Okabinete taka ka tokola koshipangelo shomonooli
Okabinete koshilongo otaka ka kala newi lya hugunina kombinga yoompangela dhokutunga oshipangelo oshinene monooli yoshilongo. Uuministeli wuundjolowele owa koleke kutya otawu longo waahena oluthuwo opo wetepo olopota kombinga yoshipangelo shoka taku pangelwa opo shi tungwe monooli.
Omupeha amushanga muuministeli mboka, Petronella Masabane okwa popi kutya uuministeli owiipyakidhila omanga inawu fala kokabinete omagwedhelepo, ko okabinete ka vule okuninga etokolo.
Oshifokundnaeki shoNamibian Sun osha lopota oshiwike sha piti kutya okwa holoka omananathano pokati kaanapolotika monooli yoshilongo oshowo ominista yuundjolowele, Bernard Haufiku omolwa oshikumungu shetsokumwe kutya oshipangelo shoka otashi tungwa mondoolopa yini.
Elelo lyopapolotika mOshana olya li lya tothamo ondoolopa yaNdangwa kutya omo tamu tungwa oshipangeo shoka, omanga Haufiku ta lundilwa kutya okwa gama kombinga ndjoka yahala oshipangelo shi tungwe mOngwediva.
Haufiku okwa ekelehi omalundulo ngoka.
Omwedhi gwa piti, amushanga nale muuministeli mboka, Andreas Mwoombola okwa li a lombwele elelo lyaShana kutya okabinete otaka kakundathana oshikumungu shoka.
Uuministeli owali wa tegelelwa wu gandje olopota yomagwedhelepo kokabinete muule wiiwike iyali sha landula etseyitho lyaMwoombola, ihe Masabane okwa popi kutya shoka otashi ka ningwa owala momvula twa taalela molwaashoka olopota yomagwedhelepo ngoka inayi manithwa natango.
Masabane okwa popi kutya otaya ka ninga tango oonkundathana nolopota ndjoka otayi kakwatelamo omutengenekwathaneko gopaiyemo metungo lyoshipangelo shoka. Omunashipundi gwelelo lyaShana, Hannu Kapenda okwa koleke kutya okwa yakula omukanda okuza kuuministeli, nonando inaya vula okukundathana omukanda ngoka, molwaashoka ogwe ya pethimbo mpoka elelo li li mefudho.
Mujuni gwonuumvo, elelo lyoshitopolwa shaShana olya tsu kumwe opo oshipangelo shoka shi tungwe mOndangwa. Etokolo ndyoka olya ningwa kokatokolitho hoka ka pitithwa kelelo ndyoka.
Kapenda okwa li a lombwele oshifokundnaeki shika kutya etokolo lyawo olya ningwa kwa talwa kompumbwe yomayambulepo ngoka ga pumbiwa moshitopolwa, netokolo olya yambidhidhwa kookansela 11.
Elelo lyaNdangwa olya pula woo Omupresidende Hage Geingob opo oshipangelo shoka shi tungwe mondoolopa yawo.
ILENI NANDJATO
Omupeha amushanga muuministeli mboka, Petronella Masabane okwa popi kutya uuministeli owiipyakidhila omanga inawu fala kokabinete omagwedhelepo, ko okabinete ka vule okuninga etokolo.
Oshifokundnaeki shoNamibian Sun osha lopota oshiwike sha piti kutya okwa holoka omananathano pokati kaanapolotika monooli yoshilongo oshowo ominista yuundjolowele, Bernard Haufiku omolwa oshikumungu shetsokumwe kutya oshipangelo shoka otashi tungwa mondoolopa yini.
Elelo lyopapolotika mOshana olya li lya tothamo ondoolopa yaNdangwa kutya omo tamu tungwa oshipangeo shoka, omanga Haufiku ta lundilwa kutya okwa gama kombinga ndjoka yahala oshipangelo shi tungwe mOngwediva.
Haufiku okwa ekelehi omalundulo ngoka.
Omwedhi gwa piti, amushanga nale muuministeli mboka, Andreas Mwoombola okwa li a lombwele elelo lyaShana kutya okabinete otaka kakundathana oshikumungu shoka.
Uuministeli owali wa tegelelwa wu gandje olopota yomagwedhelepo kokabinete muule wiiwike iyali sha landula etseyitho lyaMwoombola, ihe Masabane okwa popi kutya shoka otashi ka ningwa owala momvula twa taalela molwaashoka olopota yomagwedhelepo ngoka inayi manithwa natango.
Masabane okwa popi kutya otaya ka ninga tango oonkundathana nolopota ndjoka otayi kakwatelamo omutengenekwathaneko gopaiyemo metungo lyoshipangelo shoka. Omunashipundi gwelelo lyaShana, Hannu Kapenda okwa koleke kutya okwa yakula omukanda okuza kuuministeli, nonando inaya vula okukundathana omukanda ngoka, molwaashoka ogwe ya pethimbo mpoka elelo li li mefudho.
Mujuni gwonuumvo, elelo lyoshitopolwa shaShana olya tsu kumwe opo oshipangelo shoka shi tungwe mOndangwa. Etokolo ndyoka olya ningwa kokatokolitho hoka ka pitithwa kelelo ndyoka.
Kapenda okwa li a lombwele oshifokundnaeki shika kutya etokolo lyawo olya ningwa kwa talwa kompumbwe yomayambulepo ngoka ga pumbiwa moshitopolwa, netokolo olya yambidhidhwa kookansela 11.
Elelo lyaNdangwa olya pula woo Omupresidende Hage Geingob opo oshipangelo shoka shi tungwe mondoolopa yawo.
ILENI NANDJATO
Comments
Namibian Sun
No comments have been left on this article