Okuti kwaNamibia kuli moshiponga

Omudhingoloko ngoa tagu ka kuthwa omiti ndhoka, otagu adhika poKatima Farm Irrigation Scheme ehala lyuunene woohecta 2 000, oshowo ehala lyuunene woohecta 10 000 Zambezi Modern Agriculture Irrigation Scheme momudhingoloko gwaLiselo . Pa lopota ndjoka ya ningwa koNyepez Consultancy, ndjoka ya pewa oshinakugwanithwa shokuninga omakonaakono gopamuthigoloko kombinga yeteyo lyomiti ndhoka, ehangano lyaChina okwa lopotwa lya pewa omulilo omuzizi kelelo lyaMaafwe oshowo Oshikondo shOmakuti mUuministeli wUunampya, Omeya nOmakuti.Epitiko ndyoka lya gandjwa inali tothwa mo kutya omiti ngapi dhi na okukala dha tetwa po.Olopota ndjoka oya tsikile kutya ehangano ndyoka lya China melongelo kumwe nelelo lyaMafwe, otaya pangele okutetagula omiti nokudhi tula momakondeina opo dhi vule okufalwa koChina tadhi pitile mOmbaye. Olopota oya tsikile kutya ehangano ndyoka lyoAfrican Safari Wood Lodge olya pewa epitiko lyokuteta omiti omishona, omiti dhopokati nomiti ndhoka ominene ookuza koshikondo shomakuti moshitopolwa shaZambezi.Inashi monika mo okuzilila kuuministeli wuunamapya ngele ehangano ndyoka olya pewa tuu omukanda ngoka, nelelo lyaMafwe ina li vula okumonika opo li gandje uuyelele.Nyepez Consultancy oya holola kutya oya ya moonkundathana naakuthimbinga, mboka omagwedhelepo gawo taya ka tulwa molopota yoEIA.Natango ehangano ndyoka olya ningi etseyitho moka lya tseyitha kutya otaku ka kala oonkundathana noshigwana kombinga yoshikumungu shoka momasiku 15 gaJune potundi onti- 09:00 moKamunu Social Hall moKatima Mulilo moka uuwananwa nuuwinayi wopoloyeka ndjoka tawu ka kundathanwa.Omagwedheleo otaga vulu okuningwa momasiku 22 Juni. OndjokononaOmidhingoloko ndhoka mbali gwaKatima Farm oshowo Zambezi Modern Agriculture Irrigation Scheme – otadhi adhika koongamba dhaZambia. Katima irrigation project oya tokolwa kelelo lyoshitopolwa shaZambezi oshowo elelo lyopamuthigululwakalo lyaMafwe pamwe nuuministeli wuunamapya, opo yi nenepekwe okuza puunene woohecta 300 okuya poohecta 2 000. Zambezi Modern Agriculture Irrigation Scheme, ehala lyokuti lyuunene woohecta 10 000 ndyoka lya li nale opoloyeka yomakaya ndjoka ya dhigwapo kehangano lyoChinese Ng Yung's Namibia Oriental Tobacco. Pauyelele wolopota ndjoka ya ningwa, ehangano lyoNamibia Oriental Tobacco olya li lya yamukula komanyenyeto ngoka ga ningwa koshigwana kombinga yoompangela dhopoloyeka yokuninga oshikunino shomakaya, nopehala oya lundulula oompangela dhawo okuza kopoloyeka yomakaya okuya kopoloyeka yokukuna epungu oshowo iihape.Gumwe gwomaagamenenipo yomakuti ngoka ina hala uukwatya we wu popiwe okwa popi kutya okuti kwaNamibia hoka, oko akuke kuli po ngashiingeyi, okuli moshiponga naashoka osha li sha hololwa nale komaiyuvo ga gandjwa koInternational Union for Conservation of Nature (IUCN).Mo2005, IUCN okwa li nale a holola kutya okuti hoka okuli moshiponga shokutetagulwa po .Omugameni gwomakuti ngoka okwa popi kutya ngashiingeyi oopoloyeka ndhoka tadhi popiwa, odhi li tadhi gandja omulilo omuzizi nomaipopilo gokuyonagula po omakuti koshilongo. Natango oompangela dhelongitho nawa evi, ndhoka dha ningwa moshitopolwa shaZambezi kuuministeli womavi mo 2015, odha li nale dha holola kutya evi ndyoka kali shi ewananwa nokuninga iikunino. Uuministeli wuunamapya owa holola kutya otawu ka tala komapulo ngoka ga holoka po.CATHERINE SASMAN

Okuti kwaNamibia kuli moshiponga

Comments

Namibian Sun 2025-07-04

Please login to leave a comment

Okuti kwaNamibia kuli moshiponga

Comments

Namibian Sun 2025-07-04

Please login to leave a comment

Login