Olye e na oshinakugwanithwa shokutonatela omagumbo ga tungwa kohi yopoloyeka yomass housing?
Inashi yelamo natango kutya olye e na oshinakugwanithwa shokutonatela omagumbo gaantu mboka haya mono iiyemo yi li pevi ngoka ga tungwa kepangelo kohi yopoloyeka tayi ithanwa mass housing momudhingoloko gwaKaisosi moRundu.
KENYA KAMBOWE
Omagumbo geli po 34 momudhingoloko ngoka oga li ga yonagulwa koshikungulu oshinene muDesemba gwomvula yo 2017, ihe sigo onena omagumbo mboka inaya tungululwa nenge ga wapalekwe omolwa eyonagulo ndyoka.
Omagumbo ngoka oga yonagulwa momasiku 18 gomwedhi gwa tumbulwa sho iipeleki yago yuumbwa ko kombepo, nokuthiga aakwashigwana kaaye na omalukalwa.
Pethimbo ndyoka kape na ngoka e ya polweela ta popi kutya oye ta ka longulula omagumbo ngoka, molwaashoka inashi yela natango ngele eyonagulo ndyoka olya etitha koshikungulu shili nenge omagumbo oga tungwa inaga kola nenge kwa longithwa iitungithi yombiliha.
Oshifokundnaeki shoNamibian osha nongele kutya aanamagumbo yamwe oya tokola okulonga omagumbo gawo yene niiyemo yawo yene.
Sho ya ningilwa omapulo, omunambelewa omupopiliko gwoNational Housing Enterprise (NHE), Mutonga Matali okwa popi kutya molwaashoka opoloyeka ndjoka oya kuthwa ko kuyo nokutulwa mekondololo lyUuministeli wOmayambulepo gIitopolwa nOondoolopa, ita vulu okutya sha.
Ehangano lyoGreen Circle Investment, ndyoka lya tungu omagumbo ge li po 318 moKaisosi kongushu yoomiliyona 89 olya ukitha omapulo agehe koNHE.
Ndeuli Hamutumwa gwoGreen Circle okwa popi kutya ita vulu okupopya sha kombinga yoshikumungu shoka, na omapulo naga ukithwe koNHE molwaashoka oyo ya li ye ya pe iilonga na oya shaina okondalaka yemano lyiilonga.
Sho oNamibian Sun ya ningi ekwatathano namushanga guuministeli mboka, Nghidinua Daniel okwa popi kutya otashi ka kala oshiwanawa ngele kwa ningwa ekwatathano nomukomeho gwoshikondo shomagumbo, oompangela nomayakulo gopautekinika, Big-Don Kondunda opo a vule okugandja omayamukulo komapulo ngoka.
Kondunda okwa pula opo a tuminwe omapulo ngoka mEtiyali lyoshiwike sha piti, ihe lwanima konima yominute dhontumba, Daniel okwa li a popi konzonkundaneki yoNampa kutya otaya ka konaakona onkalo ndjoka.
“Otatu ka ungaunga nomutungi ngele osha monika mo kutya eyonagulo ndyoka oli li oshizemo shelongitho lyiitungithi inayi kola.”
Kondunda okwa yamukula owala kutya okwa mona omapulo ngoka, naashoka a ningilwa ishewe omapulo mEtine ina yamukula. Metitano okwa dhengelwa ongodhi na okwa ukitha oshifokundaneki shoNamibian Sun komunambelewa omukuluntu muuministeli mboka, Evans Maswahu.
Sho a ningilwa omapulo, Maswahu okwa popi kutya eyamukulo olya pwa ihe okwa tegelela owala epitikilo okuza kuDaniel.
Opoloyeka yoMass Housing oyi li oshiyetwa po shomuleli nale Hifikepunye Pohamba shoka sha tulwa miilonga momvula yo 2013, na oya nuninwa okutunga omagumbo geli po 185 000 okuya momvula yo 2030.
Nonando ongaaka, momvula yo 2015, okabinete oka ningi etokolo opo opoloyeka ndjoka yi kuthwe mo momake goNHE nokutulwa mekondololo lyUuministeli wEyambulepo lyIitopolwa nOondoolopa, omolwa omapopyo guulingilingi tawu dhana onkandangala mopoloyeka ndjoka, naatungi mboka taya tula oondando pombanda noonkondo.
