Ngoloneya a tulilwamo oshipotha shedhipago lyaashi lyoshiningilawina
Opolisi yaShikoto oya tulilemo Ongoloneya gwaHangwena oshipotha shedhipago lyaashi lyoshiningilawina.
Omunamimvo 73 Usko Nghaamwa, okwa tulilwamo oshipotha sho a pumu omuntu okusa pOnankali mondjila onene yaMuthiya nOndangwa koongulasha dhOmaandaha.
Nakusa okwa dhimbululwa kutya oPetrus Iyambo (20) ngoka a li ta taaguluka ondjika okuya kegumbo na okwa pumwa kohauto yiikoto iyali yoToyota yepangelo, ndjoka tayi hingwa kuNghaamwa. Okwa hulithile pehala lyoshiponga.
Kwiikwatelelwa kolopota yopolisi, Nghaamwa okwa li ta hingi okuza kOtjiwarongo niilonga na okwa li mohauto oye awike sho oshiponga sha holoka.
Shika oshikando oshitiyali kuNghaamwa ngoka ena nale oshipotha sha faathana shaningilwe muMaalitsa gwo-2015 sho natango ohauto ye yali ya pumu omusita gwiimuna omunamimvo 31, Benceau Vanyenga.
Oshiponga shoka osha ningililwe oshinano shookilometa 2 okuza pomweelo gwaTsintsabis. Nghaamwa okwa li eehamekwa na okwa falelwe koshipangelo mOvenduka nondhila.
Kwiikwatelelwa ku kOmufalagwopevi mopolisi yaShikoto, Naomi Katjiua oshipotha shoka osha li sha kuthwa mo sho omupanguli-ndjai a ningi etokolo opo ngoloneya kaaha pangulwe.
Katjiua okwa popi kutya oshidhigu noonkondo okupangula omuntu moshipotha shaahena ombangi.
KENYA KAMBOWE
Omunamimvo 73 Usko Nghaamwa, okwa tulilwamo oshipotha sho a pumu omuntu okusa pOnankali mondjila onene yaMuthiya nOndangwa koongulasha dhOmaandaha.
Nakusa okwa dhimbululwa kutya oPetrus Iyambo (20) ngoka a li ta taaguluka ondjika okuya kegumbo na okwa pumwa kohauto yiikoto iyali yoToyota yepangelo, ndjoka tayi hingwa kuNghaamwa. Okwa hulithile pehala lyoshiponga.
Kwiikwatelelwa kolopota yopolisi, Nghaamwa okwa li ta hingi okuza kOtjiwarongo niilonga na okwa li mohauto oye awike sho oshiponga sha holoka.
Shika oshikando oshitiyali kuNghaamwa ngoka ena nale oshipotha sha faathana shaningilwe muMaalitsa gwo-2015 sho natango ohauto ye yali ya pumu omusita gwiimuna omunamimvo 31, Benceau Vanyenga.
Oshiponga shoka osha ningililwe oshinano shookilometa 2 okuza pomweelo gwaTsintsabis. Nghaamwa okwa li eehamekwa na okwa falelwe koshipangelo mOvenduka nondhila.
Kwiikwatelelwa ku kOmufalagwopevi mopolisi yaShikoto, Naomi Katjiua oshipotha shoka osha li sha kuthwa mo sho omupanguli-ndjai a ningi etokolo opo ngoloneya kaaha pangulwe.
Katjiua okwa popi kutya oshidhigu noonkondo okupangula omuntu moshipotha shaahena ombangi.
KENYA KAMBOWE
Comments
Namibian Sun
No comments have been left on this article