Nujoma ta popile egandjo lyevi kekenge lyaRussia
Ominista yomavi Utoni Nujoma okwa popile etsokumwe lyohiila yoomvula 99 yevi kekenge lyaRussia, ta popi kutya etsokumwe ndyoka olya ningwa pauyuuki noombelewa adhihe dhomondjila ngaashi okabinete, ombelelewa ya hahende-ndjai naapunguli yiimaliwa oya tseyithilwa.
Nujoma okwa popi kutya uuministeli we owu na oonkondo okugandja evi li hiilwe mwakwatelwa omavi gopaunangeshefa, ta popi kutya ofaalama ndjoka ya gandjwa kaya li ombwaanawa okutululula nepangelo olya tindi opo ofaalama ndjoka yi landithwe po.
Minista okwa hokolola pethimbo lyomutumba gwiikundnaeki ngoka a ningi mOmaandaha kutya ehangano lyedhina Comsar Properties SA – lyomunashimaliwa ngoka omukwashigwana gwaRussia olya pula epangelo muNovemba gwomvula yo 2017 opo li lande ko ofaalama dhi li ne momudhingoloko gwaDordabis hoka li na nale evi lyuunene woohecta 28 000 moka tamu adhika oMarula Game Lodge.
Nujoma okwa popi kutya Comsar okwa li a popi kutya okwa hala okupungula moshikondo shaatalelelipo oshimaliwa shoobiliyona na okwa hala woo okugandja omagano goomiliyona 25 komayambulepo gomaudhano, ta landa woo oofaalama mbali dhomatulululo oshowo okulongulula ooskola mbali dhomuushayi. Epangelo olya tindi eindilo ndyoka.
Lwanima okwa tokolwa kutya Comsar na gandje omagano giimaliwa kepangelo opo ku landwe oofaalama ne mepingakanitho netsokumwe lyokuhiila lyuule woomvula 99.
Nujoma okwa shaina etsokumwe ndyoka ye mwene noofaalama ndhoka odha shangithwa onga omaliko gepangelo.
Pandokumende dhoka dha piti miikundaneki, Sardarov okwa futu oshimaliwa shooN$2 500 mohecta kehe moofaalama ndhoka, nongushu yiimaliwa mbyoka a futu umwe oyi li poomiliyona 43.5. Farm Rainhoff, Kameelboom oshowo Smaldeel, dhuunene woohecta 11 402 hectares, odha landithwa po onga oshitopolwa shimwe koshimaiwa shoomiliyona 28.5 omanga oFarm Wolfsgrund ya landithwa koomiliyona 14.9 na oyi na uunene woohecta 5 989.
Okwa holoka omapulo ogendji shi na sha negandjo lyomagano giimaliwa ndyoka lya ningwa kuComsar. Omapulo gamwe ongaashi kutya konima sho epangelo lya landa ko oofaalama ndhoka, andola odha tulwa momulandu gwomatulululo gwoshilongo opo dhi gandje omauwanawa koohepele dhAaNamibia ndhoka kadhi na omavi.
Epulo limwe natango oondyoka kutya omolwashike Nujoma a longitha oonkondo dhe nokugandja etsokumwe lyokuhiila lyuule woomvua 99, ta pitilile noomvula 89, poomvula omulongo ndhoka dhuuthwa ngele taku gandjwa evi lyokuhiila kaazaizai.
Omukundu
Pahapu dhomutseyinanwa gwekotamango, Professor Nico Horn, okwa popi kutya etsokumwe ndyoka itali e ta owala omalimbiilo melelo lyepangelo lyoSwapo, ihe otali keetitha woo aazaizai yamwe ya holole ohokwe yawo yokukala nevi moNamibia. Horn okwa popi kutya ehiilitho lyevi uule woomvua 99 otali kuthwa ko owala onga elanditho lyevi, molwaashoka otali ka gandja uuwananwa komapupi gathika pugane. Okwa popi kutya aanafaalama aatiligane moNamibia otashi vulika nayo ya ka pule yiihumbatelwe sha faathana ngaashi kwa ihumbatelwa ekenge ndyoka lyaRussia. Horn okwa popi kutya ekotampango olya gamena omaliko nevi ndyoka itali vulu okukuthwa komukwashigwana ngoka.
