilamo epangelo oshipotha, ihe okwa popi kutya omolwa onkalo yoshipotha sho kapena ngoka a monika kutya oye adhipaga Ndatipo, nena osha ningitha oshidhigu.
Immanuel okwa popi kutya otashi ehameke sho aapolisi yadhipaga mumwayina ihe otaku tiwa kape na ngoka e mu dhipaga.
Yina yaFrieda, omumwayina gwayina ngoka ta kwathele mokutekula uunona wanakusa, Shalikoshi Ndaifanwa, okwa popi kutya Frieda okwa Ii enyakwa na otashi mu ehama sigo onena noshilalo she inashi pola natango.
Ndaifanwa okwa popi kutya okamona okadhipagwa owala kafa oshinamwenyo.
“Okwa li owala okanona, okamona kamumwameme kadhona.”
“Inaya kutha oshinakugwanithwa shokupanga iilalo yetu.”
Omakonaakono oga manitha, oga holola kutya Ndatipo okwa yahwa omanga a li oshinano okuza piikolokosha na ina umba emanya nenge a kondjithe opolisi.
Omakonaakono ga ningwa kOmbelelwa yOmbudsman kombinga yaashoka sha holoka po momasiku 27 gaAguste mo 2014, oga holola kutya okwa ningwa iinima yaaheli pamulandu gwoveta okuza kombinga yopolisi.
Okwa monika kutya pehala mpoka pwa li iipakolwa yiikuti inapu dhidhilikwa, sha ningitha oshidhigu okumona oholo ndjoka ya dhipaga Ndatipo.
“Sho ya pulwa kutya omolwashike, oya popi kutya oya kutha po iipakolwa mbyoka noku yi tula mumwe, molwaashoka aanona mboka oya yi pehala mpoka,” olopota ya holola.
Natango olopota oya holola kutya ekuthemo lyoondjembo neumbo lyoondjembo kaanona mboka ka sha li mondjila na kape na ngoka e shi ningi monkalo yokwiigamena.
Omukomeho gwoLegal Assistance Centre, Toni Hancox okwa popi kutya opolisi oya li yi na okwiihumbata momukalo gwakondololwa na otagu taambulwako.
OVENDUKA
Konima yomvula hamano sho omuhololimadhilaadhilo ina homata oshilwitho, Ndatipo a dhipagwa pethimbo lyeipumo mumwe pokati kaanona ya valelwa mekondjelomanguluko nopolisi poombelewa oonene dhongundu yoSwapo mOvenduka, ofamili ye oya popi kutya eso lye onkene tali ya ehameke sigo onena.
“Onda li owala ndi na oomvula 19 sho a dhipagwa. Kashi shi oshipu. Otwa kanitha aavali yetu omanga twa li aashona na okwe tu sile oshisho. Okwa li meme,” omumwayinakadhona gwaNdatipo, Ndalie Maria Immanuel a popi mEtitano ya piti.
Pethimbo lyoonkundathana nonando Immanuel kali ta vulu okuholeka omahodhi ge, okwa kondjitha opo a vule okupopya kombinga yamumwayina, nokukalekapo ondjokonona ye.
Aavali yaNdatipo, Lahya Paulus oshowo Felix Ndatipo ayehe oya hulitha na oya li aakondjelimanguluko. Yina okwa hulitha momasiku 16 gaDesemba mo 2004 omanga he a hulitha momasiku 22 gaKotomba momvula yo 2011.
Aanona yaNdatipo yatatu ohaya mono oshimaliwa shooN$250 kehe omwedhi okuza kepangelo.
“Okwa li omukiintu omunankondo nesiku a yahwa okwali ta kambadhala okukwathela yalwe oshowo tse. Okwa li ependa na okwe tu gamene aluhe noku tu sila oshipwiyu,” Immanuel a popi.
Ndatipo okwa li e na oomvula 26 na oku na aanona yatatu, yoomvula yimwe,ndatu oshowo hamano, pethimbo a yahwa koholo ndjoka ya piti montulo ye noku mu dhipaga poshikando shoka.
