Omahangano gaaniilonga taga kutya ombinga mekwato lyoohi

OGONE TLHAGEOVENDUKAOmahangano ga tumbulwa komadhina kutya oNamibia Seaman and Allied Workers Union (Nasawu), Namibia Food and Allied Workers Union (Nafau) oshowo Namibia Fishing Industry and Fishermen Workers Union (NFI &FWI) ogeli momusholondondo gwa thika po 298 gwaamboka ya pewa uuthemba wokukwata oohi sha landula etseyitho ndyoka lya ningwa kominista yoohi noozo dhomomeya Albert Kawana omwedhi gwa piti. Omahangano ngoka oga longitha ehangano lyoP.P.I Investments oshowo N.N.I Investments onga iiyenditho yawo mokuninga omaindilo guuthemba mboka. Omahangano ngoka ga longithwa oga shangithwa nehangano lyoBusiness Intellectual Property Authority (BIPA) momasiku 14 Auguste 2018.Namibian Sun, okuuvite kutya omahangano ngoka oga kala taga konkola piiyelo ya yooloka taga kambadhala okulandithapo uuthemba mboka ga pewa. Omahangano ngoka oga tindi na oge na uutile kutya otaga ka thindilwa kongudhi komahangano ngoka omakalelipo gaaniilonga omolwa etindo lyawo.Okwa holoka omapulo kombinga yekuthombinga lyomahangano ngoka mekwato lyoohi, nayamwe oya pula kutya omahangano ngoka otaga ka longa ngiini mokutidha iiyemo nokukalekapo uuwanawa waaniilonga pethimbo limwe.Okwa holoka woo omapopyo kutya aakomeho momahangano ngoka otaga longo paumwene momahangano ngoka ga pewa uuthemba,nomapulo oga holoka kutya otaku ka kwahilipalekwa ngiini kutya iiyemo mbyoka ya monika otayi kaya ngiini miiketha yomahangano na hamoondjato dhaahona.Omahangano ngoka gaaniilonga pamwe nomahangano ngoka ya longitha oya totopo omuhanga tagu ithanwa Blue-Pann Fishing. Omukomeho gwoLabour Resource and Research Institute (LARRi)Michael Akuupa okwa popi kutya omahangano ngoka gaaniilonga naga kwashilipaleke kutya iiyemo tayi monika mekwato lyoohi dhoka oya longithwa muuwanawa waaniilonga.“Ngele ngoye omuleli gwehangano lyaaniilonga na ongoye to shaina nena otashi ka kala omukundu. Osha pumbiwa okushunitha pevi eidhopomo nokukwashilipaleka kutya uumwene mboka otawu gandja woo uuwanawa kaaniilonga.”Akuupa okwa popi kutya ekanitho lyiilongaa ndyoka lya e ta woo ekanitho lyiiyemo komahangano gaaniilonga oshi li oshilimbo kutya omahangano gaaniilonga oga pumbwa okulongitha omikalo dhilwe.Ozo yimwe moshikondo shokukwata oohi oya lombwele oNamibian Sun kutya etokolo lyomahangano ngoka oku wayimina oshikondo shokukwata oohi otali ka eta uupyakadhi komeho.“Aakwaita mboka otaya ka kuthako ngiini iinakugwanithwa yomahangano? Okutala kutya oye li momuhanga noTunacor ngele nena okwa holoka onkalo yaaniilonga yaTunacor kaya uvite ombili nena omahangano gaaniilonga otaga ka kwathela ngiini?” onzo ndjoka inayi hala okutumbulwa ya pula.Omiyalu dha monika odha holola kutya omahangano ngoka oge na iilyo ya thika po 20 000.Aakomeho momahangano gokukwata oohi oya ekelehi omapopyo kutya etokolo okuya moshikondo shokukwata oohi otali keetitha eidhopomo na otashi vulika ya ka kale itaya kondjo muuwanawa waaniilonga.Oya popi kutya etokolo lyawo olya nuninwa oku mona iiyemo ya gwedhwa po molwaashoka uukwashilyo waaniilonga itawu gandja we iiyemo ya gwana okupulitha komeho iilonga yomahangano.“Omahangano gaaniilonga itaga vulu we okwiikolelela kiifuta yuukwashilyo oyo ayihe molwaashika iilonga oya ninga ondilo,” Omupresidende gwoNasawu, Paulus Hango a lombwele oNamibian Sun mEtitano.Okwa ekelehi woo omapopyo kutya iilyo yoNasawu inayi tseyithilwa kombinga yetokolo okuninga eindil lyokukwata oohi.“Otwa ningi omutumba na ogwa tokola okutotapo okwaaiko kwongeshefa. Otashi ningwa komahangano ogendji. Omahangano gamwe otaga kutha nago ombnga mongeshefa,” Hango a popi.Natango Hango okwa tindi omapopyo kutya omahangano ngoka itaga ka kala we giitulamo mokugamena iilyo yago.Omupreidende gwoNamibia Fishing Industries & Fishermen Worker's Union president, Daniel Imbili, naye okwa popile etokolo okukutha ombinga mongeshefa yokukwata oohi.Imbili okwa popi kutya oya pumbwa iiyemo yokupulitha omahangano gawo komeho ta popi woo kutya itashi ka kala uupyakadhi mokugwanithwapo iilonga yawo molwaashoka ihaya kuutumba momutumba dhomalelo gomahangano ngoka.Amushanga gwoNafau Penda Jacob okwa tindi okuyamukula komapulo ngoka a ningilwa moshikumungu shoka.Momvula yo 2018 Jacob okwa li a pula uuministeli woohi wu ninge ekwathano nomahangano gaaniilonga mokugandja omagwedhelepo kombinga yoohandimwe nomahangano ngoka taga ningi omaindilo gokukwata oohi.

Omahangano gaaniilonga taga kutya ombinga mekwato lyoohi

Comments

Namibian Sun 2025-08-06

Please login to leave a comment

Omahangano gaaniilonga taga kutya ombinga mekwato lyoohi

Comments

Namibian Sun 2025-08-06

Please login to leave a comment

Login