NHE taka tunga omagumbo 200 mOshakati
Ehangano lyoNational Housing Enterprise (NHE) olya tseyitha kutya otali ka tunga omagumbo geli po 200 gondando yopevi mondoolopa yaShakati, onga oshitopolwa shoonkambadhala dhokuhulithapo ompumbwe yomagumbo mokati koshigwana moshilongo.
Omagumbo ngoka otaga ka tungwa mEkuku Extension 6 okupitila metsokumwe tali ithanwa NHE's public-private partnership (PPP) pamwe nomahangano galwe gaali.
Poshituthi shetamekitho lyiilonga yetungo ndyoka shoka sha ningwa pehulilo lyoshiwike sha piti, kuMinista Sophia Shaningwa, Minista okwa pandula NHE omolwa oonkambadhala ndhoka ta ningi mokukondjitha onkalo yompumbwe yomagumbo mokati koshigwana.
Shaningwa okwa popi kombinga yomagumbo ngoka ga tungwa kohi yopoloyeka yokutunga ehwata lyomagumbo, kutya inaku ningwa omapekaapeko gomondjila kombinga yomalanditho, naashoka osho tashi etitha omagumbo ngoka ga kale kage na aalandi sigo onena.
Okwa pula aatungi opo kaya tule oondando dhomagumbo pombanda molwaashoka otaye kiiyadha ye na omagumbo kage na aantu. Okwa popi kutya ompumbwe yomagumbo gondando yopevi oyi li omukundu gwa taalela iilongo yaAfrika, na Namibia okwa kwatelwa mo miilongo mbyoka molwaashoka aakwashigwana oyendji itaya vulu oondando dhomagumbo ndhoka hadhi tulwa po.
Okwa tsikile kutya omolwa onkalo ndjoka, epangelo olya pumbwa okutula po omudhingoloko gu li nawa gwelongelokumwe pokati kepangelo nomahangano gopaumwene, opo ya wayiminathane mokutunga omagumbo gondando tayi vulika kaakwashigwana.
Okwa popi kutya okwa tseyithilwa kutya omagumbo ngoka taga tungwa, itaga kala nondando yi vulithe poN$500 000, na okwa holoka kutya kuye ndjoka oyi li ondando ombwaanawa.
Shaningwa okwa pula woo iiputudhilo yoombanga yi kale tayi ningitha onkalo ompu mokugandja omikuli dhokulanda omagumbo, ta popi kutya oombaanga nadho otadhi dhana onkandangala onene mokukwashilipaleka kutya AaNamibia oya mona omagumbo.
Ngoloneya gwoshitopolwa shaShana, Clemens Kashuupulwa okwa pula omalelo goondoolopa opo ga gandje evi kuNHE opo ku kandulwpeo ompumbw eyomagumbo.
Pahapu dhomunashipundi gwaNHE, Sam Shivute, NHE ota kwashilipaleke egwanithepo lyeuvaneko lyiinakugwanithwa ye, mokukwashilipaleka kutya aakwashigwana oya tungilwa omagumbo, gondando yi li nawa.
KENYA KAMBOWE
Omagumbo ngoka otaga ka tungwa mEkuku Extension 6 okupitila metsokumwe tali ithanwa NHE's public-private partnership (PPP) pamwe nomahangano galwe gaali.
Poshituthi shetamekitho lyiilonga yetungo ndyoka shoka sha ningwa pehulilo lyoshiwike sha piti, kuMinista Sophia Shaningwa, Minista okwa pandula NHE omolwa oonkambadhala ndhoka ta ningi mokukondjitha onkalo yompumbwe yomagumbo mokati koshigwana.
Shaningwa okwa popi kombinga yomagumbo ngoka ga tungwa kohi yopoloyeka yokutunga ehwata lyomagumbo, kutya inaku ningwa omapekaapeko gomondjila kombinga yomalanditho, naashoka osho tashi etitha omagumbo ngoka ga kale kage na aalandi sigo onena.
Okwa pula aatungi opo kaya tule oondando dhomagumbo pombanda molwaashoka otaye kiiyadha ye na omagumbo kage na aantu. Okwa popi kutya ompumbwe yomagumbo gondando yopevi oyi li omukundu gwa taalela iilongo yaAfrika, na Namibia okwa kwatelwa mo miilongo mbyoka molwaashoka aakwashigwana oyendji itaya vulu oondando dhomagumbo ndhoka hadhi tulwa po.
Okwa tsikile kutya omolwa onkalo ndjoka, epangelo olya pumbwa okutula po omudhingoloko gu li nawa gwelongelokumwe pokati kepangelo nomahangano gopaumwene, opo ya wayiminathane mokutunga omagumbo gondando tayi vulika kaakwashigwana.
Okwa popi kutya okwa tseyithilwa kutya omagumbo ngoka taga tungwa, itaga kala nondando yi vulithe poN$500 000, na okwa holoka kutya kuye ndjoka oyi li ondando ombwaanawa.
Shaningwa okwa pula woo iiputudhilo yoombanga yi kale tayi ningitha onkalo ompu mokugandja omikuli dhokulanda omagumbo, ta popi kutya oombaanga nadho otadhi dhana onkandangala onene mokukwashilipaleka kutya AaNamibia oya mona omagumbo.
Ngoloneya gwoshitopolwa shaShana, Clemens Kashuupulwa okwa pula omalelo goondoolopa opo ga gandje evi kuNHE opo ku kandulwpeo ompumbw eyomagumbo.
Pahapu dhomunashipundi gwaNHE, Sam Shivute, NHE ota kwashilipaleke egwanithepo lyeuvaneko lyiinakugwanithwa ye, mokukwashilipaleka kutya aakwashigwana oya tungilwa omagumbo, gondando yi li nawa.
KENYA KAMBOWE
Comments
Namibian Sun
No comments have been left on this article