Ofamili tayi piyaganekwa komulilo
Ehaluko nomalimbililo oga a dha ofamili ndjoka ya kala tayi piyaganekwa komulilo kagu shiwike kutya ogwa shike okutameka omwedhi Juli gwonuumvo, sho omulilo ngoka gwa faalele omwenyo gwomukokele gwoomvula 88.
Moshiningwanima shopaife homulilo ngoka gwa holoka oshikando oshiti 11 nuumvo ogwa holola mOlyomakaya.
Ofamili yomomukunda Okathitu B moshikandjohogololo Otamanzi moshitopolwa shaMusati, ngashiingeyi oyi li muutile . Sho oshifokundneki shoNamibian Sun sha talele po ofamili ndjoka oshiwike shika, ,mwene gwegumbo ndyoka Albertina Iita Mukwiilongo okwa li e li moluhodhi olunene sho ta gandja ehokololo kombinga yomulilo ngoka.
Omwanakadhona Christofina Shetunyenga, okwa hokolola kutya omulilo ngoka omutilithi ogwa tameke oku ya piyaganeka momasiku 6 gaJuli, sho gwa faalele omwenyo gwayinakulu Josefina Mwetutala, ngoka a li a lala muyimwe yomoondunda ndhoka dha yaka omulilo.
“Esiku lyotango omulilo ngoka gwa tameke, meme okwa li ta teleke omwiha gwaanona mboka ya ya koskola omanga kuku a li a lala mondunda ye ndjoka yi li kokule nelugo,” Shetunyenga a hokolola.
“Meme okwe tu lombwele kutya okwa uvu ezimba lyomulilo ihe ina nongele kutya omulilo otagu zi peni. Lwanima okwa mono olwithi talu zilile mekende.”
Okwa tsikile kutya yina okwa kambadhala okuhupitha yinakulu ihe ina vula molwaashoka okwa adhika a hulitha nale komulilo ngoka.
“Meme naye okwa pi woo ihe oku na elago molwaashoka aashinda oye mu hupitha, okwa li a haluka noonkondo nokuza kesiku ndyoka okwa kala monkalo ya nayipala.”
Shetunyenga okwa popi kutya okuza kesiku ndyoka oya kala nokumona omulilo ngoka tagu limbilike omathimbo nomathimbo.
Omulilo ngoka ogwa yonagulapo oondokumende dhawo oshowo iigadhi yawo moka haya pungula iilya yawo. Ofamili ndjoka ngashiingeyi ihayi lala owala polweela, noshiningwanima shoka osha lopotelwa omukwatheli gwamwene gwomukunda ihe mwene gwomukunda Okathitu B Josefat Uunona okwa popi kutya oshiningwanima shoka ineshi lopotelwa pethimbo molwaashoka iha zi momukunda ngoka.
“Omukwatheli gwandje ina lopotela ndje oshiningwanima shoka onde shi uvu owala sho nda talele po omukunda ngoka petameko lyomwedhi nguka. Oya lombwele ndje kutya mwene gwegumbo okuli monkalo yanayipala, sho yina a hulithile moshiponga shomulilo shoka tashi limbilike, oshowo omulilo ngoka gwa tsikile okuhwikapo egumbo lye,” Uunona a popi.
Omukwatakanithi gwopashitopolwa moshikandjo shaTamanzi, Johannes Iiyambo okwa popi kutya oshiningwanima shoka tashi limbililike okwe shi lopotelwa owala oshiwike sha piti.
ILENI NANDJATO
Moshiningwanima shopaife homulilo ngoka gwa holoka oshikando oshiti 11 nuumvo ogwa holola mOlyomakaya.
Ofamili yomomukunda Okathitu B moshikandjohogololo Otamanzi moshitopolwa shaMusati, ngashiingeyi oyi li muutile . Sho oshifokundneki shoNamibian Sun sha talele po ofamili ndjoka oshiwike shika, ,mwene gwegumbo ndyoka Albertina Iita Mukwiilongo okwa li e li moluhodhi olunene sho ta gandja ehokololo kombinga yomulilo ngoka.
Omwanakadhona Christofina Shetunyenga, okwa hokolola kutya omulilo ngoka omutilithi ogwa tameke oku ya piyaganeka momasiku 6 gaJuli, sho gwa faalele omwenyo gwayinakulu Josefina Mwetutala, ngoka a li a lala muyimwe yomoondunda ndhoka dha yaka omulilo.
“Esiku lyotango omulilo ngoka gwa tameke, meme okwa li ta teleke omwiha gwaanona mboka ya ya koskola omanga kuku a li a lala mondunda ye ndjoka yi li kokule nelugo,” Shetunyenga a hokolola.
“Meme okwe tu lombwele kutya okwa uvu ezimba lyomulilo ihe ina nongele kutya omulilo otagu zi peni. Lwanima okwa mono olwithi talu zilile mekende.”
Okwa tsikile kutya yina okwa kambadhala okuhupitha yinakulu ihe ina vula molwaashoka okwa adhika a hulitha nale komulilo ngoka.
“Meme naye okwa pi woo ihe oku na elago molwaashoka aashinda oye mu hupitha, okwa li a haluka noonkondo nokuza kesiku ndyoka okwa kala monkalo ya nayipala.”
Shetunyenga okwa popi kutya okuza kesiku ndyoka oya kala nokumona omulilo ngoka tagu limbilike omathimbo nomathimbo.
Omulilo ngoka ogwa yonagulapo oondokumende dhawo oshowo iigadhi yawo moka haya pungula iilya yawo. Ofamili ndjoka ngashiingeyi ihayi lala owala polweela, noshiningwanima shoka osha lopotelwa omukwatheli gwamwene gwomukunda ihe mwene gwomukunda Okathitu B Josefat Uunona okwa popi kutya oshiningwanima shoka ineshi lopotelwa pethimbo molwaashoka iha zi momukunda ngoka.
“Omukwatheli gwandje ina lopotela ndje oshiningwanima shoka onde shi uvu owala sho nda talele po omukunda ngoka petameko lyomwedhi nguka. Oya lombwele ndje kutya mwene gwegumbo okuli monkalo yanayipala, sho yina a hulithile moshiponga shomulilo shoka tashi limbilike, oshowo omulilo ngoka gwa tsikile okuhwikapo egumbo lye,” Uunona a popi.
Omukwatakanithi gwopashitopolwa moshikandjo shaTamanzi, Johannes Iiyambo okwa popi kutya oshiningwanima shoka tashi limbililike okwe shi lopotelwa owala oshiwike sha piti.
ILENI NANDJATO
Comments
Namibian Sun
No comments have been left on this article