Ohorongo Cement ya shaina etsokumwe noKaptau Packaging
KENYA KAMBOWE
Omunambelewa omukuluntu gwOhorongo Cement, Hans-Wilhelm Schütte okwa kunkilile AaNamibia ya kale aluhe nokukonga oompito dhongeshefa unene moshikondo shoofaabulika.
Shoka osha landula sho ehangano lyawo lya yi metsokumwe nehangano lyokupakela lyomoshilongo, ndyoka kwa tegelelwa li ka gandje ooshako dhokutula oosamende dhOhorongo dhi li pomiliyona 1.2 okuya pehulilo lyomwedhi Aguste.
Kaptau Packaging, ehangano lya totwa po momvula yo 2013 na olya tameke iilonga momvula yo 2017 na okwa hololwa kutya ehangano lyotango lyaNamibia tali longo ooshako dhoosamende. Eshaino lyetsokumwe ndyoka olya ningilwa oshiwike shika mOshakati.
Kaptau ngashiingeyi okwa tegelelwa a ka longe ooshako dhosamende dhi li oomiliyona 1.2 okuya pehulilo lyaAuguste onga oshitopolwa shetsokumwe lyawo ndyoka lyuule woomvula ntano. Ehangano ndyoka lyOhorongo ohali longo oosamende dhi li po 10 000 mesiku limwe.
Monakuziwa ehangano olya kala hali kutha ooshako dhawo okuza poshishiindalongo South Afrika.
Omunashipundi gwoKaptau Packaging, David Namalenga, okwa popi kutya oya nyanyukwa mokukala taya gandja ooshako dhoosamende kehangano ndyoka hali longo oosamende moshilongo.
Okwa gwedhwa po kutya taya pangele okukaleka po etsokumwe ndyoka uule woomvula odhindji dhi li komeho.
Monena ehanganoo lyoKaptau ohali longele owala ooshako ndhoka mOshakati, moka li na aaniilonga taya kalele ye li 25.
Schütte okwa pandula ehangano ndyoka, sho tali gandja oshiholelwa kAaNamibia kutya nayo otaya vulu okuninga sha. Okwa popi kutya otaya kambadhala okuhumitha komeho oongeshefa shomoshilongo opo ya vule okuyambidhidha omalalakano goVision 2030 oshowo Fifth National Development Plan.
Schütte okwa tsikile kutya natango otaya ka tsikia nokulanda ooshaka okuza pondje molwaashoka natango okuyele okuholola ngele omwaalu gwooshako ndhoka haya mono pondje yoshilongo otagu vulu okushunwa pevi.
Omunambelelwa ngoka okwa popi kutya oye na nale ooshako dhoosamende dha longwa koKaptau ndhoka tadhi zilwa oosamende, na otaya kwashilipaleke ongushu yiilongomwa yawo.
Omunambelewa omukuluntu gwOhorongo Cement, Hans-Wilhelm Schütte okwa kunkilile AaNamibia ya kale aluhe nokukonga oompito dhongeshefa unene moshikondo shoofaabulika.
Shoka osha landula sho ehangano lyawo lya yi metsokumwe nehangano lyokupakela lyomoshilongo, ndyoka kwa tegelelwa li ka gandje ooshako dhokutula oosamende dhOhorongo dhi li pomiliyona 1.2 okuya pehulilo lyomwedhi Aguste.
Kaptau Packaging, ehangano lya totwa po momvula yo 2013 na olya tameke iilonga momvula yo 2017 na okwa hololwa kutya ehangano lyotango lyaNamibia tali longo ooshako dhoosamende. Eshaino lyetsokumwe ndyoka olya ningilwa oshiwike shika mOshakati.
Kaptau ngashiingeyi okwa tegelelwa a ka longe ooshako dhosamende dhi li oomiliyona 1.2 okuya pehulilo lyaAuguste onga oshitopolwa shetsokumwe lyawo ndyoka lyuule woomvula ntano. Ehangano ndyoka lyOhorongo ohali longo oosamende dhi li po 10 000 mesiku limwe.
Monakuziwa ehangano olya kala hali kutha ooshako dhawo okuza poshishiindalongo South Afrika.
Omunashipundi gwoKaptau Packaging, David Namalenga, okwa popi kutya oya nyanyukwa mokukala taya gandja ooshako dhoosamende kehangano ndyoka hali longo oosamende moshilongo.
Okwa gwedhwa po kutya taya pangele okukaleka po etsokumwe ndyoka uule woomvula odhindji dhi li komeho.
Monena ehanganoo lyoKaptau ohali longele owala ooshako ndhoka mOshakati, moka li na aaniilonga taya kalele ye li 25.
Schütte okwa pandula ehangano ndyoka, sho tali gandja oshiholelwa kAaNamibia kutya nayo otaya vulu okuninga sha. Okwa popi kutya otaya kambadhala okuhumitha komeho oongeshefa shomoshilongo opo ya vule okuyambidhidha omalalakano goVision 2030 oshowo Fifth National Development Plan.
Schütte okwa tsikile kutya natango otaya ka tsikia nokulanda ooshaka okuza pondje molwaashoka natango okuyele okuholola ngele omwaalu gwooshako ndhoka haya mono pondje yoshilongo otagu vulu okushunwa pevi.
Omunambelelwa ngoka okwa popi kutya oye na nale ooshako dhoosamende dha longwa koKaptau ndhoka tadhi zilwa oosamende, na otaya kwashilipaleke ongushu yiilongomwa yawo.
Comments
Namibian Sun
No comments have been left on this article