Okw popi kutya ompango yoshilongo itayi pitika we evi ndyoka li kuthweko, na oku na owala okutegelelwa sigo omagwedhelepo ngoka ga ningwa momutumba gwevi omutiyali gwa ningwa oompango.
Omukanda gwokuhiila ngoka gwa ngongwa po kuhahende yaSardarov, Sisa Namandje, ngoka e li woo hahende gwopaumwene gwomupresidende Hage Geingob, ogwa holola kutya omolwashike epangelo li na okugandja komuRussia ngoka oomvula dhi li 99 ngaashi ndhoka hadhi pewa AaNamibia.
Omatompelo gamwe po ongaashi kutya epungulo tali zilile mehiilo ndyoka otali ka gandja uuwanawa wopaliko koshilongo, naashoka osha etitha omaipulo kutya omatompelo ngoka otaga keetitha epangelo li kale nokugandja po evi kaakengeli.
Ongundu yoPopular Democratic Movement (PDM) oya popi oshiwike sha piti kutya otayi longekidha eindilo lyompangu, opo etsokumwe ndyoka li kuthwe oonkondo. Omunapaliamende gwoPDM, Nico Smit okwa popi oshiwike shika kutya oya pewa omayele koohahende ndatu kutya oshipotha shawo oshi na oonkondo.
Kashi li paveta – Tjombe
Hahende guuthemba womuntu, Norman Tjombe okwa tsu kumwe nongundu yoPDM kutya etsokumwe ndyoka kali li paveta.
Okwa popi kutya omukalo ngoka gwa longithwa metsokumwe ndyoka, otagu yi pondje ompango. Amushanga nale gwoSwapo Party Youth League (SPYL) Elijah Ngurare okwa popi kutya oshidhigu noonkondo etsokumwe ndyoka li popilwe, ta pula opo epangelo li yelithe oompango dha dhingilila etsokumwe ndyoka.
Okwa gandja oshiholelwa kutya Russia ke na esiku naka pitike omunangeshefa a za mOkalongo nenge moKatjinakatji a hiile evi uule woomvula o 99 moRussia.
“China ke na esiku a ka pitike ekenge lyaJapan li hiile evi uule woomvula 99 moChina. Itashi vulu okuningwa.”
Okwa popi kutya omaipopilo gomayambulepo geliko hago naga longithwe mokugandja uuwanawa kaanona yomoRussia tashi ningwa pakuthindila pevi onakuyiwa yaanona yaNamibia.
Ngurare okwa popi kutya etsokumwe ndyoka kutya olya ningwa pakengelelo nenge inali ningwa pashikengelela ka li li mondjila.
JEMIMA BEUKES
Minista okwa hokolola pethimbo lyomutumba gwiikundnaeki ngoka a ningi mOmaandaha kutya ehangano lyedhina Comsar Properties SA – lyomunashimaliwa ngoka omukwashigwana gwaRussia olya pula epangelo muNovemba gwomvula yo 2017 opo li lande ko ofaalama dhi li ne momudhingoloko gwaDordabis hoka li na nale evi lyuunene woohecta 28 000 moka tamu adhika oMarula Game Lodge.
Nujoma okwa popi kutya Comsar okwa li a popi kutya okwa hala okupungula moshikondo shaatalelelipo oshimaliwa shoobiliyona na okwa hala woo okugandja omagano goomiliyona 25 komayambulepo gomaudhano, ta landa woo oofaalama mbali dhomatulululo oshowo okulongulula ooskola mbali dhomuushayi. Epangelo olya tindi eindilo ndyoka.
Lwanima okwa tokolwa kutya Comsar na gandje omagano giimaliwa kepangelo opo ku landwe oofaalama ne mepingakanitho netsokumwe lyokuhiila lyuule woomvula 99.
Nujoma okwa shaina etsokumwe ndyoka ye mwene noofaalama ndhoka odha shangithwa onga omaliko gepangelo.
Pandokumende dhoka dha piti miikundaneki, Sardarov okwa futu oshimaliwa shooN$2 500 mohecta kehe moofaalama ndhoka, nongushu yiimaliwa mbyoka a futu umwe oyi li poomiliyona 43.5. Farm Rainhoff, Kameelboom oshowo Smaldeel, dhuunene woohecta 11 402 hectares, odha landithwa po onga oshitopolwa shimwe koshimaiwa shoomiliyona 28.5 omanga oFarm Wolfsgrund ya landithwa koomiliyona 14.9 na oyi na uunene woohecta 5 989.