Omapulaapulo shi na sha nedhipago lye, ngoka ga manithwa momasiku 27 gaAguste mo 2014, oga holola kutya okwa dhipagwa komuntu keeshiwike.
Iipakolwa yiikuti ayihe o 25, mbyoka ya adhika pehala lyoshiningwanima oya holola kutya oya za kooholo dha umbwa muule woominute ne, na oya kwatakanithwa noondjembo dhaanambelewa yopolisi 11 mboka ya li pehala mpoka.
Kape na uumbangi wa monika mboka tawu holola omahokololo goombangi kutya yamwe yomaanona mboka ya valelwa mekondjo oya Ii ye na iilwitho.
“Ohandi li li alihe uuna nda dhilaadhila Frieda unene ngele nda tala aanona ye, omwenyo gwandje ohagu luluma.”
Immanuel okwa popi kutya okanona kosheeli kaFrieda hoka ke na oomvula 13 ngashiingeyi, otaka nyengwa okuuvako eso lyayina.
Okwa tsikile kutya ofamili inayi taalela owala uupyakadhi wekanitho lyamumwayina ihe oya taalela woo ompumbwe yiiyemo unene okusila oshisho uunona wanakusa.
“Shoka tashi ehamandje epangelo kali na shoka lya ninga po nenge lya popi, nonando gumwe gwomuyo oye a dhipaga omumwameme. Ngele andola otaya kwathela nena otashi kala oshihwepo. Kaye na shoka ye tu pa, inaya kwathela naanona,” Immanuel a popi.
Hahende Henry Shimutwikeni, okwa koleke kutya ota kwathele pehala lyaaanona okutulilamo epangelo oshipotha, ihe okwa popi kutya omolwa onkalo yoshipotha sho kapena ngoka a monika kutya oye adhipaga Ndatipo, nena osha ningitha oshidhigu.
Immanuel okwa popi kutya otashi ehameke sho aapolisi yadhipaga mumwayina ihe otaku tiwa kape na ngoka e mu dhipaga.
Yina yaFrieda, omumwayina gwayina ngoka ta kwathele mokutekula uunona wanakusa, Shalikoshi Ndaifanwa, okwa popi kutya Frieda okwa Ii enyakwa na otashi mu ehama sigo onena noshilalo she inashi pola natango.
Ndaifanwa okwa popi kutya okamona okadhipagwa owala kafa oshinamwenyo.
“Okwa li owala okanona, okamona kamumwameme kadhona.”
“Inaya kutha oshinakugwanithwa shokupanga iilalo yetu.”
Omakonaakono oga manitha, oga holola kutya Ndatipo okwa yahwa omanga a li oshinano okuza piikolokosha na ina umba emanya nenge a kondjithe opolisi.
Omakonaakono ga ningwa kOmbelelwa yOmbudsman kombinga yaashoka sha holoka po momasiku 27 gaAguste mo 2014, oga holola kutya okwa ningwa iinima yaaheli pamulandu gwoveta okuza kombinga yopolisi.
Okwa monika kutya pehala mpoka pwa li iipakolwa yiikuti inapu dhidhilikwa, sha ningitha oshidhigu okumona oholo ndjoka ya dhipaga Ndatipo.
“Sho ya pulwa kutya omolwashike, oya popi kutya oya kutha po iipakolwa mbyoka noku yi tula mumwe, molwaashoka aanona mboka oya yi pehala mpoka,” olopota ya holola.
Natango olopota oya holola kutya ekuthemo lyoondjembo neumbo lyoondjembo kaanona mboka ka sha li mondjila na kape na ngoka e shi ningi monkalo yokwiigamena.
Omukomeho gwoLegal Assistance Centre, Toni Hancox okwa popi kutya opolisi oya li yi na okwiihumbata momukalo gwakondololwa na otagu taambulwako.
Comments
Namibian Sun
No comments have been left on this article