Olugodhi lwetokolo kombinga yehangano lyoRCC otalu tsikile
Uuministeli wIilonga nOmalweendo owu na omaiyuvo kutya iilonga yehangano lyoRoads Contractor Company, otayi vulu okutalululwa na kape na ompumbwe opo ehangano ndyoka li tulwe kohi yelelo lyopampangu, ngaashi sha li sha popiwa omvua ya piti.
Ominista yIiputudhilo mbyoka ya yama kepangelo Leon Jooste, omvula ya piti okwa li a tseyitha kutya ehangano lyoRCC olya pumbwa okutulwa kohi yelelo lyopampangu, onga oonkambadhala tadhi ningwa okutalulula iilonga yehangano ndyoka, lyo li vule okuhupitha okuza monkalo yompumbwe yiiyemo moka yi li.
Kohi yelelo lyopampangu, oshinima oshinene tashi ningwa tango, okukaleka manga iifuta yoongunga. Natango omunambelewa taka kwatela komeho iilonga yehangano otaka ulikwa na otaka longa mokukwashilipaleka kutya ehangano ndyoka olya hupa nokutameka okwiimonena iiyemo, oshowo okukonga omikalo dhokufuta oongunga ndhoka dhiniwe kehangano.
Sho a gandja uuyelele ombinga yoshikumungu shoka, omupopiliko gwuuministeli womalweendo, Julius Ngwedha okwa popi kutya okabinete kohilongo oka gandja epitiko koRCC opo yi konge omikalo ndhoka tadhi vulu okulongithwa opo ehangano ndyoka li zemo monkalo moka li li monena.
Ehangano olya pulwa woo opo li konge iiyemo, opo li vule okukala itali mono we eyambidhidho okuza kepangelo.
Pahapu dhe, oshinakugwanithwa shehangano ndyoka oshi na oshilonga noonkondo, oshowo kutya ekanitho lyoompito dhiilonga itali vuli okuningwa kwa talika konkalo yeliko lyoshilongo.
Ngwedha okwa tsikile kutya ominista ompe yomalweendo, John Mutorwa, oya ningi omatalelepo, opo yiindungike nonkalo yiiputudhilo ya yama kepangelo nokuninga oonkundathana nelelo lyehangano lyoRCC.
“Ngele omahangano galwe gokutunga otaga ningi iimaliwa, nena gumwe okuna omaipulo kutya omolwashike RCC ita ningi iiyemo. Omulandu gwiilonga yehangano lyoRCC ogwa pumbwa okutalululwa.”
Ngwedha okwa popi kutya elelo lyopampangu otali talululwa, ta gwedhwapo kutya RCC okwe shi pondola okumona iiyemo okuza koombaanga.
Pethimbo kwa tseyithwa omutengenekwatheneko gwelongitho lyiiyemo yepangelo, RCC okwa pewa oshimaliwa shoomiliyona 21 miilonga ye, sha nuninwa oomwedhi ndatu. RCC oha longitha iimaliwa ya thika poomiliyona 7 komwedhi.
Omupopiliko gwuuministeli wiiputudhilo yepangelo, Jonathan Swartz, okwa lombwele oshifokundaneki shoNew Era omasiku ga piti kutya kape na okushuna monima metokolo lyokutula ehangano lyoRCC melelo lyopampangu.
“Etokolo lyoku ka pula ompangu opo yi tule elelo lyoRCC melelo lyopampangu etokolo lya ningwa kokabinete koshilongo, okabinete inaka tokolulula etokolo ndyoka lya li lya ningwa onkene etokolo ndyoka natango oli na oonkondo.”
Ominista ndjoka yi na oshinakugwanithwa shehangano ndyoka, Mutotwa oku na okukala a tula poshitaafula ontotwaveta ndjoka tayi pitika opo RCC a tulwe melelo lyopampangu, uuministeli wiiputudhilo yepangelo wa dhenge omuthindo.
Jooste okwa li a yelitha omvula ya piti kutya, ngele ehangano ndyoka olya tulwa kohi yelelo ndyoka tali popiwa nena oompito dhiilonga dhaaniilonga ya thika po 393 otadhi ka hupithwa molwaashoka elelo ndyoka olya nuninwa okuhupitha ehangano opo kali pate.
Okwa tsikile natango kutya omukomeho gwehangano ndyoka ngoka taka ulikwa, otaka pewa oonkondo dhokuninga omatokolo gopangeshefa gehangano ndyoka, okuza kiilonga, koonzo dhopauntu oshowo kekondololo lyiiyemo yehangano.
