Okalongo inaka ningwa natango omukunda
Uuministeli wEyaambulepo lyOondoolopa nIitopolwa inawu yamukula natango keindilo lya ningwa kelelo lyOshitopolwa shaMusati opo Okalongo ka ningwe omukunda.
ILENI NANDJATO
ONGWEDIVA
Ngoloneya gwoshitopolwa shaMusati Erginus Endjala okwa lombwele oNamibian Sun kutya, uuministeli owa ningi omapekaapeko na oya tegelela natango eyamukulo.
Amutse a ningi euvaneko
Omvula ya piti, omunashipundi gwelelo lyoshitopolwa shaMusati, Modestus Amutse ngoka ngashiingeyi e li oshilyo shOmutumba gwoPaliamende sha landula omahogololo ngoka ga ningwa omvula ya piti, okwa tseyitha kutya Okalongo okali ke na okuninga ondoolopa omvula ya piti.
Amutse okwa lombwele iikundaneki kutya okwa nyanyukwa oku tseyitha kutya olukalwa ndoka otalu ningwa ondoolopa panzo dhangambekwa.
Endjala okwa popi kutya elelo lyondoolopa olya gandja eindilo kuuministeli opo olukalwa ndoka lu ningwe omukunda molwaashoka ompango inayi pitikwa ku nhukwe onkatu yimwe.
“Ngoka ogwo omulandu. Elelo lyoshitopolwa oli na oshinakugwanithwa meyambulepo lyolukalwa sigo olwa a dha onkatu yokuningwa omukunda.
Elelo lyoshitopolwa olya gandja eindilo lyawo kuuministeli weyambelepo lyoondoolopa niitopolwa, mboka wa ningi omapekaapeko okumona ngele olukalwa ndoka olwa pyakudhukwa tuu okuningwa omukunda.”
Sho a ningilwa omapulo, omunashipundi gwOkalongo-Based Development Community Body, Vilho Nhoni okwa popi kutya kape na shoka tashi ulike kutya Okalongo otaka yambulwapo ka ningwe omukunda nenge ondoolopa, nomapopyo ngoka oga kala uule woomvula odhindji monena.
“Oomvula o 20 dha piti, noohapu dhoka odha kala tadhi popiwa ihe kape na shoka sha ningwapo. Ngele owa tala komahala ngaaashi Tsandi, Okahao oshowo Oshikuku omu na omayambulepo taga ningwa na otashi ulike kutya otaga ningi oondoolopa, ihe ngele owe ya mOkalongo kape na sha,” Nhoni a popi.
“Otu uvite kutya oya hala owala oku tu heka kutya Okalongo otaka yambulwapo, opo tu ya hogolole ihe konima yomahogololo kape na shoka tashi ningwa.”
ONGWEDIVA
Ngoloneya gwoshitopolwa shaMusati Erginus Endjala okwa lombwele oNamibian Sun kutya, uuministeli owa ningi omapekaapeko na oya tegelela natango eyamukulo.
Amutse a ningi euvaneko
Omvula ya piti, omunashipundi gwelelo lyoshitopolwa shaMusati, Modestus Amutse ngoka ngashiingeyi e li oshilyo shOmutumba gwoPaliamende sha landula omahogololo ngoka ga ningwa omvula ya piti, okwa tseyitha kutya Okalongo okali ke na okuninga ondoolopa omvula ya piti.
Amutse okwa lombwele iikundaneki kutya okwa nyanyukwa oku tseyitha kutya olukalwa ndoka otalu ningwa ondoolopa panzo dhangambekwa.
Endjala okwa popi kutya elelo lyondoolopa olya gandja eindilo kuuministeli opo olukalwa ndoka lu ningwe omukunda molwaashoka ompango inayi pitikwa ku nhukwe onkatu yimwe.
“Ngoka ogwo omulandu. Elelo lyoshitopolwa oli na oshinakugwanithwa meyambulepo lyolukalwa sigo olwa a dha onkatu yokuningwa omukunda.
Elelo lyoshitopolwa olya gandja eindilo lyawo kuuministeli weyambelepo lyoondoolopa niitopolwa, mboka wa ningi omapekaapeko okumona ngele olukalwa ndoka olwa pyakudhukwa tuu okuningwa omukunda.”
Sho a ningilwa omapulo, omunashipundi gwOkalongo-Based Development Community Body, Vilho Nhoni okwa popi kutya kape na shoka tashi ulike kutya Okalongo otaka yambulwapo ka ningwe omukunda nenge ondoolopa, nomapopyo ngoka oga kala uule woomvula odhindji monena.
“Oomvula o 20 dha piti, noohapu dhoka odha kala tadhi popiwa ihe kape na shoka sha ningwapo. Ngele owa tala komahala ngaaashi Tsandi, Okahao oshowo Oshikuku omu na omayambulepo taga ningwa na otashi ulike kutya otaga ningi oondoolopa, ihe ngele owe ya mOkalongo kape na sha,” Nhoni a popi.
“Otu uvite kutya oya hala owala oku tu heka kutya Okalongo otaka yambulwapo, opo tu ya hogolole ihe konima yomahogololo kape na shoka tashi ningwa.”
Comments
Namibian Sun
No comments have been left on this article