Nored a gandja olusheno kOshihau
Oshihau, ongaashi omikunda odhindji ndhoka dha kala kadhi na olusheno konima nkene oshilongo sha manguluka momvula yo 1990.
Ehangano lyokuyandjakaneka olusheno monooli yoshilongo lyoNored, okupitila moprograma yalyo yomayambidhidho goshigwana olya gandja olusheno komukunda Oshihau moshitopolwa shaMusati, ehuliloshiwike lya piti.
Omukunda Oshihau moshikandjohogololo shaNesi ogwa kala kagu na olusheno konima nkene oshilongo sha manguluka. Ookastoma dha thika pe 150 momukunda ngoka otadhi vulu ngashiingeyi okumona olusheno nokutyapula omauwanawa ngoka haga endele pamwe nolusheno.
Pahapu dhOmunambelewa Omukuluntu gwaNored, Fillemon Nakashole, oprograma yawo yomayambidhhdidho goshigwana ndjoka hayi ithanwa corporate social responsibility (CSR) programme otayi kwashilipaleke egandjo lyolusheno kaakwashigwana yomomikunda noondoolopa.
Nakashole okwa popi kutya opoloyeka ndjoka oya tulwa miilonga nelongitho lyoshimaliwa shooN$303 000, okuza kuNored.
Omunambelewa ngoka okwa popi kutya oya tula miilonga oopoloyeka dholudhi ndoka miitopolwa oyindji moka haya longele onga omukalo gwokuyambulapo oshigwana, oku pitila moprograma yawo ndjoka.
Okwa tsikile kutya egandjo lyolusheno momukunda ngoka otali ka etelela omayambulepo ogendji. Okwa popi kutya monena aantu owala 16 ya pewa olusheno na okwa pula aakalimo yalwe momudhingoloko ngoka opo ya ninge omaindilo yo ya vule okupewa olusheno momagumbo gawo.
Nakashole okwa indile woo aakwashigwana kashi kambadhale okuninga omakwatathano golusheno ngoka kaageli paveta molwaashoka oga nika oshiponga noonkondo na otaga tula moshiponga oomwenyo.
Sho a holola enyanyu lye, omukalimo gumwe gwomomukunda ngoka, Teopolina Shiyuka okwa pandula noonkondo Nored sho a tokola okugandja olusheno komudhingoloko gwawo.
“Aanona yandje ngashiingeyi otaya vulu okulesha omambo gawo uusiku molwaashoka ope na olusheno,” Shiyuka a popi.
Okwa popi kutya monakuziwa oya li ya gongele iimaliwa nokuya kombelewa yakansela opo andola ya vule okupewa olusheno ihe oya li ya mono eyamukulo kutya iimaliwa mbyoka inayi gwanaa.
Okwa popi kutya okwa hala okupandula Nored, na okwa hala a tsikile nokugandja ousheno komikunda ndhoka kadhi na olusheno.
KENYA KAMBOWE
Ehangano lyokuyandjakaneka olusheno monooli yoshilongo lyoNored, okupitila moprograma yalyo yomayambidhidho goshigwana olya gandja olusheno komukunda Oshihau moshitopolwa shaMusati, ehuliloshiwike lya piti.
Omukunda Oshihau moshikandjohogololo shaNesi ogwa kala kagu na olusheno konima nkene oshilongo sha manguluka. Ookastoma dha thika pe 150 momukunda ngoka otadhi vulu ngashiingeyi okumona olusheno nokutyapula omauwanawa ngoka haga endele pamwe nolusheno.
Pahapu dhOmunambelewa Omukuluntu gwaNored, Fillemon Nakashole, oprograma yawo yomayambidhhdidho goshigwana ndjoka hayi ithanwa corporate social responsibility (CSR) programme otayi kwashilipaleke egandjo lyolusheno kaakwashigwana yomomikunda noondoolopa.
Nakashole okwa popi kutya opoloyeka ndjoka oya tulwa miilonga nelongitho lyoshimaliwa shooN$303 000, okuza kuNored.
Omunambelewa ngoka okwa popi kutya oya tula miilonga oopoloyeka dholudhi ndoka miitopolwa oyindji moka haya longele onga omukalo gwokuyambulapo oshigwana, oku pitila moprograma yawo ndjoka.
Okwa tsikile kutya egandjo lyolusheno momukunda ngoka otali ka etelela omayambulepo ogendji. Okwa popi kutya monena aantu owala 16 ya pewa olusheno na okwa pula aakalimo yalwe momudhingoloko ngoka opo ya ninge omaindilo yo ya vule okupewa olusheno momagumbo gawo.
Nakashole okwa indile woo aakwashigwana kashi kambadhale okuninga omakwatathano golusheno ngoka kaageli paveta molwaashoka oga nika oshiponga noonkondo na otaga tula moshiponga oomwenyo.
Sho a holola enyanyu lye, omukalimo gumwe gwomomukunda ngoka, Teopolina Shiyuka okwa pandula noonkondo Nored sho a tokola okugandja olusheno komudhingoloko gwawo.
“Aanona yandje ngashiingeyi otaya vulu okulesha omambo gawo uusiku molwaashoka ope na olusheno,” Shiyuka a popi.
Okwa popi kutya monakuziwa oya li ya gongele iimaliwa nokuya kombelewa yakansela opo andola ya vule okupewa olusheno ihe oya li ya mono eyamukulo kutya iimaliwa mbyoka inayi gwanaa.
Okwa popi kutya okwa hala okupandula Nored, na okwa hala a tsikile nokugandja ousheno komikunda ndhoka kadhi na olusheno.
KENYA KAMBOWE
Comments
Namibian Sun
No comments have been left on this article