Omahangano gaaniilonga ga taambako oondjambi oompe dhoosekuriti
Omahangano gatatu gaaniilonga ngoka ga dhana onkandangala onene moonkundathana dhetulo miilonga dhoondjambi dhopetameko dhaaniilonga aakaleli yomaliko oya taambako oondjambi dhaaniilonga mboka ndhoka dha tulwa miilonga.
Omahangano ngoka oga kunkilile opo aagandji yiilonga ayehe ya tule miilonga oondjambi ndhoka dha li dha kundathanwa nokuziminwa muDesemba gwomvula ya piti, nongele hasho otaya ka taalela oshilanduli okuza komahangano ngoka omakalelipo gaaniilonga mboka.
Oondjambi ndhoka oompe odha tulwa miilonga konima sho dha tseyithwa pamushangwa gwopapangelo omwedhi nguka.
“Ooyene yomahangano omagandji giilonga naya kunkililwe kutya aaniilonga moshikondo shika oya kala ethimbo nuule yiidhidhimika. Yamwe ka ya li nokuli ya futwa uule woomwedhi dhontumba onkene omahangano omakalelipo gaaniilonga itaga ka kwataakwata ga ninge ekanka lyopashigwana ngele aagandji yiilonga otaya yi pondje etsokumwe ndyoka lya tulwa miilonga.”
Omahangano ngoka oga tumbulwa kutya oNamibia Transport and Allied Workers Union (Natau), Namibian Independent Security Union (Nisu), Namibia Security Guards and Watchmen Union (Nasgwu) oga popi kutya aagandji yiilonga owala mboka yeli kohi yelelo lyehangano lyoSecurity Association of Namibia (SAN) oyo ya tula miilonga oondjambi ndhoka muJanuari.
“Aaniilonga mboka taya longele omahangano ngoka geli kohi yelelo lyoSAN, oya mono nale omagwedhelo gawo okutameka muJanuari oshowo momwedhi Juli, na otwa hala okupandula omahangano ngoka, omolwa elongekumwe lyawo ewanawa.”
Omahangano ngoka oga popi kutya otaku ka katukwa oonkatu dhopaveta, ngele oondjambi ndhoka dha tulwa pamushangwa gwopapangelo momasiku 15 gaSepetemba inadhi tulwa miilonga kaagandji yiilonga.
Konima sho oondjambi ndhoka dha tulwa miilonga, aagandji yiilonga ayehe oya tegelelwa ya kale ya gwanitha po etsokumwe ndyoka, lya tulwa miilonga muDesemba.
Pauyelele mboka wa gandjwa kiilyo yehangano lyoSAN, omahangano ga thika pe-150, monena oga tindi okutula miilonga oondjambi oompe, nagamwe oga tokola okukutha oonkondo uukwashilyo wawo nehangano ndyoka. Patsokumwe ndyoka lya tulwa miilonga muDesemba, oosekuriti odha pumbwa okufutwa oshimaliwa shooN$8.75 mowili negwedhelo li li pokati kooN$6.75 nenge N$7.00.
Aaniilonga mboka ya kala miilonga ethimbo ele okutameka pomvula yimwe otaya futwa oshimaliwa shooN$10.00 mowili.
Omahangano ngoka oga popi kutya aaniilonga moshikondo shoka naya dhidhilike kutya oyo owala taya vulu okuhulithapo onkalo ndjoka yemonitho lyawo lyiihuna uuna taya tokola nokukala yiimanga kumwe.
“Oosekuriti odho hadhi keelele omaliko getu na ohaya futwa uumaliwa uushona pwaahena nomauwanawa gasha.”
JANA-MARI SMITH
Oondjambi ndhoka oompe odha tulwa miilonga konima sho dha tseyithwa pamushangwa gwopapangelo omwedhi nguka.
“Ooyene yomahangano omagandji giilonga naya kunkililwe kutya aaniilonga moshikondo shika oya kala ethimbo nuule yiidhidhimika. Yamwe ka ya li nokuli ya futwa uule woomwedhi dhontumba onkene omahangano omakalelipo gaaniilonga itaga ka kwataakwata ga ninge ekanka lyopashigwana ngele aagandji yiilonga otaya yi pondje etsokumwe ndyoka lya tulwa miilonga.”
Omahangano ngoka oga tumbulwa kutya oNamibia Transport and Allied Workers Union (Natau), Namibian Independent Security Union (Nisu), Namibia Security Guards and Watchmen Union (Nasgwu) oga popi kutya aagandji yiilonga owala mboka yeli kohi yelelo lyehangano lyoSecurity Association of Namibia (SAN) oyo ya tula miilonga oondjambi ndhoka muJanuari.
“Aaniilonga mboka taya longele omahangano ngoka geli kohi yelelo lyoSAN, oya mono nale omagwedhelo gawo okutameka muJanuari oshowo momwedhi Juli, na otwa hala okupandula omahangano ngoka, omolwa elongekumwe lyawo ewanawa.”
Omahangano ngoka oga popi kutya otaku ka katukwa oonkatu dhopaveta, ngele oondjambi ndhoka dha tulwa pamushangwa gwopapangelo momasiku 15 gaSepetemba inadhi tulwa miilonga kaagandji yiilonga.
Konima sho oondjambi ndhoka dha tulwa miilonga, aagandji yiilonga ayehe oya tegelelwa ya kale ya gwanitha po etsokumwe ndyoka, lya tulwa miilonga muDesemba.
Pauyelele mboka wa gandjwa kiilyo yehangano lyoSAN, omahangano ga thika pe-150, monena oga tindi okutula miilonga oondjambi oompe, nagamwe oga tokola okukutha oonkondo uukwashilyo wawo nehangano ndyoka. Patsokumwe ndyoka lya tulwa miilonga muDesemba, oosekuriti odha pumbwa okufutwa oshimaliwa shooN$8.75 mowili negwedhelo li li pokati kooN$6.75 nenge N$7.00.
Aaniilonga mboka ya kala miilonga ethimbo ele okutameka pomvula yimwe otaya futwa oshimaliwa shooN$10.00 mowili.
Omahangano ngoka oga popi kutya aaniilonga moshikondo shoka naya dhidhilike kutya oyo owala taya vulu okuhulithapo onkalo ndjoka yemonitho lyawo lyiihuna uuna taya tokola nokukala yiimanga kumwe.
“Oosekuriti odho hadhi keelele omaliko getu na ohaya futwa uumaliwa uushona pwaahena nomauwanawa gasha.”
JANA-MARI SMITH
Comments
Namibian Sun
No comments have been left on this article