Okatomeno kaShakati otaka patuluka masiku
Ehangano lyoKIAT Investment Holdings, ndyoka lya pewa otendela yokukondolola nokukwatela komeho okatomeno komondoolopa yaShakati, olya popi kutya okatomeno hoka otaka tameke iilonga mbala.
ILENI NANDJATO
Shoka otashi ka hwepopaleka onkalo moka mu na aanafaalama yomonooli yoshilongo mboka ya kala kaye na omalandithilo giimuna yawo unene sho ya taalela oshikukuta oshinene.
Pethimbo sho a ningwa naye oonkundathana koNamibian Sun mEtiyali, Omunambelewa Omukuluntu gwoKIAT, Sikunawa Tshiponga Negumbo okwa popi kutya elongululo lyehala ndyoka olya manithwa na otaya tameke okulanda oongombe muule wiiwike itatu twa taalela.
Negumbo okwa popi kutya ooindjinia okuza kUuministeli wUunamapya oshowo kUuministeli wIilonga odha ningile omakonaakono okatomeno hoka mOmaandaha.
“Momaandaha otwa ningile omakonaakono etungo alihe nomEtiyali otwa konaakona ehala lyokutomeno oshowo endiki alihe. Otwa lombwelwa kutya ayihe oyi li pomahala ngaashi sha li sha uvanekwa na otatu pandula epangelo kwaashoka lya ningipo,” Negumbo a popi.
“Ngashiingeyi otwa tegelela omutungi a gandje ehala kUumunisteli wIilonga mboka tawu ka gandja etungo ndyoka momake gUuministeli wUunamapya, mboka tawu ke tu pa etungo ndyoka, okuza mpoka otatu ka tameka okulanda ongombe okuza kaanafaalama.”
Okatomeno komOshakati oshowo Katima Mulilo owa patwa momvula yo 2016, konima sho Meatco a tseyitha a kanitha oshindji uule woomvula odhindji.
KIAT oya tameke okukuta miilonga aaniilonga taku talika unene kaaniilonga yaMeatco mboka ya li ya kuthwa miilonga momvula yo 2016.
Konima nkene okatomeno hoka kali ka patwa, aanafaalama yomonooli oya kala yiikolelela owala muutomeno wopakathimbo na oye li mompumbwe onene okushunitha pevi omwaalu gwiimuna yawo unene sho ku na oshikukuta oshinene.
“Tango otatu ka kutha po oopresenda 70 dhaaniilonga mboka yali ya kuthwa miilonga. Yalwe otaya tegelele molwaashoka otu na na okutala tango keyamukulo lyaanafaalama opo tu vule okukuta miilonga omwaalu gwa gwana.”
Negumbo okwa tsikile kutya okatomeno hoka otaka vulu okutoma oongombe dha thika po 200 mesiku, na okwa pula aanafaalama opo ya tameke okulanditha po iimuna yawo.
Shoka otashi ka hwepopaleka onkalo moka mu na aanafaalama yomonooli yoshilongo mboka ya kala kaye na omalandithilo giimuna yawo unene sho ya taalela oshikukuta oshinene.
Pethimbo sho a ningwa naye oonkundathana koNamibian Sun mEtiyali, Omunambelewa Omukuluntu gwoKIAT, Sikunawa Tshiponga Negumbo okwa popi kutya elongululo lyehala ndyoka olya manithwa na otaya tameke okulanda oongombe muule wiiwike itatu twa taalela.
Negumbo okwa popi kutya ooindjinia okuza kUuministeli wUunamapya oshowo kUuministeli wIilonga odha ningile omakonaakono okatomeno hoka mOmaandaha.
“Momaandaha otwa ningile omakonaakono etungo alihe nomEtiyali otwa konaakona ehala lyokutomeno oshowo endiki alihe. Otwa lombwelwa kutya ayihe oyi li pomahala ngaashi sha li sha uvanekwa na otatu pandula epangelo kwaashoka lya ningipo,” Negumbo a popi.
“Ngashiingeyi otwa tegelela omutungi a gandje ehala kUumunisteli wIilonga mboka tawu ka gandja etungo ndyoka momake gUuministeli wUunamapya, mboka tawu ke tu pa etungo ndyoka, okuza mpoka otatu ka tameka okulanda ongombe okuza kaanafaalama.”
Okatomeno komOshakati oshowo Katima Mulilo owa patwa momvula yo 2016, konima sho Meatco a tseyitha a kanitha oshindji uule woomvula odhindji.
KIAT oya tameke okukuta miilonga aaniilonga taku talika unene kaaniilonga yaMeatco mboka ya li ya kuthwa miilonga momvula yo 2016.
Konima nkene okatomeno hoka kali ka patwa, aanafaalama yomonooli oya kala yiikolelela owala muutomeno wopakathimbo na oye li mompumbwe onene okushunitha pevi omwaalu gwiimuna yawo unene sho ku na oshikukuta oshinene.
“Tango otatu ka kutha po oopresenda 70 dhaaniilonga mboka yali ya kuthwa miilonga. Yalwe otaya tegelele molwaashoka otu na na okutala tango keyamukulo lyaanafaalama opo tu vule okukuta miilonga omwaalu gwa gwana.”
Negumbo okwa tsikile kutya okatomeno hoka otaka vulu okutoma oongombe dha thika po 200 mesiku, na okwa pula aanafaalama opo ya tameke okulanditha po iimuna yawo.
Comments
Namibian Sun
No comments have been left on this article