Olugodhi moshikondo shootaxi noombesa dhiinano iile

Ehangano lyoNamibian Bus and Taxi Association (Nabta) oshowo oNamibian Public Passenger Transport Association (NPPTA) oya ningi ehololomadhilaadhilo lyopamwe mOvenduka, yeli ompinge nootaxi dhiipundi iheyali.Ehololomadhilaadhilo ndyoka olya ningwa okutamek potundi onti-12:00 posasiyona yomahooli yili pooha nOshipangelo shaKatutura mpoka ootaxi ndhoka hadhi londekele. Ehololomadhiladhilo olya tamekele pehala lyokukwatela ootaxi dhaRehoboth na olya yi koomahala omakwawo ga yooloka.Omahangano ngoka oga popi kutya oohauto dhoka hadhi longithwa onga ootaxi dhiipundi iheyali tadhi longele moondjila dhaNamibia ngashiingeyi odha thika pe-100, na kadhi na omikanda na otadhi shunitha pevi oondando dhawo nokuthiga pomutenya aahingi yoombesa ndhoka dha shangithwa ya thika po-500.Oohauto dholudhi ndoka odha yi mongeshefa oomvula ntano dha piti, tashi hwahwamekwa keeto moshilongo lyoohauto dhombiliha ndhoka hadhi landwa okuza koJapan. Oohauto dhimwe po ndhoka aniwa odhi na owala oombaapila dhokuhumbata aafaalelwa okuza nokuya kOkapale kOondhila kaHosea Kutako International Airport.Pahapu dhaNabta naNPPTA, Ompango yIiyenditho yAayehe otayi utha kutya ohauto dhiipundi iheyali odha uthwa owala okuhumbata aafaalelwa meni lyoshinano shookilometa 70, omanga ootaxi dha uthwa owala okulongela meni lyoshinano shookilometa 25 ihe nonando ongaaka uulefa wiipundi iheyali ngashiingaeyi ohawu ndalaspota aantu pokati kaVenduka nOmbaye, Grootfontein, Tsumeb, Rundu oshowo oondoolopa dhimwe, nokukutha po ookastoma dhaahingi yoombesa, wo aniwa uulefa mboka ihawu hingi ondapo ndjoka ya pitikwa.Uulefa mboka otaku popiwa kutya owo tawu etitha konyala iiponga ondji moondjila dhaNamibia molwaashoka ihawu iyutha koompango dhomoondjila.“Oohauto odhindji ndhoka tadhi ningi iiponga oondhoka dhiipundi 7. Otadhi dhipaga aantu ko taku gandjwa uusama koshikondo shiiyenditho yaayehe,” amushanga gwoNPPTA, Nathan Africa ta ti.Omahangano oga tsikile kutya omanga oombesa dha uthwa nokukala nuutemba wokuhumbata omitsalo dhaafaalelwa, uulefa mboka ohawu dhiminike aafaalelwa ya humbate omitsalo dhawo komatundji.Uuhauto mboka aniwa ohawu yi momalweendo lwiikando o-10 moshiwike omanga oombesa hadhi yi momalweendo ga faathana lwiikando owala iyali moshiwike, naashoka osha etitha omwaalu gwoombesa 49 ndhoka hadhi longele poRhino Park dhi kale inadhi mona ookastoma na oombesa owala 9 hadhi mono ookstomma momwedhi. Aahingi yoombesa oya popi kutya ondjambi yawo oya shuna pevi pooN$7 000 omwedhi omanga aahingi yuulefa mboka haya mono iimaliwa ya thika poN$18 000 komwedhi.“Mboka haya gandja omikanda naya kandulepo omukundu ngoka,” Edison Handura, omunashipundi gwehala lyomalondekelo lyoB1 a popi.“Ngele epangelo otali pitika aahingi yaali paveta nena naye tu lombwele atuhe tu hinge shaali paveta kopate. Otatu landitha po oombesa dhetu e tatu landa atuhe uulefa wiipundi iheyali.”Nonando ompango yiiyenditho yaayehe otayi pula opo aahingi yiiyenditho yaafaalelwa yi kale yi na omukanda ngoka tagu pitika ehumbato lyaafaalelwa, oohauto ndhoka aniwa dhiipundi iheyali ihadhi kala nomikanda ndhoka naahingi yoombesa otaya pula opo aanambelewa yekalekepo lyoompango dhomoondjila ya kwashilipalee kutya oohauto adhihe dhina aafaalelwa odhi na omikanda ndhoka.“Ngele osho taya tsikile ngaaka otatu hwikepo uulefa awuhe wiipundi iheyali,” omuhingi gumwe ngoka a tindi okuholola edhina lye a popi.“Kandi shi shoka tashi ningwa,” omufaalela gumwe a popi. “Tse ihatu kutha aafaalelwa poRhino Park. Na ishewe itatu yaka opate. Tse katu uupyakdhi naaamboka haya hingi oombesa, oyo yena uupyakadhi natse,” Mike Jacob, gumwe gwomooyene yuulefa wiipundi iheyali a popi. Jacob okwa popi kutya oye na omikanda dhokuhinga iinano iile.Ehololomadhilaadhilo ndyoka olya hulu sho mwene gwosasiyona ndjoka Len Haasbroek pamwe nopolisi ya tsakanene na oya tokola kutya aahingi yoombesa ayehe oshowo mboka yuulefa wiipundi iheyali naya thigepo ehala.Pendapala Nakathingo, amushanga gwoNabta, okwa popi kutya omahangano naga tsikile nokukundathana nUuministeli wIiyenditho oshowo Natis opo ku kalekwe po oompango moshikondo shoka. “Itatu kiidhidhimikila we okwaaha simanekwa kwoompango,” Nakathingo ta ti, ta gwedhwa po kutya omahangano naga thiminike aahingi mboka yuulefa wiipundi iheyali.CATHERINE SASMAN

Olugodhi moshikondo shootaxi noombesa dhiinano iile

Comments

Namibian Sun 2026-05-21

Please login to leave a comment

Olugodhi moshikondo shootaxi noombesa dhiinano iile

Comments

Namibian Sun 2026-05-21

Please login to leave a comment

Subscription Required to Access Content ×

Login

Subscription Required to Access Content