Ngiika onda li nda puka – Ndeitunga
MATHIAS HAUFIKU
OVENDUKA
Omunambelewa Omukomeho gwOpolisi yaNamibia, Sebastian Ndeitunga okwa popi kutya otashi vulika a pukitha sho a gandja elombwelo opo aanambelewa yekalekepo lyoveta moondjila kaya gandje omageelo omolwa iihauto yepangelo mbyoka tayi adhika inayi fendelwa. Elombwelo ndyoka olya gandja omvula ya piti.
Elombwelo ndyoka opo owala lya thiki momakutsi goshigwana omvula ndjika, olya nyanwa koshigwana nokweeta ongeyo mokati koshigwana shoka sha popi kutya Ndeitunga otayi pondje oveta yoshilongo nokutula miilonga omalombwelo kageli paveta.
Ndeitunga ngoka e li natango mefudho okwa popi kutya ita dhimbulukwa omatompelo gelombwelo lye ndyoka ihe okwa popi kutya oli na omatompelo omawanawa.
“Ope na okukala pe na etompelo ewanawa kutya omolwashike nda gandja elombwelo li li ngaaka, itadhi dhimbulukwa etompelo ndyoka ihe uuna nda galukile mombelewa otandi ka tala moombaapila dhandje.”
Ndeitunga muJuli gwomvula yo 2021 okwa lombwele aanambelewa yomoondjila miitopolwa ayihe moshilongo opo kaya gandja uutekete koohauto dhepangelo dhoka inadhi fendelwa, omolwa omanyenyeto ngoka ga pewa ombelelwa ye kaahingi yoohauto dhepangelo ndhoka inadhi fendela.
A yamukula kelombwelo lyaNdeitunga, Omukomeho gwOpolisi yaVenduka, Abraham Kanime okwa kunkilile kutya aanambelewa ye itaya ka landula elombwelo ndyoka molwaashoka kape na ngoka e li pombanda yoveta.
“Ompango oya yela na oyi na okulandulwa kwaayehe. Onda kutha kopate ohauto yimwe yOpolisi yaVenduka molwaashoka oyi na ekende lya tatuka,” Kanime a lombwele oNamibian Sun.
Kanime sho a pulwa ngele otaka landula moompadhi dhaNdeitunga okwa yamukula kutya kena oonkondo dhokugandja elombwelo li li ngaaka, sigo uuna elombwelo ndyoka lya zi kompangu.
“Ope na etompelo sho ope na oompango, ngele hasho ngula otandi penduka owala e tandi lombwele aanambelewa yandje opo kaya gandja uutekete koofelende dhandje.”
Nonando Opolisi yaNamibia kayi na uuyelele kombinga yomwaalu guutekete mboka wa gandja kaahingi yiihauto yepangelo mbyoka inayi fendelwa, elombwelo lyaNdeitunga olya shunitha pevi omwaalu gwiiyemo miiketha yehangano lyoRoads Authority.
“Owu na okudhimbulukwa kutya iimaliwa mbyoka hayi gongelwa kehangano lyoRoad Authority oyo hayi longitha mokutunga nokulonga oopate. Ndeitunga otiipula kutya iimaliwa mbyoka ohayi zi peni?” omunambelewa gumwe gwepangelo, ngoka ina hala okutumbulwa kedhina a holola.
Aalongithi yondjila mboka taya lundile kutya aanambelewa yomoopate ohaya kala aluhe yahala okuya pa omageelo, inaya nyanyukilwa etokolo lyaNdeitunga.
Amushanga- Ndjai gwoNamibia Bus and Taxi Association (Nabta) Pendapala Nakathingo okwa pula omatompelo getokolo ndyoka lya ningwa, kiiyenditho mboka ya landwa noonzo dhepangelo.
OVENDUKA
Omunambelewa Omukomeho gwOpolisi yaNamibia, Sebastian Ndeitunga okwa popi kutya otashi vulika a pukitha sho a gandja elombwelo opo aanambelewa yekalekepo lyoveta moondjila kaya gandje omageelo omolwa iihauto yepangelo mbyoka tayi adhika inayi fendelwa. Elombwelo ndyoka olya gandja omvula ya piti.
Elombwelo ndyoka opo owala lya thiki momakutsi goshigwana omvula ndjika, olya nyanwa koshigwana nokweeta ongeyo mokati koshigwana shoka sha popi kutya Ndeitunga otayi pondje oveta yoshilongo nokutula miilonga omalombwelo kageli paveta.
Ndeitunga ngoka e li natango mefudho okwa popi kutya ita dhimbulukwa omatompelo gelombwelo lye ndyoka ihe okwa popi kutya oli na omatompelo omawanawa.
“Ope na okukala pe na etompelo ewanawa kutya omolwashike nda gandja elombwelo li li ngaaka, itadhi dhimbulukwa etompelo ndyoka ihe uuna nda galukile mombelewa otandi ka tala moombaapila dhandje.”
Ndeitunga muJuli gwomvula yo 2021 okwa lombwele aanambelewa yomoondjila miitopolwa ayihe moshilongo opo kaya gandja uutekete koohauto dhepangelo dhoka inadhi fendelwa, omolwa omanyenyeto ngoka ga pewa ombelelwa ye kaahingi yoohauto dhepangelo ndhoka inadhi fendela.
A yamukula kelombwelo lyaNdeitunga, Omukomeho gwOpolisi yaVenduka, Abraham Kanime okwa kunkilile kutya aanambelewa ye itaya ka landula elombwelo ndyoka molwaashoka kape na ngoka e li pombanda yoveta.
“Ompango oya yela na oyi na okulandulwa kwaayehe. Onda kutha kopate ohauto yimwe yOpolisi yaVenduka molwaashoka oyi na ekende lya tatuka,” Kanime a lombwele oNamibian Sun.
Kanime sho a pulwa ngele otaka landula moompadhi dhaNdeitunga okwa yamukula kutya kena oonkondo dhokugandja elombwelo li li ngaaka, sigo uuna elombwelo ndyoka lya zi kompangu.
“Ope na etompelo sho ope na oompango, ngele hasho ngula otandi penduka owala e tandi lombwele aanambelewa yandje opo kaya gandja uutekete koofelende dhandje.”
Nonando Opolisi yaNamibia kayi na uuyelele kombinga yomwaalu guutekete mboka wa gandja kaahingi yiihauto yepangelo mbyoka inayi fendelwa, elombwelo lyaNdeitunga olya shunitha pevi omwaalu gwiiyemo miiketha yehangano lyoRoads Authority.
“Owu na okudhimbulukwa kutya iimaliwa mbyoka hayi gongelwa kehangano lyoRoad Authority oyo hayi longitha mokutunga nokulonga oopate. Ndeitunga otiipula kutya iimaliwa mbyoka ohayi zi peni?” omunambelewa gumwe gwepangelo, ngoka ina hala okutumbulwa kedhina a holola.
Aalongithi yondjila mboka taya lundile kutya aanambelewa yomoopate ohaya kala aluhe yahala okuya pa omageelo, inaya nyanyukilwa etokolo lyaNdeitunga.
Amushanga- Ndjai gwoNamibia Bus and Taxi Association (Nabta) Pendapala Nakathingo okwa pula omatompelo getokolo ndyoka lya ningwa, kiiyenditho mboka ya landwa noonzo dhepangelo.
Comments
Namibian Sun
No comments have been left on this article