Olopota yoTIPEEG inayi manithwa natango
Konima yoomvula ndatu monena nkene oprogramma yoTargeted Intervention Programme for Employment and Economic Growth (TIPEEG) ya thiki pehulilo, okakomisi koNational Planning Commission (NPC) inaka vula natango okugandja olopota kombinga yoprogramma ndjoka, nokugandja woo omatompelo kutya omolwashike oopoloyeka odhindji dhoprograma ndjoka inadhi manithwa.
Okuya pehulilo lyomwedhi Januari mo-2014, oprogramma ndjoka oya longitha iimaliwa yoobiliyona 11, yomoobiliyona 14.4 ndhoka dhiikalekelwa dha nuninwa oprogramma ndjoka ihe oopoloyeka owala 61 dhomoopoloyeka 312 dha manithwa. Oopoloyeka 251 inadhi manithwa natango.
Okushiningitha oshidhigu, okakomisi koNPC itaka vulu okugandja uuyelele womondjila kutya iimaliwa ingapi ya longithwa moprogramma ndjoka kakele komiyalu ndhoka tadhi tengenekwa dha longithwa moprogramma ndjoka yoTIPEEG ndhoka dha pitithwa muJanuari gwo-2014. Amushanga gwoNPC,Leevi Hungamo, oshowo omunambelewa gwomauyelele gwokakomisi hoka Fillemon Nangonya inaya vula okuyamukula komapulo ngoka ya ningilwa.
MuApilili gwo-2011, omupresidende nale Hifikepunye Pohamba okwa tula miilonga oprogramma yoTIPEEG, yuule woomvula 4.
Shoka osha ningwa onga omulandu gwokutotapo oompito dhiilonga tadhi kalelele naadhoka dhopakathimbo nokuyambulapo ekoko lyeliko lyoshilongo okupitila moopoloyeka.
“Iiyemo ya tengenekwa tayi longithwa moprograma ndjoka yoTIPEEG oya li poobiliyona 14.4 noobiliyona 11 okwa lopotwa dha longithwa moprogramma ndjoka okuya muJanuari gwo-2014,” olopota ndjoka ya pitithwa muJanuari gwo-2014 ya holola.
Olopota ndjoka oya tsikile kutya momvula yotango yo2011/2012, oopoloyeka 260 odha tulwa miilonga ihe oopoloyeka owala 22 dha manithwa. Oopoloyeka 250 odha tulwa miilonga mo-2012/2013 ihe 27 owala dha manithwa. Mo2013/2014 oopoloyeka kumwe 263 odha tulwa miilonga ihe oopoloyeka owala 22 dha manithwa.
Oprograma ndjoka yoTIPEEG oya li ehepeko lyiimaliwa yepangelo. “Oopoloyeka 251 inadhi manithwa na odha dhimbiwa ngashiingeyi. Oomvula ndatu dha piti ngashiingeyi ihe kehe gumwe okwa mwena owala,” onzo yimwe ya popi.
Onzo ndjoka oya pula kutya: “Ngele oobiliyona 14.4 odhali dha nuninwa oprogramma ndjoka ihe oobiliyona 11 odha longithwa po, nena iimaliwa mbyoka oya longithwa moshike, noobiliyona 3.4 ndhoka dha hupuko odhili peni? NPC otaka pititha olopota uunake?”
Olopota ndjoka ya li ya pitithwa oya holola kutya oompito dhiilonga 49,770 okuya pehulilo lyaSepetemba gwo-2013 odha totwapo, noompito ndhoka odhomoompito 104,000 ndhoka kali kwa tengeneka kutya otadhi totwapo.
Olopota oya tsikile kutya nonando okwa kala omikundu metulo miilonga lyoprograma ndjoka, okwa likolwa oshindji metotepo lyoompito dhiilonga nokunkondopeka aakwashigwana.
ILENI NANDJATO
Okuya pehulilo lyomwedhi Januari mo-2014, oprogramma ndjoka oya longitha iimaliwa yoobiliyona 11, yomoobiliyona 14.4 ndhoka dhiikalekelwa dha nuninwa oprogramma ndjoka ihe oopoloyeka owala 61 dhomoopoloyeka 312 dha manithwa. Oopoloyeka 251 inadhi manithwa natango.
Okushiningitha oshidhigu, okakomisi koNPC itaka vulu okugandja uuyelele womondjila kutya iimaliwa ingapi ya longithwa moprogramma ndjoka kakele komiyalu ndhoka tadhi tengenekwa dha longithwa moprogramma ndjoka yoTIPEEG ndhoka dha pitithwa muJanuari gwo-2014. Amushanga gwoNPC,Leevi Hungamo, oshowo omunambelewa gwomauyelele gwokakomisi hoka Fillemon Nangonya inaya vula okuyamukula komapulo ngoka ya ningilwa.
MuApilili gwo-2011, omupresidende nale Hifikepunye Pohamba okwa tula miilonga oprogramma yoTIPEEG, yuule woomvula 4.
Shoka osha ningwa onga omulandu gwokutotapo oompito dhiilonga tadhi kalelele naadhoka dhopakathimbo nokuyambulapo ekoko lyeliko lyoshilongo okupitila moopoloyeka.
“Iiyemo ya tengenekwa tayi longithwa moprograma ndjoka yoTIPEEG oya li poobiliyona 14.4 noobiliyona 11 okwa lopotwa dha longithwa moprogramma ndjoka okuya muJanuari gwo-2014,” olopota ndjoka ya pitithwa muJanuari gwo-2014 ya holola.
Olopota ndjoka oya tsikile kutya momvula yotango yo2011/2012, oopoloyeka 260 odha tulwa miilonga ihe oopoloyeka owala 22 dha manithwa. Oopoloyeka 250 odha tulwa miilonga mo-2012/2013 ihe 27 owala dha manithwa. Mo2013/2014 oopoloyeka kumwe 263 odha tulwa miilonga ihe oopoloyeka owala 22 dha manithwa.
Oprograma ndjoka yoTIPEEG oya li ehepeko lyiimaliwa yepangelo. “Oopoloyeka 251 inadhi manithwa na odha dhimbiwa ngashiingeyi. Oomvula ndatu dha piti ngashiingeyi ihe kehe gumwe okwa mwena owala,” onzo yimwe ya popi.
Onzo ndjoka oya pula kutya: “Ngele oobiliyona 14.4 odhali dha nuninwa oprogramma ndjoka ihe oobiliyona 11 odha longithwa po, nena iimaliwa mbyoka oya longithwa moshike, noobiliyona 3.4 ndhoka dha hupuko odhili peni? NPC otaka pititha olopota uunake?”
Olopota ndjoka ya li ya pitithwa oya holola kutya oompito dhiilonga 49,770 okuya pehulilo lyaSepetemba gwo-2013 odha totwapo, noompito ndhoka odhomoompito 104,000 ndhoka kali kwa tengeneka kutya otadhi totwapo.
Olopota oya tsikile kutya nonando okwa kala omikundu metulo miilonga lyoprograma ndjoka, okwa likolwa oshindji metotepo lyoompito dhiilonga nokunkondopeka aakwashigwana.
ILENI NANDJATO
Comments
Namibian Sun
No comments have been left on this article