Ohangwena ya tuntile aantu yathika lwopo 6 000
Omunambelewa omukomeho gwuundjolowele moshitopolwa shaHangwena, John Hango okwa popi kutya AaNamibia naya hulithepo okupopya omitoto kombinga yontuntila yoCovid-19 na okwa pula oshigwana shi ye momwaalu omunene shi ka tuntilwe.
TUYEIMO HAIDULA
OSHAKATI
Ø Etaandelo lyoCovid-19 tali londo pombanda
Omunambelewa ngoka okwa popi kutya oshitopolwa shawo osha tuntile aantu ye li po 5 463 moka aantu ye li 2 747 ya tuntilwa nomuti gwoAstraZeneca omanga aantu ye li po 2 716 ya tuntilwa noSinopharm. Mokati komwaalu ngoka, aantu yeli 1 168 oya tuntilwa otuntila yiihwapo.
Hango okwa popi kutya omapopyo gaahe na uushili kombinga yotuntila oga pumbwa okuhulithwapo omolwashoka ngele aantu ayehe ya tuntilwa nena opo owala oshilongo tashi vulu okukalekapo egameno okuza kombuto ndjoka, yo onkalo tayi kala ngaashi sha li nale.
Hango okwa tsu aantu omukumo opo ya tuntilwe, ta popi kutya ontuntila otayi gamene aantu kaya kwatwe kombuto ndjoka nongele oya kwatwa nena otayi gamene opo kaya ye miipangelo nenge ya hulithe.
Hango okwa popi kutya ope na aantu mboka yiitaala momapopyo kutya otuntila otayi ya tula moshiponga ta popi kutya aantu mboka oyomoongundu adhihe mboka ya longwa naamboka inaya mona elongo, unene aantu yoomvula okuza po 50 okuya pevi.
Okwa pula oshigwana shi pulakene kaanongo moshinima shoka nokuyanda etaandelitho lyomipopyo inadhi kolekwa.
Okwa popi kutya ontuntila oya tamaneke moshitoplwa shaHangwena muApilili na otayi gandja miipangelo ayihe iinene okuza Omaandaha sigo Etitano.
Okwa tsikile kutya aantu ya thika po 38 oya hulitha moshitopolwa shaHangwena onga oshizemo shoCovid-19, omanga aaniilonga yuundjolowele yeli po 90 ya kwatwa kombuto ndjoka. Iipotha yi li po 1 665 oya lopotwa moshitopolwa, moka mu na ngashiingeyi aantu yeli 82 ya lopota ye na ombuto.
Hango okwa popi kutya iipotha yomukithi otayi londo pombanda moshitopolwa esiku nesiku molwaashoka aantu inaya hala okulandula omilandu dhoka dha tulwa po kuuministeli.
Hango okwa tsu omuthindo kutya aantu itaya zala nawa uumaska wawo, itaya iwapaleke koonyala na itaya kalathana kokule.
- [email protected]
OSHAKATI
Ø Etaandelo lyoCovid-19 tali londo pombanda
Omunambelewa ngoka okwa popi kutya oshitopolwa shawo osha tuntile aantu ye li po 5 463 moka aantu ye li 2 747 ya tuntilwa nomuti gwoAstraZeneca omanga aantu ye li po 2 716 ya tuntilwa noSinopharm. Mokati komwaalu ngoka, aantu yeli 1 168 oya tuntilwa otuntila yiihwapo.
Hango okwa popi kutya omapopyo gaahe na uushili kombinga yotuntila oga pumbwa okuhulithwapo omolwashoka ngele aantu ayehe ya tuntilwa nena opo owala oshilongo tashi vulu okukalekapo egameno okuza kombuto ndjoka, yo onkalo tayi kala ngaashi sha li nale.
Hango okwa tsu aantu omukumo opo ya tuntilwe, ta popi kutya ontuntila otayi gamene aantu kaya kwatwe kombuto ndjoka nongele oya kwatwa nena otayi gamene opo kaya ye miipangelo nenge ya hulithe.
Hango okwa popi kutya ope na aantu mboka yiitaala momapopyo kutya otuntila otayi ya tula moshiponga ta popi kutya aantu mboka oyomoongundu adhihe mboka ya longwa naamboka inaya mona elongo, unene aantu yoomvula okuza po 50 okuya pevi.
Okwa pula oshigwana shi pulakene kaanongo moshinima shoka nokuyanda etaandelitho lyomipopyo inadhi kolekwa.
Okwa popi kutya ontuntila oya tamaneke moshitoplwa shaHangwena muApilili na otayi gandja miipangelo ayihe iinene okuza Omaandaha sigo Etitano.
Okwa tsikile kutya aantu ya thika po 38 oya hulitha moshitopolwa shaHangwena onga oshizemo shoCovid-19, omanga aaniilonga yuundjolowele yeli po 90 ya kwatwa kombuto ndjoka. Iipotha yi li po 1 665 oya lopotwa moshitopolwa, moka mu na ngashiingeyi aantu yeli 82 ya lopota ye na ombuto.
Hango okwa popi kutya iipotha yomukithi otayi londo pombanda moshitopolwa esiku nesiku molwaashoka aantu inaya hala okulandula omilandu dhoka dha tulwa po kuuministeli.
Hango okwa tsu omuthindo kutya aantu itaya zala nawa uumaska wawo, itaya iwapaleke koonyala na itaya kalathana kokule.
- [email protected]
Comments
Namibian Sun
No comments have been left on this article