Nhoni iikutha mo momakonaakono gaNandjaba
Omunashipundi gwokomitiye ndjoka yi na oshinakugwanithwa shokukonaakona onkalo yeikuthilo lyevi shaaheli pamulandu mOnandjamba mOshikandjohogololo shaKalongo okwa tokola okwiikutha mo momakonaakoo ngoka.
Vilho Nhoni, ngoka e li omunashipundi gwOkalongo Based Development Community Body (OBDCB), okwa koleke eikuthemo lye mokomitiye ndjika Omaandaha.
“Itandi vulu okukala omunyenyeti ngame omukonaakoni pethimbo limwe alike,” Nhoni ta ti, na okwa li apula opo onzonkundaneki yoNampa yipule uuyelele ku amushanga gwoOBDCB, Jordaan Thomas.
Okomitiye ndjika oyali yuulikwa kuNgoloneya gwaMusati, Erginus Endjala muDesemba gwomvula yaziko, sha landula omanyenyeto gaakwashigwana nehololomadhilaadhilo ndyoka lya ningilwe mUutapi kaakalimo yomOkalongo.
Nhoni okwiikuthamo, sha landula sho a yakula ombapila ye yeuliko okuza kuEndjala, momaiku ga 8 gaFebruali.
Ombaapila oya holola kutya iilonga yokomitye ndjoka otayi tameke momasiku 27 gomwedhi nguka, sigo omomasiku 31 gaMaalitsa. Otaya ka lopota oshizemo shomakonaakono gawo kombelewa yaNgoloneya Endjala, ngoka a tegelela olopota ya hugunina momasiku ga 3 gaApilili.
Okomitiye oyi na oshinakugwanithwa sho ku ngongapo omusholondondo gwomadhina noonomola dhooplota ndhoka tadhi popiwa.
Mokupulwa, Thomas okwa popi kutya omutumba gwaakwashigwana ngoka gwaningwa mOsoondaha ogwa tindi euliko lyaNhoni na ogwa pula opo iikuthemo.
Thomas okwa popi kutya omutumba ngoka ogwa gandja omagwedhelepo opo OBDCB a ninge ekwatathano nelelo lyoshitopolwa shoka, ku vulwe okuulikwa okomitiye yiithikamenapo.
Okwa popi kutya aakwashigwana mboka otaya pangele okuninga ehololomadhilaadhilo, kegumbo lyepangelo, opo ya gandje omanyenyeto gawo komuleli gwoshilongo Hage Geingob.
Endjala okwa lombwele oNampa kutya ina mona omukanda ngoka tagu mu lombwele eikutho lyaNhoni mokomitiye ndjoka.
“Mboka [OBDCB] oya kanitha uuthemba wawo mwaashoka no itatu ka pulakena we kuyo molwashoka oya tindi okugwanitha po oshinakugwanithwa shoka twe ya pe opo ya ninge omakonaakono moshikumungu shika,” Endjala ta ti.
Nampa
Vilho Nhoni, ngoka e li omunashipundi gwOkalongo Based Development Community Body (OBDCB), okwa koleke eikuthemo lye mokomitiye ndjika Omaandaha.
“Itandi vulu okukala omunyenyeti ngame omukonaakoni pethimbo limwe alike,” Nhoni ta ti, na okwa li apula opo onzonkundaneki yoNampa yipule uuyelele ku amushanga gwoOBDCB, Jordaan Thomas.
Okomitiye ndjika oyali yuulikwa kuNgoloneya gwaMusati, Erginus Endjala muDesemba gwomvula yaziko, sha landula omanyenyeto gaakwashigwana nehololomadhilaadhilo ndyoka lya ningilwe mUutapi kaakalimo yomOkalongo.
Nhoni okwiikuthamo, sha landula sho a yakula ombapila ye yeuliko okuza kuEndjala, momaiku ga 8 gaFebruali.
Ombaapila oya holola kutya iilonga yokomitye ndjoka otayi tameke momasiku 27 gomwedhi nguka, sigo omomasiku 31 gaMaalitsa. Otaya ka lopota oshizemo shomakonaakono gawo kombelewa yaNgoloneya Endjala, ngoka a tegelela olopota ya hugunina momasiku ga 3 gaApilili.
Okomitiye oyi na oshinakugwanithwa sho ku ngongapo omusholondondo gwomadhina noonomola dhooplota ndhoka tadhi popiwa.
Mokupulwa, Thomas okwa popi kutya omutumba gwaakwashigwana ngoka gwaningwa mOsoondaha ogwa tindi euliko lyaNhoni na ogwa pula opo iikuthemo.
Thomas okwa popi kutya omutumba ngoka ogwa gandja omagwedhelepo opo OBDCB a ninge ekwatathano nelelo lyoshitopolwa shoka, ku vulwe okuulikwa okomitiye yiithikamenapo.
Okwa popi kutya aakwashigwana mboka otaya pangele okuninga ehololomadhilaadhilo, kegumbo lyepangelo, opo ya gandje omanyenyeto gawo komuleli gwoshilongo Hage Geingob.
Endjala okwa lombwele oNampa kutya ina mona omukanda ngoka tagu mu lombwele eikutho lyaNhoni mokomitiye ndjoka.
“Mboka [OBDCB] oya kanitha uuthemba wawo mwaashoka no itatu ka pulakena we kuyo molwashoka oya tindi okugwanitha po oshinakugwanithwa shoka twe ya pe opo ya ninge omakonaakono moshikumungu shika,” Endjala ta ti.
Nampa
Comments
Namibian Sun
No comments have been left on this article