Jooste okwa li a popi kutya etokolo okuulika omukomeho gwiilonga yehangano omupe okupitila melelo lyopampangu, etokolo lyahugunina lya ningwa kaakuthimbinga mehangano ndyoka, nongele elelo ndyoka li li miilonga otali patanene etokolo ndyoka, nena elelo ndyoka otali pingenwa po.
OGONE TLHAGE
Kohi yelelo lyopampangu, oshinima oshinene tashi ningwa tango, okukaleka manga iifuta yoongunga. Natango omunambelewa taka kwatela komeho iilonga yehangano otaka ulikwa na otaka longa mokukwashilipaleka kutya ehangano ndyoka olya hupa nokutameka okwiimonena iiyemo, oshowo okukonga omikalo dhokufuta oongunga ndhoka dhiniwe kehangano.
Sho a gandja uuyelele ombinga yoshikumungu shoka, omupopiliko gwuuministeli womalweendo, Julius Ngwedha okwa popi kutya okabinete kohilongo oka gandja epitiko koRCC opo yi konge omikalo ndhoka tadhi vulu okulongithwa opo ehangano ndyoka li zemo monkalo moka li li monena.
Ehangano olya pulwa woo opo li konge iiyemo, opo li vule okukala itali mono we eyambidhidho okuza kepangelo.
Pahapu dhe, oshinakugwanithwa shehangano ndyoka oshi na oshilonga noonkondo, oshowo kutya ekanitho lyoompito dhiilonga itali vuli okuningwa kwa talika konkalo yeliko lyoshilongo.
Ngwedha okwa tsikile kutya ominista ompe yomalweendo, John Mutorwa, oya ningi omatalelepo, opo yiindungike nonkalo yiiputudhilo ya yama kepangelo nokuninga oonkundathana nelelo lyehangano lyoRCC.
“Ngele omahangano galwe gokutunga otaga ningi iimaliwa, nena gumwe okuna omaipulo kutya omolwashike RCC ita ningi iiyemo. Omulandu gwiilonga yehangano lyoRCC ogwa pumbwa okutalululwa.”
Ngwedha okwa popi kutya elelo lyopampangu otali talululwa, ta gwedhwapo kutya RCC okwe shi pondola okumona iiyemo okuza koombaanga.
Pethimbo kwa tseyithwa omutengenekwatheneko gwelongitho lyiiyemo yepangelo, RCC okwa pewa oshimaliwa shoomiliyona 21 miilonga ye, sha nuninwa oomwedhi ndatu. RCC oha longitha iimaliwa ya thika poomiliyona 7 komwedhi.
Omupopiliko gwuuministeli wiiputudhilo yepangelo, Jonathan Swartz, okwa lombwele oshifokundaneki shoNew Era omasiku ga piti kutya kape na okushuna monima metokolo lyokutula ehangano lyoRCC melelo lyopampangu.
“Etokolo lyoku ka pula ompangu opo yi tule elelo lyoRCC melelo lyopampangu etokolo lya ningwa kokabinete koshilongo, okabinete inaka tokolulula etokolo ndyoka lya li lya ningwa onkene etokolo ndyoka natango oli na oonkondo.”
Ominista ndjoka yi na oshinakugwanithwa shehangano ndyoka, Mutotwa oku na okukala a tula poshitaafula ontotwaveta ndjoka tayi pitika opo RCC a tulwe melelo lyopampangu, uuministeli wiiputudhilo yepangelo wa dhenge omuthindo.
Jooste okwa li a yelitha omvula ya piti kutya, ngele ehangano ndyoka olya tulwa kohi yelelo ndyoka tali popiwa nena oompito dhiilonga dhaaniilonga ya thika po 393 otadhi ka hupithwa molwaashoka elelo ndyoka olya nuninwa okuhupitha ehangano opo kali pate.
Okwa tsikile natango kutya omukomeho gwehangano ndyoka ngoka taka ulikwa, otaka pewa oonkondo dhokuninga omatokolo gopangeshefa gehangano ndyoka, okuza kiilonga, koonzo dhopauntu oshowo kekondololo lyiiyemo yehangano.
Jooste okwa li a popi kutya etokolo okuulika omukomeho gwiilonga yehangano omupe okupitila melelo lyopampangu, etokolo lyahugunina lya ningwa kaakuthimbinga mehangano ndyoka, nongele elelo ndyoka li li miilonga otali patanene etokolo ndyoka, nena elelo ndyoka otali pingenwa po.
OGONE TLHAGE
Comments
Namibian Sun
No comments have been left on this article