NHE a tidha miilonga Titus

OGONE TLHAGEOVENDUKAEhangano lyoNational Housing Enterprise (NHE) olya manitha omatamaneko ngoka ga kala taga ningilwa menindjela gwomayambulepo gongeshefa niilonga, Willem Titus.Titus okwa li a kuthwa miilonga momwedhi Sepetemba gwomvula 2019 ta futwa ondjambi ye yuudha naNHE okwe shi pondola owala okumanitha omatamaneko ngoka ngashiingeyi sha etitha ehangano lyi longithe omwaalu omunene gwiimaliwa miifuta yiikwaveta.Titus okwa kala ta tamanekwa kutya okwa ndopa okugandja uumbapila wokupula iifuta yomagumbo ga landithwa Ongwediva shoka sha etitha ekanitho lyoshimaliwa sha thika poomiliyona 10.4 kehanganoOkwa li a pewa oshinakugwaithwa a kwatele komeho nokukondolola etungo nelanditho lyomagumbo mOngwediva ihe okwa ndopa okushi ninga.Sho a ningilwa omapulo, omunambelewa omupopiliko gwehangano lyoNHE, Eric Lubongani, okwa popi kutya ehangano itali ti ko sha manga na otali ka yamukula owala pethimbo lyoopala.Omukalelipo gwaTitus gwopaveta, Samuel Philander, okwa popi kutya otaya ka ninga eindilo lyetalululo lyoshizemo shoka.Pahapu dhe, Titus pethimbo lyeingilo lyomapulaapulo okwa pula ngele omukuluntuwiliki gwoNHE, Gisbertus Mukulu oku na uuvu wokudhimbwa konima sho a pula Titus a gwanithepo omalombwelo ngoka e mu pe.“Omukuluntuwiliki ita dhimbulukwa a pula Titus aninge iifuta inayi pitikwa na Mukulu okwa ningile Titus omatilitho uuna a tindi,” Philander a popi. Okwa tindi okuzimina sigo uulikilwa uumbangi wopamikanda.”Mukulu ota lundilwa a pula natango Titus a gandje egumbo komunapolotika gumwe.Pethimbo lyomapulaapulo, Mukulu okwa zimine kutya Titus ina uhumbatela nayi NHE.Onga omukomeho gwoshikondo shomayambulepo gongeshefa, Titus okwa ndopa okukwashilipaleka kutya oshikondo shoka oshi na omulandu gwokupula iifuta okuza kookastoma nenge oombaanga omolwa omalanditho gomagumbo.Natango aniwa okwa ndopa okukondolola menindjela gwoshitopolwa shomonooli pamwe naaniilonga ye pethimbo lyetulo miilonga lyoshitopolwa shOngwediva extension 2 oshowo 14 shoooyene yomagumbo ngoka ya pewa ooshapi dhomagumbo omanga kape na omatsokumwe gohiila.Iimaliwa mbyoka inayi futwa okuza momvula yo 2013 nenge 2014.NHE okwa popi kutya Titus oku na ondjo mokwaaha gwanithapo iilonga ye nokweetitha ekanitho lyiiyemo kehangano lyoomiliyona 10.4.Titus okwa ndopa woo okukwashilipaleka ekuto miilonga lyamenindjela gwoshitopolwa shaNHE kuuninginino.

NHE a tidha miilonga Titus

Comments

Namibian Sun 2025-05-22

Please login to leave a comment

NHE a tidha miilonga Titus

Comments

Namibian Sun 2025-05-22

Please login to leave a comment

Login