NYS a ndopa okufuta aakaleli yomaliko pethimbo
OGONE TLHAGE
OVENDUKA
National Youth Service (NYS) oya ndopa okufuta oondjambi dhaaniilonga aakalelo yomaliko dhaNovemba, Decemba naJanuari pethimbo, oshifokundaneki shoNamibian Sun sha tseyithilwa.
Shoka sha etitha aaniilonga aakaleli yomaliko ya thika po 50 ya tinde okuya kiilonga mEtitano lya piti, sigo uuna NYS a futu oondjambi dhaaniilonga mboka ya thika po 500, taya longele poombelewa dhomauministeli ga yooloka.
NYS okwa ndopa woo okufuta futa yehangano ekalelipo lyaaniilonga, nokweetitha ya ninge etokolo ndyoka pwaahena omukalelipo gwehangano ekalelipo lyaaniilonga, omupopiliko gwongundu ndjoka, Selma Shangeta a popi. Aaniilonga mboka ohaya kalelwapo kehangano lyoNamibia Independent Security Union.
Shangeta okwa popi kutya NYS itayi oonkundathana pamukalo omwaanawa naaniilonga opo a yelithe ekateko lyondjambi dhoka.
Kashi li pauyuuki
“Elelo inali ya natse moonkundathana. Omolwashike yahala aanambelewa mboka ngele kaye na iimaliwa?” Shangeta a pula. Pahapu dhe aaniilonga mboka oya kala ya taalele omaupyadhi omolwa ekateko ndyoka na inaya vulu okukandula po oomikundu dhawo.
“Oyendji yomutse aanaskola. Otwa hala okumana omailongo getu opo tu pule komeho yo aanyasha yalwe ye ye woo. Omolwashike tatu ihumbatelwa shaaheli pauyuuki?”
Shangeta okwa popi kutya NYS oha futu wo ondjambi yi li pevi,sho ondjele yondjambi ye mowili yi li pooN$7, nondjele ndjoka inayi gwedhwelwa okuza mmvula yo 2016.
Sho a yamukula komanyenyeto gaaniilonga mboka, Komufala gwoNYS, Felix Musukubili okwa zimine kutya oya kala nuupyakadhi wiifuta yoondjambi pethimbo, omolwa aayakulwa yawo.
Okwa uvaneke kutya oondjambi otadhi kala dha futwa mEtitano.
OVENDUKA
National Youth Service (NYS) oya ndopa okufuta oondjambi dhaaniilonga aakalelo yomaliko dhaNovemba, Decemba naJanuari pethimbo, oshifokundaneki shoNamibian Sun sha tseyithilwa.
Shoka sha etitha aaniilonga aakaleli yomaliko ya thika po 50 ya tinde okuya kiilonga mEtitano lya piti, sigo uuna NYS a futu oondjambi dhaaniilonga mboka ya thika po 500, taya longele poombelewa dhomauministeli ga yooloka.
NYS okwa ndopa woo okufuta futa yehangano ekalelipo lyaaniilonga, nokweetitha ya ninge etokolo ndyoka pwaahena omukalelipo gwehangano ekalelipo lyaaniilonga, omupopiliko gwongundu ndjoka, Selma Shangeta a popi. Aaniilonga mboka ohaya kalelwapo kehangano lyoNamibia Independent Security Union.
Shangeta okwa popi kutya NYS itayi oonkundathana pamukalo omwaanawa naaniilonga opo a yelithe ekateko lyondjambi dhoka.
Kashi li pauyuuki
“Elelo inali ya natse moonkundathana. Omolwashike yahala aanambelewa mboka ngele kaye na iimaliwa?” Shangeta a pula. Pahapu dhe aaniilonga mboka oya kala ya taalele omaupyadhi omolwa ekateko ndyoka na inaya vulu okukandula po oomikundu dhawo.
“Oyendji yomutse aanaskola. Otwa hala okumana omailongo getu opo tu pule komeho yo aanyasha yalwe ye ye woo. Omolwashike tatu ihumbatelwa shaaheli pauyuuki?”
Shangeta okwa popi kutya NYS oha futu wo ondjambi yi li pevi,sho ondjele yondjambi ye mowili yi li pooN$7, nondjele ndjoka inayi gwedhwelwa okuza mmvula yo 2016.
Sho a yamukula komanyenyeto gaaniilonga mboka, Komufala gwoNYS, Felix Musukubili okwa zimine kutya oya kala nuupyakadhi wiifuta yoondjambi pethimbo, omolwa aayakulwa yawo.
Okwa uvaneke kutya oondjambi otadhi kala dha futwa mEtitano.
Comments
Namibian Sun
No comments have been left on this article