Okwa holoka omapulo ogendji shi na sha negandjo lyomagano giimaliwa ndyoka lya ningwa kuComsar. Omapulo gamwe ongaashi kutya konima sho epangelo lya landa ko oofaalama ndhoka, andola odha tulwa momulandu gwomatulululo gwoshilongo opo dhi gandje omauwanawa koohepele dhAaNamibia ndhoka kadhi na omavi.
Epulo limwe natango oondyoka kutya omolwashike Nujoma a longitha oonkondo dhe nokugandja etsokumwe lyokuhiila lyuule woomvua 99, ta pitilile noomvula 89, poomvula omulongo ndhoka dhuuthwa ngele taku gandjwa evi lyokuhiila kaazaizai.
Omukundu
Pahapu dhomutseyinanwa gwekotamango, Professor Nico Horn, okwa popi kutya etsokumwe ndyoka itali e ta owala omalimbiilo melelo lyepangelo lyoSwapo, ihe otali keetitha woo aazaizai yamwe ya holole ohokwe yawo yokukala nevi moNamibia. Horn okwa popi kutya ehiilitho lyevi uule woomvua 99 otali kuthwa ko owala onga elanditho lyevi, molwaashoka otali ka gandja uuwananwa komapupi gathika pugane. Okwa popi kutya aanafaalama aatiligane moNamibia otashi vulika nayo ya ka pule yiihumbatelwe sha faathana ngaashi kwa ihumbatelwa ekenge ndyoka lyaRussia. Horn okwa popi kutya ekotampango olya gamena omaliko nevi ndyoka itali vulu okukuthwa komukwashigwana ngoka.
Okw popi kutya ompango yoshilongo itayi pitika we evi ndyoka li kuthweko, na oku na owala okutegelelwa sigo omagwedhelepo ngoka ga ningwa momutumba gwevi omutiyali gwa ningwa oompango.
Omukanda gwokuhiila ngoka gwa ngongwa po kuhahende yaSardarov, Sisa Namandje, ngoka e li woo hahende gwopaumwene gwomupresidende Hage Geingob, ogwa holola kutya omolwashike epangelo li na okugandja komuRussia ngoka oomvula dhi li 99 ngaashi ndhoka hadhi pewa AaNamibia.
Omatompelo gamwe po ongaashi kutya epungulo tali zilile mehiilo ndyoka otali ka gandja uuwanawa wopaliko koshilongo, naashoka osha etitha omaipulo kutya omatompelo ngoka otaga keetitha epangelo li kale nokugandja po evi kaakengeli.
Ongundu yoPopular Democratic Movement (PDM) oya popi oshiwike sha piti kutya otayi longekidha eindilo lyompangu, opo etsokumwe ndyoka li kuthwe oonkondo. Omunapaliamende gwoPDM, Nico Smit okwa popi oshiwike shika kutya oya pewa omayele koohahende ndatu kutya oshipotha shawo oshi na oonkondo.
Kashi li paveta – Tjombe
Hahende guuthemba womuntu, Norman Tjombe okwa tsu kumwe nongundu yoPDM kutya etsokumwe ndyoka kali li paveta.
Okwa popi kutya omukalo ngoka gwa longithwa metsokumwe ndyoka, otagu yi pondje ompango. Amushanga nale gwoSwapo Party Youth League (SPYL) Elijah Ngurare okwa popi kutya oshidhigu noonkondo etsokumwe ndyoka li popilwe, ta pula opo epangelo li yelithe oompango dha dhingilila etsokumwe ndyoka.
Okwa gandja oshiholelwa kutya Russia ke na esiku naka pitike omunangeshefa a za mOkalongo nenge moKatjinakatji a hiile evi uule woomvula o 99 moRussia.
“China ke na esiku a ka pitike ekenge lyaJapan li hiile evi uule woomvula 99 moChina. Itashi vulu okuningwa.”
Okwa popi kutya omaipopilo gomayambulepo geliko hago naga longithwe mokugandja uuwanawa kaanona yomoRussia tashi ningwa pakuthindila pevi onakuyiwa yaanona yaNamibia.
Ngurare okwa popi kutya etsokumwe ndyoka kutya olya ningwa pakengelelo nenge inali ningwa pashikengelela ka li li mondjila.
JEMIMA BEUKES
Comments
Namibian Sun
No comments have been left on this article