Omupresidende Hage Geingob okwa lopotwa a pula ku ningwe ekonaakono lyelongitho lyiimaliwa mopoloyeka ndjoka.
Omagumbo geli po 34 momudhingoloko ngoka oga li ga yonagulwa koshikungulu oshinene muDesemba gwomvula yo 2017, ihe sigo onena omagumbo mboka inaya tungululwa nenge ga wapalekwe omolwa eyonagulo ndyoka.
Omagumbo ngoka oga yonagulwa momasiku 18 gomwedhi gwa tumbulwa sho iipeleki yago yuumbwa ko kombepo, nokuthiga aakwashigwana kaaye na omalukalwa.
Pethimbo ndyoka kape na ngoka e ya polweela ta popi kutya oye ta ka longulula omagumbo ngoka, molwaashoka inashi yela natango ngele eyonagulo ndyoka olya etitha koshikungulu shili nenge omagumbo oga tungwa inaga kola nenge kwa longithwa iitungithi yombiliha.
Oshifokundnaeki shoNamibian osha nongele kutya aanamagumbo yamwe oya tokola okulonga omagumbo gawo yene niiyemo yawo yene.
Sho ya ningilwa omapulo, omunambelewa omupopiliko gwoNational Housing Enterprise (NHE), Mutonga Matali okwa popi kutya molwaashoka opoloyeka ndjoka oya kuthwa ko kuyo nokutulwa mekondololo lyUuministeli wOmayambulepo gIitopolwa nOondoolopa, ita vulu okutya sha.
Ehangano lyoGreen Circle Investment, ndyoka lya tungu omagumbo ge li po 318 moKaisosi kongushu yoomiliyona 89 olya ukitha omapulo agehe koNHE.
Ndeuli Hamutumwa gwoGreen Circle okwa popi kutya ita vulu okupopya sha kombinga yoshikumungu shoka, na omapulo naga ukithwe koNHE molwaashoka oyo ya li ye ya pe iilonga na oya shaina okondalaka yemano lyiilonga.
Sho oNamibian Sun ya ningi ekwatathano namushanga guuministeli mboka, Nghidinua Daniel okwa popi kutya otashi ka kala oshiwanawa ngele kwa ningwa ekwatathano nomukomeho gwoshikondo shomagumbo, oompangela nomayakulo gopautekinika, Big-Don Kondunda opo a vule okugandja omayamukulo komapulo ngoka.
Kondunda okwa pula opo a tuminwe omapulo ngoka mEtiyali lyoshiwike sha piti, ihe lwanima konima yominute dhontumba, Daniel okwa li a popi konzonkundaneki yoNampa kutya otaya ka konaakona onkalo ndjoka.
“Otatu ka ungaunga nomutungi ngele osha monika mo kutya eyonagulo ndyoka oli li oshizemo shelongitho lyiitungithi inayi kola.”
Kondunda okwa yamukula owala kutya okwa mona omapulo ngoka, naashoka a ningilwa ishewe omapulo mEtine ina yamukula. Metitano okwa dhengelwa ongodhi na okwa ukitha oshifokundaneki shoNamibian Sun komunambelewa omukuluntu muuministeli mboka, Evans Maswahu.
Sho a ningilwa omapulo, Maswahu okwa popi kutya eyamukulo olya pwa ihe okwa tegelela owala epitikilo okuza kuDaniel.
Opoloyeka yoMass Housing oyi li oshiyetwa po shomuleli nale Hifikepunye Pohamba shoka sha tulwa miilonga momvula yo 2013, na oya nuninwa okutunga omagumbo geli po 185 000 okuya momvula yo 2030.
Nonando ongaaka, momvula yo 2015, okabinete oka ningi etokolo opo opoloyeka ndjoka yi kuthwe mo momake goNHE nokutulwa mekondololo lyUuministeli wEyambulepo lyIitopolwa nOondoolopa, omolwa omapopyo guulingilingi tawu dhana onkandangala mopoloyeka ndjoka, naatungi mboka taya tula oondando pombanda noonkondo.
Omupresidende Hage Geingob okwa lopotwa a pula ku ningwe ekonaakono lyelongitho lyiimaliwa mopoloyeka ndjoka.
Comments
Namibian Sun
No comments have been left on this article