Olutu lwaPitt lwa monika

Olutu lwomulumentu ngoka a kala ta kongwa uule womasiku shi na sha ekwatathano nedhipagp li nyanyaleka lyaLindie Prinsloo (39) olwa adhika lweendjelela mongodhi moombuli dhongalashe, megumbo moka mwa longelwa oshimbuluma shoka.Adam Labuschagne, kuume kaPrinsloo, oye a mono olutu lwaIvan Pitt mOmaandaha, ye oye a li a dha olutu lwaPrinsloo mEtitano.Pitt okwa hokololwa a li mekwatathano lyopahole naPrinsloo na okwa li a lopotwa a kana konima sho kwa adhika omudhimba gwa Prinsloo ngoka a dhipagwa sho a tetwa omuligu, pegumbo lyonomola onti 15 mepandanda lyaHarder moVineta, moka mboka yaali ya kala haya zi.Opolisis oya yi molukongo lwaPitt konima yedhipago ndyoka.Pitt okwa li kwa popiwa a thigi po ehala lyoshimbuluma nohauto yoKIA yaPrinsloo.Labuschagne okwa popi kutya Pitt okwa li ka longo niipilangi, nakastoma gumwe okwa a li a hala okutseya ngele oshitaafula shoka a li ta longo osha pwa.“Onda hingi okuza kOmbaye opo ndi ka tale ngele oshitaafula shoka omo shi li mongalashe. Onda kutha ooshapi dhongalashe na sho nda thiki pegumbo onda uvu ezimba.Onda li tandi dhilaadhila kutya otali zilike mendoloma lyiiyagaya omolwa ombinzi ndjoka ya wapalekwa okuza pehala mpoka pwa dhipagelwa Prinsloo.” Sho Labuschagne a patulula omweelo gwongalashe opo a konge oshitaafula okwa mono olutu lwaPitt lwa endjelela moombuli.Mosoondaha, yina yaIvan, Bridget Pitt, okwa li a pula omona opo a hulithe po okuholama ye iigandje kopolisi.Okwa popi kutya omona omuntu gwombili na keshi omukolokoshi, na okwe mu tumine oomatumwalaka gopangodhi ta pula a ye kegumbo opo e mu thindikile kopolisi.Ethano lyolutu lwaPitt olya tulwa komapandja gomakwatathano gopainternet naashoka osha uvitha nayi aakwanezimo ye, nopolisi oya tindi okugandja uuyelele wa gwedhwa po shi na sha noshiningwanima shoka.“Ondi shi shi kutya ope na ethano lyanakusa lya tulwa komapandja gomakwatathano. Omuntu ngoka a ningi ngaaka okushi shi kutya osha puka. Itandi mu pe uuyelele washa molwaashoka omu na nale uuyelele weni,” detective Daniel Gurirab a tseyithile iikundaneki okupitila kepandja lyoTurn Back Crime koWhatsApp ndyoka lya totwa po lya nuninwa okutopola oonkundana dhi na sha niimbuluma.Olopota yonkundana ndjoka odha taandele meendelelo mehuliloshiwke, na oya etitha aakwashigwana ya pule opo ku galulwe egeelo lyeso. Ngashiingeyi ope na omukanda gwomashaino guli pamalungula ngoka tagu pula omuleli Hage Geingob opo a galule egeelo lyeso.Palopota dhiikundaneki, Prinsloo pamwe nokamona oya tembukile moSwakopo omvula yimwe ya piti, okuza kOutjo hoka a totopo oHave-A-Heart Foundation momvula yo 2012. Okwa gandja omukandagano momasiku 17 gaAguste meindilo lyomboloha yaIvan Pitt omolwa oshipotha shomuyonena gwomegumbo shoka a li e mu tulilemo.Okwa lombwele ompangu kutya Pitt ohonda ye nale, na oya topoka iiwike ine ya piti.“Onda hala omufekelwa a pewe omboloha molwaashoka kandi wete ngele okuli uupyakadhi konkalamwenyo yandje. Onda li nda yi ndi ke mu tale kodholongo na okwa pe ndje ombili na okwa zimine opo a ka konge ekwatho lyootundi dhokukondolola ondjahi.”Prinsloo okwa lombwele ompangu kutya Pitt ine mu dhenga ihe okwa li owala a hala okupopya naye.“Sho inandi hala okupulakena okwa kuthilendje ombele ne okwe yi tula pomunino gwandje opo ndi pulakene. Inandi mu tila we. Kandi na oompango dhoka tandi vulu okutula po molwaashoka otu na okulongela kumwe. Ite ya kegumbo lyandje ihe inandi hala eindiko lyopampangu. Ondiinekela kutya itaka ninga shoka ta popi,” omukanda ngoka gwa lesha.ADOLF KAURE

Olutu lwaPitt lwa monika

Comments

Namibian Sun 2025-11-12

Please login to leave a comment

Olutu lwaPitt lwa monika

Comments

Namibian Sun 2025-11-12

Please login to leave a comment

Subscription Required to Access Content ×

Login

Subscription Required to Access Content